مشكلة في السوناتا

Bandar_B @user_53007 · 07-03-2009

السلام عليكم ورحمة الله وبركاته

كيف حال الجميع ؟ أتمنى تكونوا بألف خير

أنا أملك سوناتا موديل 2007 م V6 والحمد لله ماشيه أموري تمام ، قبل كم شهر طلعت لي مشكلة غريبة وهي بأن لمبة البطاية تشتغل وتطفى مباشرة وبشكل متقطع وبعض الأحيان بشكل سريع

رحت للوكالة تقريباً ثلاث مرات وكل مر يغيرون شيء وأجربها واكتشف العيب لازال فيها وبصراحة المشكلة صارت قلق وكرهتني في الموتر ( علماً بأن الوكالة غيروا البطارية الدينمو )

أحد يعرف لي حل غير الوكالة أو سبب المشكلة أو جهه أشكيها للوكالة

الوكيل الوعلان

والله يعطيكم العافية

زعيم السوسو @user_52905 · 13-03-2009

يمكن ألتماس ولا شي ! ! !

الله العالم مجرد رايي مني

Bandar_B @user_53007 صاحب الموضوع · 12-03-2009

الله يعطيكم العافية جميعاً

أخوي lio45

لا والله مانيب واثق بأنهم غيروها هم بالعادة إذا غيرت قطعه على حسابي يحطون القطع القديمه في الشنطه لكن القطع اللي عليها الضمان تروح للشركة الأم فما فيه شيء يثبت لي أنها تغيرت ، لكن أكدو لي أكثر من مره بأنهم غيرو الدينمو

أخوي سوناتا 994
والله أني شاك مثلك في الموضوع وبأشوفهم السبت واذكر لهم الفيوز

أخوي أبـــوبـــدران
السؤال كيف أتأكد بغير سؤالهم؟ إلا إذا رحت لورشه وقلت له وبيني وبينك ماودي أوديها لورشه
ويمكن تكون من الكمبيوتر سواء برمجه أو عطل منه

ولاهنتم جميعاً على المساعده

أبـــوبـــدران @user_19528 · 09-03-2009

غريبه !

تأكد عزيزي بن القطع تغيرت , واحتمال تكون برمجة كومبيوتر

:)

سوناتا 994 @user_50192 · 08-03-2009

اتوقع فيوز بالطبلون يبيله تغيير ولادري

لكن فعلا تأكد ان كان غيروا الدينمو

lio45 @user_87955 · 08-03-2009

انا كانت عندي هالمشكله من زمان في موتري متسوبيشي
غيرت الدينمو بجلالة قدره وراحت المشكلة
لاكن اكتشفت بعد ذلك اني تسرعت وكان مفروض اغير فقط ( الكتاوت) قطع استهلاكية داخل الدينمو)

بمعنى اوضح مشكلتك في الكتاوت بس مادام تقول غير الدينمو واستمرت المشكلة

فالمشكله غريبه جدا جدا

طيب هل واثق منه مومتاكد فعلا انهم مغيرين لك الدينمو ولا كلام ؟ لان المفروض انحلت المشكله من جذورها لما غيروا الدينمو

موفق