للاسف انطباعي عن اوبيرس بعد الف كم

هلا اخوووي الغالي

شكرا لمشاركتك وهي محل تقديري

شوف ردي في اعلى هذه الصفحة حول زيارتي للصيانة

الله ييسر لك امورك

شف فيه حركه بس ما انصحك تسويها الا اذا خربت الامور
ولا قدرت او قدر مايكروسوفت يضبط الامور


تسوي مثل ماسوى واحد في وكالة سوباروا على ما اعتقد

توقف السيارة في مقدمة المعرض على الشارع الرئيسي وتكتب عليها المشكلة

هم اذا شافوا الامر كذا ضروري يحلون الاشكالية لان الاقبال عليهم بيتاثر وهم ماهم ناقصين تشويه سمعة
<<< يدور الشر

أبوريناد .. إذا أنت في الرياض

ممكن نتقابل في الصيانة

:)

شباب

رحت امس الصيااانه


بالنسبة للرجه طلع فيه تاير معدوووووووم !!! يحتاج تغيير للاسف يومكن يطلع الجنط بعد ..


بالنسبة للهواء بصراحة للاسف الصيانة خربوا السيارة زيادة <<< ودي ابكي ..

قالوا في البداية طبيعيه و لما حشرتهم قال لو لي خلاص بنجرب راحوا نقلوها على وكالة نيسان !!!! وعملوا وزنية ابواب ... وجوني قال فعلا طلع الباب عندك يبي له وزنية المهم جربت السيارة بصراحة اول تحس انك فاتح قزاز الباب الخلفي الايمين الان تقول ان فاتح الباب كله اليمين الامامي و الخلفي ..

قلت لهم هذا سياراتكم وانا ما ابيها .. كلموني من كل مكان .. اخير اتفقنا اليوم انهم يرجعوا يسووا لها فحص وان التاير هو ممكن يكون السبب .. مالكم بالطويلة نقل كفر من احد سيارات المعرض !! وركبوها على سيارتي .. يقولون طلع نفس الصوت و انه شي طبيعي .. وقالوا لي تعال نعطيك اوبيرس كرت جربها .. وقارن ..

يا شباب و الله بنطق من صيانتهم و تعاملهم .. عالعموم رفعت اليوم شكوى لكيا و خلنا نشوف وش بيردون علي لان زي ما تعرفون اليوم عطلة نشووف بكرة ..

بالنسبة للريموت مافيه حل

بالنسبة للقفل الاوتو بعد ما تمشي السيارة مافيه ..

بالنسبة للذعة الكهرب شلت الاكياس البلاستيك وما وجهتني المشكلة ثاني ..

على البركة يا أبو ريناد
وأنا ما واجهتني الا سالفة الرجة ومجرد ترصيص وتروح


بالنسبة للمشكلة الأولى هل صوت الإزعاج يكون بعد سرعة معينة !
لأنه لو كان يطلع وأنت تمشى 20 أو 60 أو حتى 100 فهذي مشكلة
لكن لو كان يطلع وأنت تمشى مثلاً 150 فهذا يرجع لسرعة الرياح الي تواجهك

شكرا للجميع على المرور و المسانده القوية

هههههههههههههههه


بخصوص لسعة الكهرب شلت الاكياس اللي كنت راز فيها و رااااحت فعلا

باقي المشاكل بروح الوكالة هاليومين و ابلغكم باذن الله

الف مروك على السياره

وترى هاذي أشياء طبيعيه بس أنت أرجع للوكاله وعلمهم ولاتتركهم أنشب لهم لين أحلولك (تراهم يحبون المماطله ) المشاكل الى طلعت معك تر هاذا من حقق .

والله الاخوان ما قصرو وهذي حاجات تتعامل معها الوكاله

ياليت تبلغنا وش صار بينك وبين الوكاله

أول ما تأخذ السيارة لابد أنك بتدور وبتحصل مليون عذروب

لكن

ترا أغلبها وسوسة

وإذا واجهت أي مشكلة بلغ الوكالة فالتشيك

وهم على الضمان يسوون لك كل شي

هونها وتهون هذي ماتعتبر مشاكل ..

يعني الرجه هذي 100% ترصيص مثل واحد أعرفه شاري جيب لكزس XL470 أول ماطلعه من الوكالة بأيام جت له رجه قويه بالدركسون وطلع المشكلة ترصيص..

اللسعه هذي تجيني أحيانا ومدري وش سببها لكن الي سمعته انها كثرة كهربة السيارة..

الصوت الي من الخلف الوكالة أدرى يمكن تكون من الجلد..

الف مبروك
والله هالمشاكل هاللي عم تذكرها غريبه جدا على سياره جديد
روح للوكاله وخبرهم

افادوك الاخوان وكلامهم صحيح ..
و عموماً انت اشرح كل المشاكل للوكاله ويفضل تكتب الملاحظات في ورقه ..


الله يهنيك فيها ويعطيك خيرها ويكفيك شرها ..

,,,

عقباااااااااال 500000كم

بالنسبة لسعة الكهرباء من اكياس المقاعد لأنك جالس عليها لانة صارت معاي في الازيرا والله جامده اذا كنت جاي من مشوار طويل تجيك لسعة لما تقفل الباب من قوتها صرت ادف الباب برجولي .

فالحل انك تشيل اكياس المقاعد والله اعلم......

العزل , والترصيص عالضمان

وباقي الأمور , بتتلاشى بدون ما تحس

:)

الله يعطيك من خيرها ويكفيك من شرها
وتو الناس على الإنطباعات وأنا أخوك

كل هذي طبيعيه ووسوسه زايده

ارجع الوكاله

خليهم يسووو لك ترصيص كفرات

ويشووفوا العزل



والله يعطيك خيرها

ماعندي خلفية عن الاوبيرس صراحه بس بقولك شغلتين تنفع لكل السيارات وقت التمرين اللي هو الخمس الاف كيلو الاولى


ترصيص كفرات وبعدين نزل هواء الكفرات لخمس وعشرين عشان تلين لان الكفرات جديده وقاسية نوعا ما


ومبروك عليك اللسيارة انصحك لاتلتفت للاشياء البسيطة وتخليها تقهرك فكر بالاشياء الايجابية بها دائما