خلاص يا اكاديا يا باثفايندر تكفون عطوني رايكم

الأكاديا أمريكي وليس كوري




كيا موهافي غالي في الكاش لكن سعره مناسب بالتأجير
* سياسية تسويقة من الوكيل.!




المازدا خيار ممتاز
وأعتقد أنه أنسبهم سعراً ومواصفات وأداء




^ ^
هذا هو الرأي بغض النظر عن الفل أو سياحي
بالإضافة إلى المازدا .. وهونداي فيراكروز
* سمعت إن سعره 105 ألآلاف فل كامل.؟!




على الرغم من أنه يعمل لدى الوكيل إلا أنه ليس بشرط يكون كلامه صحيح.!
* وممكن يكون صحيح ، أقصد لا تعتمد عليه




صدق أبعد عن الأوفرود الكروس أوفر أريح وأفخم .. غالباً


والله يكتب لك إلي فيه الخير

:)

شف حبيب قلبي..
بما ان استخدامك مو حق بر وطعوس..يعني البلد وخطوط سفر..
فانت ما تحتاج دبل ثقيل..باختصار ما تحتاج سيارة اوف روود..
تحتاج سيارة واسعة وراسية ومريعة وعزلها ممتاز وقوة محرك حلوة..
كل هذي الخيارات تلقاها في الاكاديا المتميز عن الهمر بالحجم والسعة وقطع ارخص..
غير كذا الاكاديا مرغوب بكثرة خاصة اللون الابيض اللؤلؤي..
منها شكل وفخامة وقوة وراحة ودفع رباعي مستمر يفيدك على خفيف في البر..
هذي اشياء ما تحتاج حيرة..
الله يبارك لك في اختيارك..

الدفع الأمامي الرباعي أفضل من الخلفي في حال تبي سيارة crossover من ايجابياته
انه انشط في الاندفاع من سيارات الدفع الخلفي وذلك لقرب المحرك وناقل الحركه من قوه الدفع.
وايضا من القوانين الفيزيائيه ان السحب للامام اسهل من
الدفع للامام.
ولهذا دائما نجد الدفع الامامي اسرع من الخلفي./ اقتصادي اكثر بالوقود بحكم قرب قوه الدفع من المحرك.
لكن الدفع الأمامي لا ينفع للطعوس لأنه لا يتحمل الرمال و المطبات.......

من ناحيتي الباث الفايندر ..

الأكاديا سعرها غالي وانا اتفق معك انه حلو بس احس جودته مب بمثل الباث. ولا تنسى تستخير

أنصحك بالأكاديا اذا يهمك سيارة 8 ركاب وعند اللزوم تطوي الصف الثالث و يصير عندك مساحة خياليه للتحميل.أما اذا ادور سيارة 5 ركاب الباثفايندر خيار جيد علما يوجد صف ثالث للمقاعد بس ضيق و ما ينفع غير للأطفال.

ما لك لوى ... الباث فايندر دفع خلفي رباعي والأكاديا دفع أمامي رباعي ... كيف يمكن يكون الأكاديا أفضل؟

الباث فايندر في رأيي أفضل بمراحل، وأرخص سعراً.

ان كانك عزوبي خذلك باجيرو ربع بتدعيلي

مواصفاته خيال وقوته جبارة ورساوته حلوة

غير كذا عليه عرض تقسيط بسعر الكاش بدون فوايد

‏^‏^^

أنا معك أن الأكاديا بجميع فئاتها فخمة من الداخل

ولكن حتى الباث من الداخل فخم شاشة ومكيف لمس ووو ما عدا النوع السياحي

اطلع عن تويوتا ونيسان وجي ام سي والهوندا بس الهوندا سوقها في الاكورد والسفك فقط

كلامك تــمام التمام في ما يخص الهوندا بايلوت

البايلوت لم تنجح في الانتشار والناس لا تستوعب هوندا دفع رباعي تماما كما لا تستوعب كيا موهافي مرتفعة السعر رغم كل المواصفات المتوفرة , لهذا مجموعة الوكالات الوطنية في الكويت تكاد لا تبيع موهافي هنا الا للتصدير الى العراق !

أما الامريكيتان , النيسان باثفايندر والاكاديا ,فالاكاديا جابت جائزة السلامة بترتيب الاولى في اميركا لكنها تبقى كروس اوفر للمدن الى حد ما مو حق بــر , الباثفايندر اقوى و العيب فية ان مواصفات الداخل لا تكون جيدة الا للفل اوبشن و ماعدا ذلك تكون فقيرة وباهتة نوعا ما و هذا تتفوق فية الاكاديا حيث انها انيقة من الداخل بكل فئاتها

وفقك اللة اخي الكريم

الاكاديا دفع امامي (كثير المشاكل) الباث افضل

وانصحك بالfj

والقرار لك
وفقك الله

اتصل بي احد الاصدقاء واستشرته في الموضوع وقال لي خلك في الباثفايندر لانها سياره معروفة ومجربه او الهوندا لان الهوندا كسيارة ما عليها كلام وكل السيارتين بدون ادنى شك تعطيك اكثر من خمس سنوات ان شاء الله اما الاكاديا فذكر ان صديق له يعمل في احد وكلاء جي ام سي وقال له ما اضمن الاكاديا بعد الثلاث سنوات يعني ثلاث وهج بيع
وش رايكم في هالكلام

الأكاديا رهيب


انصحك به

الباثفاينذر

اشكر الجميع على المرور الجميل والتعاون اللي اسألك الله ان يجعله في ميزان حسانتكم
عموما للتوضيح لكل اراد التوضيح
اولا انا ابي بصراحه سيارة كشخه ومرتفعه وعملية ولها قيمة سوقيه لو فكرت اغير يعني اضن جيب المازدا والكيا ما تتوفر فيها عشان كذا بعدت عنها
وانا في الحقيقه ما لي في التطعيس والبران يعني روحاتي للطعوس خفيفه لكن السيارة المرتفعه اليومين هذي مطلوبه سواء امطار او بر او ارصفه هههههههههه
وبصراحه انا حدودي 130-140 الف يعني ما راح اخذ الفل ولكن باخذ نص الفل في الاكاديا والوسط في الباثفايندر
اما بالنسبة للارمادا والتاهو بصراحه حجمها كبير مره وبيضايقني كثير في المواقف وزحمات الرياض خصوصا ان مقر عملي المواقف فيه صعبه جدا وما تصلح سياره ضخمه
اما الهوندا فوالله سياره ما عليها قصور بس مشكلتها السوق ما بغاها وانا كان معي اودي وكليت الويل من شغلة الوكيل وقطع الغيار والصيانة وما احد يبي سيارتك في السوق فقلت توبه وما راح اطلع عن تويوتا ونيسان وجي ام سي والهوندا بس الهوندا سوقها في الاكورد والسفك فقط

ارجو هذي الايضاحات تساعد على ابداء الرأي
بارك الله فيكم والله تستاهلون حبة خشم

يا اخي سعر الاكاديا الفل قمه النصب اجل ب 155 الف

بالسعر هذا اخذ ارمادا فل كامل شاشات+كاميرا متطوره+قوه جباره+ منافس شرس للجمس

وبعد لو ما تبيه عندك التاهو لLTZ تزود 5000

هذا رايي لو كنت مكانك

تقبل مروري

:xyxwave:

بين الخيارات الباثفايندر افضلهم طبعا ..
ولا تنسى تضيف جيب المازدا معاهم لانه احسن منهم والكيا موهافي عليه عرض بنظام التأجير

كل السيارات اللي ذكرتها ما عليها قصور و لكن ..
.
.
إن كنت تقدر على سعر الأكاديا الفل فتوكل على الله و خذه .. الفل ولا تاخذ النص فل
و إن كانت الميزانية ماتسمح فالباثفايندر خيار موفق

و لا تنس الإستخااااااااااارة ,,

بصراحه لو مكانك ما اختار غير البايلوووت

ان بغيت فخامه وان بغيت كشخه وان بعد جووووده فهو اجودهم و . و . و....الخ

وبتقولي قطع غياره غاااليه بقووولك ماهي اغلى من الباثفاندر
ع العموم اتمنالك كل التوفيق
في امان الله