ماشاء الله لاقوة إلا بالله....
للبيع جيب تويوتا GX موديل 97 بحالة ممتازة جداً
اللون ابيض _ مرشوش السيارة كامله لتغيير اللون السابق اللي كان زيتي والرشه عند افضل ورشة نفس الوكالة (( للمعلومية الشطرطون الجانبي ركبت اصلي قيمته 2350 ريال ورفضت اركب تجاري قيمته 300 ريال )) والسيارة انا شاريها من شايب وغيرت فيها اشياء كثيرة وكلها اصلية من الوكالة فقط لمجرد التأكد من ان كل شي 100% سليم وليس لوجود اعطال في السيارة وانا لو ماجاب لي الجيب السعر اللي في خاطري ماراح ابيع وراح استخدم .. الجيب غيرت له قبل كم يوم 1430/4/24 عدد 5 جنوط هلل و5 كفرات دنلوب جديييييدة نفس حقت الـ GX الموديل الجديد 2000 وطالع ومركب له يايات استرالية خلفية وماشاء الله لاقوة إلا بالله وقفة الموتر جميلة جداً... الصدام الامامي غيرته بصدام جيب خليجي فيه مكان للونش لأني كنت ناوي اركب ونش للسيارة وفعلاُ حصلت ولو ماتم البيع راح اركب الونش والغي فكرة البيع من راسي ..... الجيب سعودي مكيف واحد - عدد 2 استبنه - ابواب وليس شنطه...
**الجيب محركاته ودبلاته وعضلاته ماشاء الله ممتازة جداً واللي بيشتري راح يدعي لي ان شاء الله
** يوجد ملاحظة واحدة وهي ان فحمة الكلتش تطلع صوت خفيف جداً وإذا دعست كلتش يروح الصوت ولا لها أي ضرر وبصراحة مافضيت اغيرها وتغييرها ما ياخذ ساعة واحتمال اغيرها خلال الكم اليوم القادمه..غير كذا مافي أي ملاحظات على الجيب ماشاء الله..
** الجيب ماشي 183784 كيلو عند تصوير الجيب بتاريخ 1430/5/14
السوم يبدأ من 45000 ريال
السيارة موجودة في مدينة الطائف وسلامتكم
