من طبعي ما أحب أبدل الزيت خارج الوكاله لأني أكره شغل البنشرشيه وطبعهم في الشغل يا شادلك البرغي غلط يا مفتاحه تعبان يا زايد لك بالراديتر ماي من جلن كان فيه زيت .. وسوالف البنشرشيه اللي ما تخلص .. غير انك ما تقدر تقعد بالمحل اللي الزيت والوسخ بتحصله بكل موضع .
الأهم في موضوعي رحت أغير الزيت في وكالة الفورد وبما أن الموتر مر عليه سنه أقترح علي الموظف غسيل المكينه من الداخل . وبحسب ما فهمني انه راح ينزلون الزيت بالمكينه ويتم غسيلها بمواد خاصه من الداخل وتنزل جميع الشوائب والترسبات من الصبابات ورأس المكينه ونسيت أشعد بعد بإختصار في كل جهة تمر فيها دورة الزيت ومن بعدها يتم اضافة الزيت والفلتر .
الشاهد أستلمت السياره في اليوم الثاني وكان فيها رايحة قوية للدواء المستخدم مثل ريحة دواء المستشفيات يومين يالله خفت الريحه . وتم بالفعل تنظيف المكينه من الداخل .
يبقى أن نسأل أهل الدرايه عن مدى فاعليه تنظيف المكينه من الداخل عملياً. وهل بالفعل يكون لها مردود طيب للمحافظه على محرك السياره .
