غريبة أنتي ايتها البافارية !! فمن تكونين أرجوك اجيبي !!

اخوي الاشياء اللي انت تتكلم عنها هذي اشياء اصيله, ال BMW تحاول انها تغير شكل اصداراتها بس بدون ماتقلد شركات ثانيه وبدون ماتتخلى عن اصالتها على سبيل المثال القير اللي كان عند الدركسون اول من اخترعه البي ام ولما نزلت المرسيدس S بنفس الحركه رجعو حطوه ارضي البي ام تتقلد ماتقلد :xyxthumbs: ولو ترجع لتاريخها بتشوف صحة كلامي لانها اول سيارة صالون بالعالم فيها 12 سلندر واول سياره بالعالم تنزل نظام ال GBS واول سياره بالعالم قيرها اوتوماتيك بسبع سرعات :xyxthumbs: والحين هي بعد اول سياره بالعالم تحط الانترنت بالسياره وشوف من بيقلدها بعدين:tongue: وهي اول سياره بالعالم تسوي نظام ظبط ظغط هواء الاطارات :xyxthumbs: ومميزات كثيره ما اقدر اذكرها بس انها زي ماقلت تتقلد ماتقلد,,, وبخصوص موضوع الاصاله حتى لو تلاحظ موديلاتها من اول ماطلعت الى اليوم تتميز بالانوار الدائريه الشبيهه بالعدسه وبالشبك الامامي المشابه لشارب المخترع الاصلي ل BMW ( ما اذكر اسمه والله )

تقبل مروري :ch19:

عزيزي البي ام دبيلو سيارات اثبتت مكانها خلال 10 سنوات الماضيه وتقنيتها وتصميماتها سابقه لعصرها ودايم السيارات تقلد تقنياتهم مثل نظام اي درايف اللي هو الفاره وقلدته مرسيدس بكوماند
واودي ايضا ونظام التشغيل بزر وقلدته اغلب شريكات السيارات ونظام القير الاكتروني اللي عند الدريسكون وقلدته مرسيدس ونظمه قديمه مثل الزينون اول سياره نزلته البي ام دبليو وشاشة الملاحه
وايضا الكثير والكثير وش نقول وش نخلي
بلنسبه لي انا عندي 750il موديل 2007 اندفيجول والى الان معي والحمدلله مافي شي مو ناقصه كل التطورات فيها واشكرك عزيزي على اتاحت الفرصه لنا

وعليكم السلام ورحمة الله وبركاته

اهلا وسهلا بك لقروب السيارات الاوروبية

فعلا ,,, البافارية سياره العشق مدى الحياة

ماتنلام لو عشقتها ونحن عشقنا السيارات الالمان من أول نظرة

اسأل الله ان يرزقك ويرزقنا كل مانتمناه
عاجل غير آجل

بالتوفيق وشكرا لك وحياك

ولاتحرمنا من تواجدك الدائم ومشاركتك الدائم

ما تنلام يا بعدي .. الله يلوم اللي يلومك ..


سياراتها مجنووونه .. وتصاميمهم اجن واجن ..


لكن للاسف ما عندي علم ولا جواب على تساؤلاتك ...

:D

مواصفات السيارات تختلف والناس تأخذ اللكزس أو الإنفينيتي لتكامل مواصفاتها كالنافيقيشن سيستم والبانوراما وقوة المحرك مقارنة بقوة محركات الألماني اللي بنفس السعر و تكييف المقاعد إلى آخره بينما اللي يركب بي إم دبليو ما وده يغير لأي سيارة دام جرب قيادة بي إم الممتعة جدا. يكفي التحكم و القيادة الرياضية والجودة البافارية. تحياتي.

الحمدالله على السلامة وسهالاة

والله ياخوي مدري وش اقول لك،،

والله كأني انا اللي كاتب الموضوع :)

كل ما افكر ببعض الاشياء الموجوده في بي ام ما اقدر اجاوب الا انها بي ام يعني وش تتوقع ؟؟
صدق ما شا الله سياراتهم كامله بنظري،،

انا الحين عندي اكس سكس وكل ما اركبه احس انه احلى من اول :)

تحيتي

و الله يا الغالي انا رايي انها كماليات و ممكن تاخذ فلسفة البي ام بشكل ايجابي،ان كثرة الالكترونيات و حركات الدلع في السيارات يزيد من اعطالها و من مشاكلها في المستقبل.نقطة اخرى هي تقليل تكاليف تطوير اجزاء مالها داعي،و تركيز تكاليف الابحاث و التطوير على اجزاء مفيدة اكثر مثل المحرك و قوته و غيره. و كمان الشباب ما قصروا.

الله يرزقك السياره البافاريه عاجلا غير آجل
ويعطيك خيرها ويكفيك شرها

وهي سياره قمة في الفخامه

مــا ألومك ان عشــقت الشــركه البافاريه و ســياراتها

الاخــوه ما شــاء الله كــفو ووفــو
البي ام كغيرها من الســيارات العريقه تحــافظ على تراثها فالتصــاميم فتجد التغيير احـيانا بسـيط حتى تبقى على هويتها

طرح جمــيل

شــكرا لك اخي

أخوي الغالي أولا أشكرك على الموضوع الرائع
ثانيا bmw تستاهل كل هذا الحب والاعجاب منك لها لانها فعلا شركة مبدعة بكل ما تحمله الكلمة من معنى وأكثر ولا استطيع أنا أوصف إبداعها في كلمة أو كلمتين بكل أحتاج الي مجلدات
ثالثا إستفسارك يا غالي عن موضوع المكيف البرم والجواب هو لان بي أم دبليو تصميمها للسيارت تصميم رياضي بمعنى هي سيارة فخمه بشكل رياضي تميل الى الطابع الرياضي مع وجود كل سمات الفخامه يعني عندهم دمج خطير بين الشكل الرياضي والفخامه جمعو الفخامه والشكل الرياضي في تصمصم مبدع يفوق كل المنافسين ولو تلاحظ أغلب شركات تصنيع السيارات الرياضيه تستخدم شكل المكيف البرم لانه لو حس ومنظر رياضي يعني أنت تخيل بتسوق سيارة فخمه وفي نفس الوقت رياضيه حتى على فكرة سواقة البي أم سواقة رياضيه فيها متعة القيادة الرياضيه والحس الفخم فهمت على ومن هناء جاء شعار القمة في متعة القيادة تصاميم بي أم الان هي مدرسه لباقي الشركات وبعدين شوف شكل المكيف البرم عندهم كيف معطي السيارة منظر وفخامه وهذا كله ما يجي نقطة في بحر من الجودة التي تمتلكها البي أم دبليو عن باقي الشركات بإمكانك تزور معرض مرسيدس ومعرض أودي وتروح معرض بي أم دبليو وتعال قولي عن إنطباعك من ناحية الجودة في كل الشركات وشوف التفوق الهائل للبي أم دبليو عن باقي المنافسين .
هذا غير جوائز المحركات الي تأخذها بي أم يعني ياغالي تخيل في عشر مراتب وعشر جوائز بي أم دبليو لحالها أحيان تأخذ سبع جوائز من أصلا 10 تقريبا ثلاث ارباع الجوائز لها .
غير الموصفات التقنيه المتطورة الي فيها التي سبقت فيها كل المنافسين وتربعت على العرش .
ومن وجهة نظري هي قمة الشركات الألمانيه
بأختصار لن تجد متعة في سيارات أخرى مثل الموجودة في بي أم متعة في القيادة ومتعة في الاستخدام ومتعة في الجودة الداخليه ..... إلخ

ببساطه ( القمة في متعة القياده ) شعارها ...

واسف على الإطالة وطبعا لا يطلع لي واحد متعصب لشركة ثانيه هذا الكلام يعبر فقط عن وجهة نظري أنا الشخصيه ....