مساعدة من اهل الدمام تكفون

رحت كذا محل ما حصلت عندهم الا محل واحد ما اذكر شنو اسمه عنده لباب واحد بس ويبيه بــ160 ريال لكن المحلات الي ذكرتهم ما رحتهم ان شاء الله خلال هالاسبوع ويمكن اروح التشليح بعد بس اخوي سؤال :كابرس سبورت نزل في السعودية لو مثل البحرين يجيبونهم من الخارج وممكن تدليني الوكالة الرئيسية في الدمام وممكن رقمك على الخاص علشان اذا جيت السعودية اتصل فيك يالحبيب وسيارتي لونها مو بيج ماروني مثل الي في الصورة الي بنزلها ..ومشكور ما قصرت

شوف خال اذا رحت الثقبه يمكن بتحصل
انا بعطيك اسماءبعض المحال في الثقبه يمكن اتحصل عندهم ستوك قديم
شوف واحد اسم محله الدوسري في الثقبه اسأل عنه بيدلونك عليه
هذا عنده ستوك قديم .وبعد في واحد اسم محله الغامدي او ماذكره زين عنده قديم

وفي واحد في الدمام اسم محله الزهراني قبال الحياة بلازا بوابه رقم واحد
هذه عنده سبيربارت قديم .

وبعد في واحد عند الاشارات في صف وكالة تويوتا مباشره هذا عنده اسي ديلكو ستوك قديم

وبعد شوف اوتو مول يمكن عندهم اللي في الدمام بس يمكن الاسعار مبالغ فيها بس زين عموما.

وبعد اوتو مول في نفس الصفه في محل اسمه عالم القطع على ماعتقد اللي قبله اوبعده عندهم قطع غيار اسي ديلكو قديم بتشوف المحل غبار في غبار بس الرجال اللي يبيع يعجبك طيب.

واذا كلش ماحصلة روح التشليح (سكراب) على طريق بقيق الاحساء هناك اتحصل اللي تبغيه
منطقة الدمام الصناعيه على ماعتقد.

وذا بغية معلومات اكثر طرش رقمك وبساعدك بأذن الله.
وانت من وين في البحرين لايكون الكابرس البيج اليك سبورت
الصوره ماتطلع

مشكور يا صاحب الكابرس 78 على النصية وانا هذا تراي ستار ضربته
X مع اني ما تعاملت معاه والشباب ما قصروا نصحوني بالجير الامريكي والحين رست عليه المناقصة خلاص خخ وانا مشكلتي يا اخ صاحب الكابرس 78 سيارتي كابرس 87 سبورت (بابين) ادور حق الموتر مطاط للابواب يعني مساطر مع المطاط الي يركب حول الباب والي يركب داخل الجامة دورت في الدمام كذا محل ما لقيت الا في محل واحد عنده المطاط الي يركب داخل الجامة ولباب واحد بس ما اخذته لاني ما بستفيد اذا تقدر تفيدني تحدني على محل في الدمام يوفر هالاشياء وسيارتي مثل الي بالصورة تحت..وجزاك الله خير
بالنسبة للاخ امير البحار اقوله مشكور ما قصرت بس اخوي هذي بعد شغلة اشيل القير الاوتوماتيك واركب قير عادي وايد صعب مع ان القير العادي افضل من كل النواحي ..تقبل تحياتي

انا عندي لك نصحي ونشاء الله تعجب لان ماريح تسال عن زيت القير بعد اليوم ولاكن فيه تكلفه وهي انك تركب قير ونيت برازيلي قير عادي مع كلش برازيلي ادا ركبته ماحد بشوفك بعد اليوم بصير بنسبه ليه عصفورسريع

هلا يالبحريني
انا راح اتكلم عن تراي ستار الثقبه الموجود جنب السجن في شارع مكه .
شوف تراي ستار هذلين نصابين من الدرجه الاولى . عاد ليش نصابين :c0214: انا اقول اليك
انا امغير الجير عندهم من ثلاث اشهر في مهندس لبناني اسمه احمد هذا شيخ النصابين(بس في واحد سعودي والله ينحط على الجرح يطيب اسمه عبد الرحمن )
بدلت ثلاث جيرات والمشكله وحده تهريب الزيت 350 الجير طبعا .(المهندس احمد ايقول 350 معروف بتهريب الزيت )
بعدين نصحوني الشباب احط 700 وحطيت من عندهم ودفعة الفرقيه. بس شوف النصب اشلون
اقول للمهندس احمد غيرت كرسي الجير(كروس ممبر) قال نعم . غيرت العامود (الشافت) قال نعم. اقوله بس اسمع
صوت قرقعه قال عادي. والحل وديت السياره عند واحد ميكانكي قالي التركيب غلط قلت اشلون
قالي شوف الكروس ممبر مال 350 يعني حاطين كرسي 350 على 700 .
والشافت ودوه المخرطه يعني قص لصق لحامهم اعوج ؟( صوت القرقعه من الشافت اعوج)
وبعدين قلت خلاص تراي ستار علامة اكس كبيره عليهم. x
وجبت كروس ممبر 700 ,وعامود غير هذا التعبان الملحوم وضبط زي الساعه

ترى انا حاط جير 700 على كابرس 78 يعني قديم بس يركب عليه.و اذا لقيت دفرنش رود ماستر 92 اخذه وحطه على سيارتك مع جير700 . انا مسوي تمام

هذي القصه وخلاص . المعلومات بتفيدك ولا تستعجل اسأل زين .

مشكور يا شيخ ما قصرت

الجمعة اجازة .. يفتحون الورش من السبت إلى الخميس فقط

اخواني هل كراج القير الامريكي الي بالدمام يفتح يوم الجمعة ؟؟

مشكور اخوي ما قصرت وان شاء الله يوم الاربعاء الجاي انا في الدمام وان شاء الله ادلي الطريق زين :bigggrin:

الظاهر ان كل واحد لاهي في سيارته عالعموم شكرا شعب السعودي

انصحك بمركز القير الأمريكي افضل من ترايستار انا اخذته من عندهم قبل اربع سنوات من الأحساء بالصناعيه وضمان سنه وإلى الأن لم اواجه اي مشكله معه ولله الحمد ,, سيارتي كابرس 89 أخذته ب1700 ريال ونوعه(200 فور أر) نفس ال700 لأنهم اربع تعشيق ,,اما 350 ثلاث تعشيق.. واذكر ان المهندس قال لي ان المركز الرئيسي بالدمام أو الخبر ..

الحمدلله رب العالمين

سبحان الله

الله اكبر ولله الحمد

اخوي ما تقصر ومشكور والمحل الي اقصده محل كبير يركب قيرات

فيه محل الجير الامريكي الظاهر اللي تقصده محل فحص الجيرات الامريكي هذا ياطويل العمر
تمشي مع تراي ستار لحد ورشة سهم وتاخذ معها يمين تحصل ورشة المنصور على اليسار تمشي قدام فيه تقاطع وبعده بكم محل تحصل لوحه حمراء اللون فيه اسم الجيرات الاتوماتيكي والمهندس واحد سعودي
والمحل الثاني اللي تقصده بس اتاكد من موقعه لأنه مار على من قبل

القير الامريكي وين يصير ذا المكان لو سمحتوا