كيف حال الشباب
انا بدخل بالموضوع دوغري
انا من السعودية وساكن في الدمام .. وانا شاب كثير الدواره في الشوارع واحب ادور مع الشباب في القطيف وسيهات والظهران والخبر والاحساء <<<< اخلص علينا يلا
انا عندي ملاحظة على انتشار الانفينيتي في السعودية ومقارنتها بدول الخليج الاخرى
انا خلال الشهر اللي راح سافرت الكويت ودبي ... وطبعاً البحرين كل اسبوع لازم اروحها << فلاحظت ان الاف إكس الجديد في دول الخليج انتشاره ممتاز يعني في دبي السياره تحصلها في كل مطعم و بقالة و محطة بنزين لازم اشوف الاف إكس الجديد وحتى بالكويت (اكثر شيء منتشر عندهم FX50S) ... اما البحرين فماشاء الله تحصلة في كل اشاره ... مو بس الاف إكس حتى الاي إكس والجي منتشرين في دبي واجد والكويت والبحرين اتشارهم ممتاز
وآخر اربع مرات انزل فيها البحرين لاحظت انتشار الاي اكس مع الاف إكس بشكل جيدجداً ... وحتى الجي الكوبيه كل مره اروح البحرين لازم اشوف وحدة على الاقل...(الجي كوبيه منتشره وايد بدبي) بعكس السعوديه ماشفت غير 3 سيارات
أما السعوديه وبالاخص المنطقة الشرقية الاف إكس الجديد ما انتشر ابداً ابدً واحلف اني ما شفت غير ثلاث سيارات إف إكس الجديد (مع ان له اكثر من 5 شهور موجود بالوكالات) والاي اكس يكاد يكوون شبه معدوم بالسعوديه (ماشفت غير 5 سيارات من نوع إي إكس من نزلت السياره بالسعوديه)
ونفس الكلام على النيسان مورانو في البحرين ودبي ما شاء الله يا انه منتشر عندهم بشكل مخيف .. لدرجة اني احس ان كل بيت لازم يكون عندهم مورانو ... وحتى الالتيما منتشره بالبحرين ودبي بزيااااااااااادة مثل انتشار الكامري والاكورد بالسعوديه..
ملاحظة : الاف إكس الشكل القديم منتشر بشكل كبير جداً في السعوديه مع الكيوإكس57 وكذلك الجي35 إنتشارها معقول بالسعوديه <<<<< الهرجة على الموديلات الجديدة
خلاصة الكلام: ليش الى الحين الشعب السعودي مو قادر يتقبل ماركة انفينيتي مثل باقي شعوب دول الخليج؟؟!!
