عاجل اللوحات الملكيه الطويله من وين اطلعها بالرياض

روح لـ صرافه وسدد لهم 150 ريال

واخذ الأيصال وعلى المرور

الحين والله مكاتب الخدمات العامة يسونها ب200 ريال

التموين في عليشه تطلع بنفس اليوم
حط اوراقك الصبح الساعه 8

تجي الساعه 1.30 الظهر تلقى اللوحات طالعه

:)

فيه الناس اللي واقفين برى اللي يقولك تبغى تسدد

شفلك واحد من اللي الشباب اللي واقفين عند باب المرور وقله ابغى اسدد رسوم لوحات طويلة

ولا بعد تحصل مكتب عند مرور المربع مقابل الباب يسددلك ويعطيك ايصال بعد

طيب كيف طريقة التسديد عن طريقة صراف الرياض

ابي التفصيل الممل

مرور المربع مااااااااااافيه زحمه

انا مطلع اللوحات الطويلة من عندهم جيتهم الساعه 9 ومافيه احد

صور الاستمارة وسدد 100 ريال ووبعد اسبوع تستلمها

مرور المربع

يصير خلف مبنى الادارة للبنك العربي في حي المربع

وش تنصحوني فيه اروح لمرور المربع ولا تموين عليشة ..؟

وممكن وصف لمرور المربع

طيب كيف مرور المربع انا ناوي اروح لهم

مرور الشرق آفضل قسم مرور شفته

حسن معاملة مع المراجع + سرعة إنهاء الإجراءات + مافية زحمة

من جد انا رحت للناصريه ادور لوحتي وحصلت 4 كراتين واقعد ادور بنفسي والله جاني ضغط وسكر يااخي وين رئس اللمرورر يحل هالبهذله وش هالحوسه حشى ولاكنا في الصومال طيب اقل شي صنفو اللوحات حسب الحروف
ا
ب
ت
ث
ج
ح
الخ
وكل حرف حطوه بكرتون اسهل للمواطنين مانقول الا حسبي الله عليهم دنيا واخره حسبي الله علييهم وبس كل يوم نراجع ع الفاضي

راعي الزذ

وسع صدركـ يابطل

قسم بالله كل ها المرمطه والقروشه توهقت فيها

لي[COLOR=black] 23 يوم وانا احتريها اللوحات قسم بالله لوهم قالولي من زمان قلت الله يلعنكم ويلعن لوحاتكم [/COLOR]

لا وبعد لي اسبوع [COLOR=black]اداوم عندهم<==قبل العساكر كل يوم اروح ادورها وتدورها بنفسك بين الف لوحه[/COLOR]

خلها على ربك بس لا حياة لمن تنادي

الله يعين ..
تراها لوحة يا شباب .. وسعوا صدوركم ..

خخخخخخخخخخخخ أخوي راعي الزد وسع صدرك :bigggrin:

أنا كم مرة كان في راسي مشروع اللوح الطويلة ,لكن لما أعزم أقول في نفسي والله
مشواااااااااار يازول , روح للناصرية وروح دور موقف بعدين روح سدد
بعدين امسك سرة مع هالخلق وريحة وعفن وحر ووو...

بعدين أقول يارجال بلاش , كلها لوحة ........ :bigggrin:

ياحبيبي ماعاد فيه عليشه وانا مستانس رايح لهم بدري وقعت في الدوام وطلعت
وخذ ياتسحيب ومرمطه
ياناس طفشششششششششششششششششششششت من الديره ودي اهاجر لاي محل
ان شاء الله اروح للسودان الصومال اي شي اقل شي اتاقلم مع الوضع

ناس خايسه ومعامله زفت ودرجه غبيه من الثقافه والاسفاف بالناس يطالعونا وكاننا جايين نطر حتى السلام مايردونه والواحد فيهم مايعرف يقرا ولايعرف يحسب وحتى الحاسب الالى مايعرفونه له ههههههه 90 مليون مره السيستم عطلان وربي راسك العطلان
حتى الكمبيوتر مايعرف يشغله
وبرايي لو نظام المرور كله يحول لشركه قطاع خاص ويفكونا من خياسهم الله يخيسهم
دنيا واخره اقرفونا لوحه استماره واهم شي تحرير مخالفه حسبي الله ونعم الوكيل

افااا
وانا صادم على موتري
واللوحه معفطه ومالي وجه اركبها
ياليتني رحت لعليشه
ياليتني
يالييييييييييييييييييييييييييييييييتني
قالوا لي اخواني بس قلت لا
هذي نهاية الهياط
وابوي الحين يقول متى تركب لوحه قدام هاه
ياليييييييل
ابك وش ذا الحتسي
وش ذا القلق
ياليييييييييييييييييييييييييييييييييييييييييييييييييييييييل
من جد ياليتني ما دخلت هالموضوع
يبطووووووووووووووووووووووووووووووووون
ويبطووووووووووووووووووووون
ويقطعون بصل
واجيهم واجدد اللوحه
قال وش 10 ايام
يالبى عليشه بس واللي فيها
:(

اخوووووووووووووي


الحين ماعاد فيه نظام انك تروح لعليشة قسم التموين وتطلعلك في نفس اليوم


انا شخصيا موتري جديد وابغى اطلع لوحات طويلة امامية وخلفية ورحت لقسم التموين وقالولي ماعاد فيه لوحات طويلة تطلع على طول الحين حولها على مرور الناصرية ومرور المربع اذا كان موترك جديد واستمارته جديده تسدد 100 ريال وتصور الاستمارة وتكتب تحتها طلب لوحات طويلة ورقمك واسمك وبعد 10 ايام تستلم اللوحات

وان الحمد الله ااستلمت اللوحات الطويلة من مرور المربع بعد 10 ايام بالضبط


واجراءات ترها سهلة

نصيحه بتكرهون اعماركم مع نظام مرورنا وبقولكم التفصيل الممل الغبي
لدرجه بغيت ا حرق السياره

شوفو سلمكم الله طبعا الحديث عن مرور الرياض لاحظو الرياض العاصمه مو منطقه ولاقريه العاصمممممممممممممممممممممممممممممممممممممه والتعقيد الممل الكريه

بالبدايه ضاعت اللوحه الاماميه وهي مميزه متكونه من الارقام والحروف ذات
؟؟؟ 050 اوتسى اوتسي

رحت كالعاده زي اي مواطن سعودي للشرطه وبلغت عن الفقدان مع تحقيق نص ساعه شلون ضاعت ومن تشك فيه واستعلام عني وعن سيارتي وين كنت نايم بالسطح ولا بالحوش وكم لها من يوم وشغلي وعنواني وعنوان قبر جدي الخامس عشر !!
وبعدها خذيت تعميم ان اللوحه ضاعت عشان اروح للمرور
والشغله خذت مني ساعتين وطلع اولا :

بتعميم فقدان لوحه من قسم الشرطه

بعدها رحت لمرور الناصريه عشان اطلع بدل فاقد قالوا اقلب وجهك لعليشه قسم التموين
قلت طيب يابشوات نروح ومالو
من اليوم الثاني رحت للمرور بعليشه قلت لوحتي ضايعه ومعي تعميم المرور وابي لوحتي قال هات الاستماره وقالي لوحتك مميزه ماراح نصدر زيها واللي ضاع الله يخلف
قلت معصي و90 معصي قال رح للعقيد وكلمه قلت لوحتي شوله اكلم عقيد ولا رقيب
وش الاجراءات ( طبعا سراء وطوابير وارقام ومضاربات وحر وقرف وعساكر انفسهم خايسه ويالله سترك من هالنظام البغيض المعقد المتخلف ولو كنا في بنقلاديش قلت مايخالف ع اني اشك نظام مرور بنفلاديش اطلق مننا )

المهم وش الاجراءات
قالي العسكري

- استماره مجدده ولو صارت منتهيه اقلب وجهك ورح سو الاتي

- فحص دوري جديد
- تسديد قسايم والقسايم مدبله
- تسديد غرامات تاخير عدم تجديد الاستماره
- تامين جديد للمركبه
- بلاغ فقدان من الشرطه
- التنازل الخطي عن لوحتك السابقه

وبعدين تعال مره ثانيه قلت طيب يجيب الله مطر وانا اللى اركب لوحه مزوره قدام وامشى فيها لين يحلها الله وافضا لهالاجراءات الغبيه المعقده


وبعد فتره انفحص الموتر وتجددت الاستماره وتامنت وطلعت استماره جديده بنفس رقم لوحتي السابقه

ق رف 0050
وطبعا عطوني الاستماره بدون لوح وقالوا راجعنا بعد شهر يالحبيب لحد ماتجي اللوحات وجب لوحاتك القديمه والمزوره معا وهالكلام بواسطه ولا كانو بيصرفون لي رقم جديد ومش حالك بس انا رفضت

بعد شهر رحت لهم وعطوني لوحات جديده وسلمتهم المزوره ومعطيني براغي مالها مفكات غبيه نفس الغباء وماتقل غباوه وتعقيد عن النظام المروري وقالوا هذي لازم تركب
طيب عطونا مفك يفكها ويكربها قالوا مش خشمك اربطها بيدك ولو ماتركبهم ترا عليك مخالفه مروريه ب 150 لحد ماتركب المسامير الجديده
اللي يسمعهم لوحات الماسيه الحين
المهم طنشتهم وتفاجئت انهم معطيني لوحات قصيره وانا مسلمهم لوحات طويله وطالب لوحات طويله بعد قالوا مافيه الاهذي تبيها ولا اقلب وجهك

قلت هاتوا معليش نروح نشوف وين نطلع اللوحات الطويله وربي بس عشان قاعده الصدام طويله ومخرم لمقاس الطويله ولاكان ركبت القصيره لاهمني طويله ولاقصير بس عشان الصدام مخرم وبيطلع شكله غلط لو ركبت صغير وهالخرروم يمين ويسار والطويله راح تغطي الموضوع

المهم قلت وين قالوا رح عليشه
رحت عليشه قالوا انقلع الناصريه مره ثانيه نقلنا فرعنا هناك
طبعا الفرع عباره عن بركس وصاله بدون تكييف وقرف ابد كنك باستراحه حجاج ايام السبعينات زحمه وقروشه وهياط عساكر

المهم رجعنا الناصريه وقلنا نبي اللوحه الطويله
قالوا رح سدد ثمنها قلت وين ؟
قال بتلقى شباب من المنطقه الشماليه ( سعوديين بدون جنسيه يسدوون لك عن طريق جوالاتهم للبنوك )

ياحرام ياحرام يامرور كل هالنظام وهالقروشه عاجزين توفرون مكينه صرافه تريح المواطن تحطونها بالصاله !! وعايشين الشعب على جوالات البدون جنيسيه يسددون لهم ويامنون لهم واللهي عيب يااداره مرور فشله حق وحقيق

اظعف الايمان حطو مكينه صراف الي وجنبها مكينه تسديد وايداع !!!!!!!!!

المهم سسدنا وعطينا البدون 10 ريال اجور خدمته السفري

رجعنا للسعكري مره ثانيه
قال ابك رح جب ملف خضر علاق ولا نايلون ابيض وعب نموذج سير وتعال
رحنا شريت ملف وحطينا الاوراق فيه اللي يبونها وسلمناها لهم

تتوقعون وش قالو ؟

قالوا تعال بعد 25 يوم تستلم لوحاتك !!!!!

قلت ليه طالب هيلاكوبتر اباتشي انا بعد 25 يوم اراجعكم وش هالتخلف وش هالدنفسه وش حومه هالكبد 25 يوم ليش ؟
معقوله مافيه تجهيز مكينه تسبك اللوحات وانت واقف خلال دقيقه ولا حومه كبد تقرفون اهلنا بروتينكم المدقع في البربسه والنحوقه اللي مالها داعي


اللي من جد ودك تدفع 1000 ريال لاي معقب وماتشوف بعينك هالقرف الكئيب لاحسن استقبال ولابشاشه وقرررف تعرفون شلون معني قررف مراجعه مرور !!


التعليق اللي يتبادر لذهنكم الحين
حنا وين عايشين ؟؟ بالله عليكم وين عايشين ؟؟
واقسم بالله كل ماوردته بهذا الموضوع صحيح ولم ازل باي كلمه من عندي
الحين فيه احد منكم راح يراجع مرور عشان لوحه ضاعت

بعد ماستلم اللوحه اقسم بالله بسيم معلاق راح اربطها بالصدام القدامي عشان ماتطيح ولاافقدها ولو حصل لي تلحيمها لحام ع السياره ماراح اقصر راح الحمها لحام

وماعرض نفسي لهالقرف مره ثانيه