سؤال يالنشاما...

مكنون الرياض @user_143990 · 11-02-2009

السلام عليم ورحمة الله وبركاته...
اخواني الاعزاء
انا بروح للمعارض بعد المغرب وببيع موتري فورد 2000 وبصراحه اجهل كثير عن طرق البيع
والمشتراء خصوصا السيارات
يعني اذا اتفقت انا واحد الشريطيه او راعين المعرض على بيع السياره هل يزندني الفلوس اليوم ولا كيف الطريقه...
ارجوا انكم تعلموني الطريقه الصحيحه ياااخوان.

The_Game @user_133527 · 12-02-2009

جزاه الله خير ابن كليب والله حتى انا استفدت

مكنون الرياض @user_143990 صاحب الموضوع · 11-02-2009

ماقصرت يامشرفنا العزيز
وبنتظار تعليقات باقي الااخوان

abn_kulaib @user_98432 · 11-02-2009

نعم تطمن ان شاء الله

اذا عطاك المشتري عربون راح يعطيك صاحب المعرض وصل بالعربون والسياره بتكون بالمعرض

او احتمال تكون السياره معك(على حسب صاحب المعرض) تبقى السياره عندهم عشان يتأكدون من

السياره ان ماعليها مشاكل او مخالفات او تعاميم وبنفس الوقت يقلبون السياره بأسم المشتري

لكن انا اللي اعرفه ان المعرض يقلب السياره في حال استلامك المبلغ كامل

واحتمال هذه الانظمه تختلف من معرض الى اخر

او من منطقه واخرى

والله يوفقك بالبيعه اللي ترضاها

مكنون الرياض @user_143990 صاحب الموضوع · 11-02-2009

الله يعافيك يامشرفنا الغالي
لكن السؤال
هل اتطمن لو خليت السياره بالمعرض واطلب منه ايصال او شي يثبت بيع السياره ؟

abn_kulaib @user_98432 · 11-02-2009

والله انا اللي اعرفه انكم مثلا اتفقتو على بيع السياره بـ 20000 ريال

تروح انت والمشتري الى اي معرض وتفتحون كرت مبايعه تقريبا بـ100ريال

وياانه يعطيك 20000ريال وتتوكل على الله وهو خلاص ياخذ الموتر ويقلبه بأسمه اليوم الثاني

او مثلا يعطيك 5000ريال عربون ويبقى 15000 ريال والموتر يبقى بالمعرض اللي بتفتحون فيه الكرت

الى اليوم الثاني اللي بيكمل فيه المبلغ لك ويقلبون استمارة الموتر

وانت عاد تشترط ياتكون 20000 ريال صافيه لك او مخصوم منها قيمة الكرت+قلب الاستماره+التأمين

والافضل انك تشترط المبلغ صافي

اتمنى اني افدتك

لكن احرص ان البيع يتم عن طريق معرض عشان لو صار شيء يكون المعرض هو المسؤؤل