تمرين المكينة بين الواقع والخيال ( دعوة للنقاش ))

اول شي موضوعك حلو وجميل صراحه ولازم نأخذه بجديه ولازم نطلع بإجابة مقنعة صراحه
بالنسبة لي معي هلي 2002 أول ما طلعتها مشت فيها 150,والحمدلله حتى الأن ماعانيت بشي..هذا أول شي والشي الثاني خلال متابعتي لأفلام السيارات شفت فلم عن مصنع لامبرغيني مدته ساعة..خلال صنع المحرك تمت تجربته وعلى سرعة 200 كليو متر
ومرة شفت مقطع فيديو بأمريكا أول ما طلعت الموستنج 2011 أمريكي مسوي عليها تسارع
من0 إلى 200 وهي ماشية 100 ميل..وحتى بالكاتلوج مدري بس أحس أنك ماراح تلاقي نصيحه
تقول لا تتعدى مثلا 120 لمين توصل 1000 كيلو
أنا صراحه أعتقد أنه عادي خاصة للسيارت الرياضية..من وجهة نظري ماتحتاج للتمرين
لأنه لانه اصلا مجرب من قبل لاتعتقد أن المحرك ماشغل ولا سوو عليه تجارب
وعلى سرعات عالية.ولا كيف تطلع السياره من المصنع بدون فحص وتجربة

تعرفون ليش لازم تمرنون المكينة الاصفار؟

قريت في عشرات المواقع الاجنبية والرسمية لمعظم السيارات، ان بيرنقات المكينة لازم تسقل والسلندرات بعد لازم تنصقل، بس ليش؟ لان المصنعين لما يصنعون البيرنقات يتركون عليها طبقة تتشكل لما يتحرك الكرانك شافت ويصقلهم وللازم لا تتعدا السرعة مئة كيلو او الضغط لايتعدى ال3 الاف دورة، والعزم لازم يكون تدريجيا، ولما تغيرون الزيت اول 1000 شوفو لونه فيه لون برتقالي غامق هاذي برادة المعدن المتاكل، بالنسبة حق المكاين اللي توها متوضبه (اوفرهول) لازم بعد تسوي نفس الشيء، في ناس تفكر ان المحرك بصيده شق اذا ما تمرن المحرك اول مرة وهذي نتيجة خاطئة يظنها البعض، "انه صقل فقط للبيرنقات"*

تم التصويت
نعم , تمرين المكينة ضروري .

اصلا تجي ممرنه من المصنع بس لازم مو عاد تمشون 160 عليهااا لا لمين تاصلون 1000 كيلو وغيرو الزيت وخلاص ادعس عليهاا

التمرين مهم جدا
لان عضلات السيارة تكون جديده
وبعدين وش خسران كلها 1000 كيلو امسك حالك
هع

1000كيلو لاتعدي 80
1600 لاتعدي 120

ماشاء الله عليك شكلك صانع المكينه :bigggrin:

اغلب السيارات الجديده تجيك جاهزه من المصنع وبعدين السرعه ليست الحكم

الار بي ام حق المكينه هو اللي له علاقه (عددد دورات المحرك في الدقيقة) يفضل انه مايرتفع

عن اربعه في اول 1000 بس موب ضروري جدا

التمرين ضروري جدا
الطريقه انك اول الف كيلو لا تعدي 80
بعدين 1600 لك الا 120
بعدين اطلق العنان للسيراةوسو الي تبيه

كيف امرن سيارة وتكون نشيطة بعد التمرين وكم كيلو ياخذ عشان السيارة تعطي عزمها
وهل في فرق بين تمرين السيارة الجديدة والقديمه اذا كانت على الزيرو
وابغى اعرف ليش زمان لما واحد يشتري سيارة جديدة يقولوله في الشركة لا تشغل المكيف بعكس ذي الايام

كيف تكون طريقة التمرين الله يجزاكم خير

تمرين المحرك ضروري ومهم وليس بالمشكلة التي تجعلنا نتركه

هل من أحد يقدر يعطيني الترجمة الحقيقية لكلمة تمرين المحرك أو تليين المحرك بالإنجليزية ؟؟

-

انا اشوف ان التمرين ضروري للسيارات الجديده

واغلب الناس اذا شرا سياره جديده يمرنها

بس بعضهم يبالغون في تمرين السياره


حتى انهم يقولون انك اول ماتتعدى سرعة 100

وانت ماخلصت الالف كيلو



الموتر يخبط

والله معد ندري !

الله يوفق الجميع

تمرين المكينة هذا من ناحيتي اشوف انه كلام فاضي

اصلا المكينة عليها تمرين من المصنع

بس في الالف كيلو الاولى مهم جدا الاحماء للسيارة والسير على سرعات متقاربه تدريجية

لأن الزيت الي فيها هو ابيض لتسهيل حركة التروس في المكينة ولاكن بعد تغيرر زيت المكينة الاول الي هو صيانة الالف

امشي طبلون السيارة ولا عليك خوف بالعكس المكينة تقوى وانا لاحظت الشي هذا في سيارات الايجار اقوى واخف من السيارات العادية

أنا ولد خالتي لما أخذ الالتيما الجديده جرب تسارعها من الصفر ...
بعد ما خلص شفنا المكينه ترج بقوووووووه ,, بعدين طفينا السياره و شغلناها بعد ساعه و مازالت الرجه موجوده لكن أخف
في اليوم الثاني رجعت طبيعيه لكن ما عاد ذي الحركه اللا بعد ما كملت التمرين

طبعا هذي الحركه سواها و السياره دوبها ما كملت 200 كم

من واقع تجربة بسيطة ارى ان تمممممممممممممحط السيارة من بعد خروجها من الوكالة بيوم او يومين

حتى تتعرف على المشاكل لا سمح الله ان وجدت و بعد كدة تقدر تسوق على مهلك لانك تاكدت ان السيارة سليمة و اجائها و معداتها شغالة

وضبت مكينة سيارتي وسالت الميكانيك هل احط رجلي قالي مافي موشكلة بس مافي ادعس قوي يعني حبة حبة تدريجي يعني اصل 160 قالي عادي

السيارة تخرج من الوكالة جاهزة وعليها ظمان لذا اكيد السيارة اجرى لها التمارين الخاصة للمكينة والقير والدفرنس حتى تضمن الوكالة جودة العمل

السيارة الجديدة ماتحتاج لتمرين بس على حد علمي في 1000 كيلو الاولى لازم تكون المكينة مرتاحة وانا راح اشبهلكم المكينة بالطفل الرضيع اي شي ياثر عليه والمكينة الجديدة اي شي ياثر عليها