وعليكم السلام ورحمة الله وبركاته
هلا بك أخوي خيال الشمال
بنسبة لأستفسارك
اولا أحب أوضح لك شيء بخصوص أرقام 1500 و2500
في الحقيقة هذي ليست أرقام المحركات!
بل أرقام الفئة أو الي نسميه قطع كم
فعندك في السوبربان أو اليوكون أكس أل (الامريكي موديلات 2000 إلى 2006) قطع 1500 وقطع 2500
حط في بالك أن قطع 1500 يختلف عن قطع 2500 اختلاف معينة
وهي
المحرك
القير(لست متأكد بشكل كامل)
المساعدات
الجنوط
عدد مسامير الجنوط
التعليق الخلفي وكذلك الامامي
المكابح
تحمل الوزن
وفي الأغلب بأن قطع 2500 أفضل من قطع 1500 كشيء أقوى وأكثر تحمل لكن لا يعني أن 1500 سيء أطلاقا
يعني خلنا نجيها حبة حبة
المحرك
في قطع 1500 حجم المحرك هو 5.3 لتر وبخصوص الاخ الي يقول أنه 350 هذا ما يقصد به السعة بالبوصة المكعبة C.I.D لكن في الحقيقة أنه ليس 350 لأن 350 خاصة لموديلات 99 وتحت لقطع 1500 لأن 350 حجمها الحقيقي 5.7 لتر لكن المحركات الجديدة من موديلات 2000 وطالع أصبحت سعتها 5.3 لتر كأقوى وأقل صرفية وأكثر تطور
قوة المحرك 5.3 لتر حسب ما أذكر 320 حصان وعزم 327 رطل/قدم.
وعلى فكرة ترى الاسخدام الأمريكي عندهم محرك 4.8 لتر وهو أقل قوة وغير مسوق عندنا فحاول تنتبه لهذا الشيء وراح أعلمك كيف بأخر الموضوع
في قطع 2500
يجب أن نعرف أنه يوجد حجمين لهذا
يوجد محرك 6 لتر ويوجد محرك 8.1 لتر
محرك 6 لتر قوته 355 حصان وعزم 373 رطل/قدم
محرك 8.1 لتر قوته 356 حصان والعزم 476 رطل/قدم
الفرق بسيط جدا بالقوة الحصانية لكن العزم بـ 8.1 لتر جبار جدا وهو قوي جدا في التحميل وسحب السيارات والتطعيس والمشي في الطرق المرتفعة بسهولة
بخصوص محرك 454
هذا ليس متوفر بموديلات الي من 2000 وفوق
لأن محرك 454 سعته الحقيقية 7.4 لتر وهو خاص لموديلات 99 وتحت
استبدل هذا المحرك بمحرك جديد رقمه 496 وهو محرك 8.1 لتر
كيف تعرف طيب في قطع 2500 أنه محرك 6 لتر او محرك 8.1 لتر
فيه في الخلف زي علامة بالشنطة مكتوب فيها 8100 وهذا يقصد به حجم المحرك بـ CC وهو تقسيم 1000 ليخرج لك حجم المحرك بـ اللتر.
أذا ما كان مكتوب في الخلف رقم معين فمعناه 6 لتر
على فكرة طالما السيارات امريكية ترى تصنيفات تجي قطع 2500 محرك ديزل!
وتقنيتها دورميكس أنتبه تاخذها فما أحد خبير صيانة ديزل وقطعها غير موجودة
وهذي صورة لمحرك الدورمكس
حسب كلام الناس
مرة يقولون أن 2500 يقوم علشانه أقوى
وبعضهم يقول أن 1500 يقوم علشانه أخف
وهي بصراحة تصنيفات وحسب نشاط الموتر نفسه
لكن أغلب الكلام الي أسمه أن 2500 أقوى
الكلام هذا الي ذكرته مو مسألة ألي يبيه للمقاوم أو من هذا القبيل
لكن فقط لتعرف مستوى التسارع بين السيارتين فقط
نجي للمساعدات
قطع 1500 تكون المساعدات الخلفية يايات
بينما قطع 2500 سيست
السيست تتحمل الأوزان الثقيلة لكن بالمقابل أقل راحة من اليايات بالخط لكن لا تحسب أنها مزعجة بالمرة بالمطامر لكن ما راح تكون مريحة مثل راحة 1500
المحابح
مكابح 2500 أكبر وأغلى وأكثر قوة لتحمل الوزن الثقيل الي فيها ولتتناسب مع قوة المحرك
جنوط قطع 1500 تكون من 6 مسامير
بينما قطع 2500 تكون من 8 مسامير
يعني جنوط الأول ما تركب عن الثاني والعكس
بخصوص تحمل الوزن
(معلوماتي بخصوص التحميل مش متأكد منها 100%)
قطع 1500 يقدر يتحمل إلى 300 أو 400 كيلو تقريبا في الشنطة الخلفية
والوزن أن زاد عن ذلك تلقى السيارة نازله على طول من الخلف
قطع 2500 يقدر يتحمل إلى 700 كيلو تقريبا في الشنطة الخلفية
القير
منب متأكد أن القير يختلف أختلاف كبير جدا فلكهم 4 سرعات على الموديلات الي أنت تبيها لكن أخبر ومش متأكد أن نسبة تروس القير تفرق فقطع 2500 بيكون قيره أكبر وأرقام أعلى.
ما ننسى
ترى حرارة محرك 1500 أقل من 2500 قد تكون ثابته الأثنتين لكن بيكون 5.3 لتر في الحرارة أقل من 6 لتر و 8.1 لتر.
كما أحب أعلق على هذا الكلام
عندي سعة 123 لتر وفي نفس الموديل مكينة 2500 يكون سعة 146 لتر حسب الكتلوج
ولكن ال 1500 اقتصادية في البنزين
[CENTER]هذه المعلومات صحيحة
نرجع مرة اخرى لأسئلتك
ووجدت يوكون اكس ال موديل 2003 امريكي دبل وديفيدي وفتحه لونه اسود كذاب قيمته تقريبا 67 الف . . . مكينته 1500 . . . السرعه القصوى 180 كيلو متر بالساعه
[/CENTER]
ولقيت يوكون اكس ال موديل 2001 فتحه وديل ذهبي مكينته 2500 . . . وسرعته القصوى 160 كيلومتر بالساعه . . .
أنا بصراحة ما خبرت ان الطبلون يصير 160 إلا ان كنت أنت تقصد أن سرعته القصوى 160 لأن أخبر الطبلون الأمريكي 180
[CENTER]عموما ترى الدعوة تصنيفات حسب كم السيارة مبرمجة تفصل على كم! لازم تعرف هذا الشيء
وهل صحيح ان الجموس السعوديه مكاينها 2500 ؟
لا وقلت لك الفروق في بداية الرد
ابي اعرف ايش رايكم بالسيارتين . . . وايش الفرق بين المكينتين بالقوه والسرعه مع الخطوط وبالبر ؟
والله ما ادري وش أقولك تراها ترجع على أستخدام الواحد أولا وأخيرا
أستخدامك أكثر شيء وين؟
مدن توصيل الأهل سفريات
طلعات بران تحميل تروح أماكن مرتفعة وزي كذا
أن كان أستخدامك في المدينة والمشاوير الداخلية والسفريات أكثر أعتقد أن 1500 يكفيك
لكن تحب طلعات البر وزي كذا والأماكن المرتفعة
ما أقولك أن 1500 في هذي الحالة سيء لكن 2500 أفضل
وبصراحة عن نفسي
أن تتكلم عن سيارة بحجم يوكون أس أل أو السوبربان
ما راح أتنازل عن 2500 لكن كل واحد وحاجته أخي الكريم
وايش رايكم باللون الاسود الكذاب ؟
بنسبة لي حلو
لكن عيبه الحرارة ويحتاج عناية دائمة وكثرة غسيل والمخوش البسيطة توضح عليه بسهولة
أن ما عندك مشكلة في هذي الأمور فاللون بيصلح لك
بخصوص الأسعار بصراحة معلوماتي عن أسعار المستعمل في الجموس ضحلة جدا فأنا ما صرت أهتم فيها من فترة
عموما فيه نقطة بسيطة أبي أتطرق إليها
بخصوص السيارات أستخدام الأمريكي الي بالصالات
لازم تعرف مهما قالك مندوب الصالة ووراك بالأوراق أن السيارة سليمها ماجاها مشاكل ولا صدماك
فلا يضحك عليك!!!
لأن السيارة دايم يشترونها فيها مشاكل
سواء حوادث بسيطة أو شنيعة
طلق نار
غرق
أنقلاب
مشكلة كهربائية أو ميكانيكية قوية جدا
فترى ما تكتب في تقاريرها الي تجي بأمريكا بشكل كامل! لازم تتنبه لهذا الشيء
بعضهم ياخذ رقم الهيكل ويروح للمواقع مثلا كارفوكس carfox الي يطلع لك تقارير عن السيارة المستخدمة من أمريكا وبصراحة ترى المصداقية فيه مو 100% لأنه فيه أشياء مسجلة صحيحة لكن مو كل شيء صاير للسيارة بيتسجل!!! فأنتبه بارك الله فيك
هذي السيارات الأستخدام الأمريكي تدخل بورشتهم لما توصل عندهم تنفض السيارة من أولها لأخرها ويصلحونها ثم يعرضونها بالصالة تلق من لمعتها ونظافتها
والحقيقة عكس ذلك
لذلك لازم تعرف مو أي موتر نظيف في الصالة فعلا نظيف
الدعوة حظوظ ناس تشتري وتستانس معه سواء كان فعلا فيه مشكلة أو فعلا نظيف
وناس تشتريه وتبتشل فيه وأنا رجال ما أثق بالأمريكي أطلاقا من تالي
الي أبي أوصل له
لو تدور أستخدام سعودي أبرك لك
وأن كنت تبعد تبيني أدلك على موديل معين
خذ من 2003 وطالع
محسن من المشاكل والشكل والمواصفات وأيضا مو معناه أنه بيكون سليم 100% من العيوب لكن بنظري أنه أفضل من موديلاته السابقة
اي استفسارات أخرى أنا حاضر
وأن ما أنتبهت لها خبرني على الخاص لأن قسم الأستفسارات قليل ما أدخله :c0214:
[/CENTER]
