Patrol OR Landcruiser???? شرايكم ؟؟؟

ايش رايك ان الاند احسن من ML55

































امزح هههههههه
على العموم مع اختلاف الرأي واختلاف الاذواق الا اننا استفدنا واستمتعنا بهذي المجادله الجميله .
على فكره الفياقرا هي S350 OR S600 OR S500
تحياتي لك اخي العزيز ML

واقولك واعترفلك يعني ..

انه صح اللاند يجيب سعر بالسوق .. واذا الواحد يفكر يشتري عشان يبيع بعد سنة او اقل من سنة .. يشتري لاند .. بس انا مافكر اشتري عشان ارد و ابيع ...

و يمكن يقولون التويوتا يعمر اكثر .. هذا صحيح ..

لكن عن تجربة ... انا مجرب نيسان و تعمر بعد ..

هاتين ميزتين باللاند

ارد واقولك شستفدنا اذا النظام مو موجود بالخليج شستفدنا ؟؟

نظام النيسان موجود بالخليج و على فكرة في خرايط الكويت و السعودية و الامارات و البحرين(من كبرها :D ) و قطر و عمان و حتى اليمن بعد ...

انا مو قاعد اقولك انه التويوتا مو كشخة بالعكس ...

الفياقرا هي الحوت صح ؟؟؟

عموما السيارات الالمانية متروسة بالسوق لأنه تجي من المانيا ارخص من الوكاة بالفين على الاقل و هذا اللي يخليها متروسة بالسوق .. يعني مو من الوكيل .. لكن اللاندات كلها تطلع من الوكيل بعد سنة تلقاها مبيوعة اكثر من ثلاث مرات .. الكل يتوهق فيها ..

انا ماكره التويوتا ... لكنها سمعة و مغترين فيها ...
النيسان تستحق اكثر منها ..

واقولك النيسان صنعت شي اسمه انفينيتي ... و هي براي اجمل من اللكزس .. اللي ازرارها شوي و تطيح ...

لولا الاختلاف الاذواق لبارت السلع

بعدين كلامك كله مردود عليه بشي واحد

انت قاعد تقارن vx.r ب 17 الف مع super safari ب 12 الف ,,,, و السفاري يتفوق ب 60% من المواصفات ..

ويقول الرسول صلى الله عليه وسلم ( انا زعيم بيت بالجنة لمن ترك الجدال و لوكان محقا) او كما قال صلى الله عليه وسلم ..

سلام عليكم

انا لمن ذكرت نظام الملاحه كان قصدي اوريك انه موجود في التيوتا
وبعدين ترى نظام الملاحه مايوصل عندنا في المملكه يعني الباترول مافيها شي جديد عندنا يعني المسأله مسألة وكيل لو وكلاء الخليج يجيبو المواصفات الامريكيه لللاندكروزر كان نسيو الناس شي اسمه باترول.
بعدين قلي الفياقرات مليانه في السوق وزي الرز وكمان اللكزس مليان هل هذا يعني ان الناس ماتحبها ؟؟؟!!!!!!!!!!!!!!!!!!
وبالنسبه للدي في دي اتركلك هذي الصوره عشان تعرف



في النهايه احب اقول انه الناس اذواق , وعلى فكره انا ما اكره الباترول بالعكس انا معجب جدا بالباترول.

احب اذكرك ان تيوتا صنعت شي اسمه لكزس

تحياتي لك اخي العزيز |3|

اسمحلي انا اختلف وياك من ناحية الفخامة ... و اخيرا هي مسالة اذواق ...

انت ضحكتني .. شالفايدة انه نظام ملاحة موجود لكنه مايوصل الخليج ؟؟
قولي احنا شستفدنا .. هيييه .. بس تايلاند عندهم ملاحة .. روح خذلك لاند من عندهم .. بعدين نظام ملاحة نيسان مو بس نظام ملاحة .. فيه دي في دي و mp3 ووووو ,,,, ماتخلص ..

ياحبيبي دام الناس تحبه كان مالقيت الناس تبيعه .. المكاتب تشتريه من الناس ... و تبيعه على الناس .. و الناس ترد تبيعه ... اما السفاري سعره فيه ... اللي ياخذه مايبيعه .. بعدين سعره مايطيح واجد .. موديل 98 ينباع ب 6 الاف مع العلم انه اللي طيح سعره زيادة انه ال2002 مكينته جديدة و اقوى من اللي قبل .. هذا اللي نزل سعر السفاري .. ..
و قولي ليش السفاري الشكل القديم ليلحين مطلوب ؟؟؟

بعدين ال17 الف تجيب x5 8 سلندر وكالة ... و ml500 .... و تجيب bmw 735i الشكل الجديد ,, و تجيب و تجيب لكزس ls430 ... ,,,

ارد واقولك اللاند سمعة عالفاضي .

ومع فرق بالسعر 5 الاف دينار و يتم السفاري متفوق على vx.r ..

ليمة تشتري اللاند كانك شاري لبس مثلا ماركة nike ... يقولك made in vietnam ليش ب 20 مادري 30 دينار .. تقوله بس Nike ؟؟؟ سمعة فقط ... لأنه التويوتا يمكن اقدم من النيسان ...بالسوق ... و لنكم بالسعودية مجنونين تويوتا ... شوف الاماراتيين .. مهووسين بالسفاري .. يلعبوناه صح ...

و نسيت الجير تبترونك ...

لاتفهمني غلط .. ماقصد اساءة

سلام عليكم ...

SUPER SAFARI NUMERO UNO

ليش ماتعترف بفخامه الاند, مافيها شي قول انها افخم واجمل
انا اعترفت ان الباترول اقوى لازم تعترف ان الاند افخم
بالنسبه شاشة نظام ملاحة الي مخليك معجب بالباترول بهذي الدرجه
شوف الصور الي ارسلتها فوق
طبعا هذي شاشه ملاحه , كيف تقلي انها فرقت عن تيوتا 10 سنين هههههه
لاكن للاسف الشديد ماتوصل الخليج هذي المواصفات وعلى فكره في موضوع
في المنتدى قريته وشفت فيه صوره كورولا في تايلاندا فيها نظام الملاحه.
كمان في المملكه ماعندنا هذا النظام في نيسان
وبالنسبه للطعوس طبعا النيسان افضل لاكن انا مني عايش في الصحراء عشان
اهتم بهذا الشي اهتمام كبير وكمان لاتنسى انه اهم شي السواق يكون فنان
وبالنسبه للسوق تلاقيه مليان كروزرات للبيع لانهم عارفين ان الناس كلها تحبها
و تنباع بسرعه بعكس الباترول الواحد لمن يشتريها مايبيعها ابدا لانه عارف انه اذا باعها راح يخسر مبلغ خيالي عشان كذا يقلك خليها معاي احسن .
وبالنسبه للهيدرولك طبعا اذا كل شويه تلعب فيه اكيد حيخرب وطبعا مافي شي ماتستعمله كثير الا ويخرب لاكن هم عملوه عشان المناطق الوعره وذات الصخور الكبيره عشان ماتدق الصخور في اسفر السياره

وبالنسبه للسؤال اذا كان عندي 17 الف دينار اخذ لاند
قلي ليش
اقلك ليش لان المرسيدس و البي ام اغلى بكثيييير من هذا المبلغ
بعدين تقلي الاند مكيف لمس وسي دي بس؟؟؟!!!
لاااااا كثير هذا الاند مافيها لامكيف ولا سي دي ولا شي بس كده فاضيه
مافيها الادركسون وكرسي وجير ودعسات بنزين وفرامل وكلتش .

السلام عليكم ..,

مشكورين على الردود ...........

اخوي VX-R_LTD مشكور على الرد ...

لكن ...

خلني اقارنلك بين السوبر سفراي و الفي اكس ار مع العلم انه فرق السعر بينهم (5 الاف دينار) ,, ...
السفاري 6 سلندر 4800 سي سي ..... شاشة نظام ملاحة .. جير تبترونك ... و و و .. اللاند 8 سلندر 4700 سي سي ... سيدي و مكيف لمس .... هذا حده .. و الفرق 5 الاف دينار ...
اما بين السفاري و الجي اك ار فما في وجه مقارنة ذاك منتف مافيه الا تنتة و مسجلة و مكيف مو لمس ... و السفاري زنون و اللي ذكرته سابقا ... وفوق هذا كله مكينته اقوى ... انت من صجك تقارن ؟؟؟

و طبعا انت قلتها بلسانك النيسان افضل بالمحركات من التويوتا .. وشنو اهم شي بالسيارة ؟؟ المحرك و الجير ؟؟

بعدين تقولي اللاند افضل بالصخر و السفاري افضل بالرمل ؟؟ انت شنو عندك بالخليج صحااري و طعوس و رمال !! يعني السفاري و بس

تقولي اللاند فيه هيدروليك ... الله و الفايدة منه .... خله يطج عليك ولا يخرب .. يكلفك اكثر من الف دينار .. و معروف اكثر الناس توخر عن الهيدروليك .... و الهيدروليك مايلح للي يسافر واجد لأنه يخترب مع كثرة الدروب ...

و النظام اللي تقول تساعده بالرمال هذا شفايدته دام انت اصلا تعترف بافضلية الباترول بالرمال ؟؟؟ و يسمونه الهزاز وهذا موجود بالاثنين ...

و بالنسبة لسعر اللاند اللي تقول يمسك فهذا لأنه كل الناس تغتر فيه و تشتريه اقساط و بعدين ليمة يكشف حقيقته يتوهج فيه و يدورله اي بيعة قبل لايكون حتى كمل ثلاث اقساط ...

و بعدين اسال نفسك ليش اللاند مجطط في كل مكان للبيع للبيع للبيع للبيع للبيع بينما السفاري لأ ... اذا قبل لاتبدي 2003 انا كنت اشوف لاند موديل 2003 مستعمل للبيع ؟؟؟؟ مقابل كل 15 لاند للبيع تلقى 2 سفاري للبيع مع الفرق انه تلقى اللاندات اللي للبيع من (98 الى 2003 ) بينما السفاري من (92 حتى 2002)
هذا دليل على شنو على انه السيارة ماشية والا ؟؟؟

بعدين بالنسبة للجنوط 17 فمعروف كلما كبر حج الكيب رنج ( الجنوط) كلما كان اصعب على السيارة الاماكن الوعرة يعني تتعور السيارة اكثر ... ولا كان شفت الاكس 5 ملك الصحاري بجنوط19 ؟؟؟

باختصار
اذا عندي 12 الف تاخذ سفاري ولا gx.r منتف؟؟ انا بالنسبة لي سفاري ؟؟

اذا عندك 16 الف مادري 17 تاخذ vx.r ولا x5 ولا ML500 ? ولا حتى BMW 735 ?? اتركلكم الاجابة ...

و اخيرا اقولك التويوتا معروفة تقليد للمرسيدس بكل شي .. وياليتهم ظابطينه ...

والنيسان بعد ماطرحت السنسر و الشاشة بمميزاتها اللي تتفوق على شاشات البي ام و المرسيدس ,,, و قريبا راح تطرح التلفون النقال في جميع سياراتها .. فرقت عن تويوتا ب 10 سنين عالاقل ...

وسامحونا عالاطالة

اللاند سمعة عالفاضي ...

والله يا اخوي ML55 بردت قلبي حيل

مع احترامي للكل

انا ما ادري ليش الناس يشترون الاند كروزر مع انه سعره حيل غالي بس الميزه الوحيده الي فيه انه يمسك سعره والباترول بصراحه ما يطيح سعره حيل

وما اخسر راحتي علشان اذا جيت ابيعه يفرق مبلغ بسيط

وبصراحه الباترول اقوى جيب وبلا منازع

وعلى طاري الباثفايندر سوينا مقارنه بالسعوديه تحديدا بالدهنا بين الباثفايندر 2003
والاند كروزر 2003 وبصراحه الباثفايندر كان افضل بدرجه كبيره وما ادري على اي اساس الناس يشترون الاند كروزر ولكل واحد ذوقه

معليش بس انا عندي وجهة نظر مختلفه
واحب اوضحها لكم
بالنسبه للجيب الي في اعتقادك انه منتف هو اكثر الجيوب مبيعا في العالم
وبالنسبه للفخامه مافي وجه مقارنه لان الاند افخم بكثير خصوصا بعد ما نزل موديل 2003 ومن ناحيه الجمال الاند اجمل بكثير ولو كان منتف ماكان سعره اكثر من 175000وماكان وزنه ثقيل بهذا الشكل انا اتكلم طبعا عن VX-R3
بالنسبه للمحرك النيسان بشكل عام وفي جميع فأته يتفوق على التيوتا في هذا النقطه
وزي ماهو معروف ان الباترول افضل من الاند في الرمل ولاكن الاند افضل في الصخر
وهذا الشي معروف .
واذا كان في السفاري ب اي بي اس و شاشة و نظام ملاحة و دي في دي
فالاند فيها ونش وهيدرولك وفيها انظمه تساعدها في الرمال ونظام للتحكم بوضعيه القياده وجنوط مقاس 17 و و و و.


وفي النهايه اذا كنت تبغى تحكم على سياره شوف اذا كانت منتشره ولا لأ واتمنى انه كل واحد يسأل نفسه ليش سعر هذي السيارهع يمسك وما يطيح عند البيع.

تحياتي للجميع واتمنى انه ماحد يزعل .

اخواني رايح انقل الموضوع الى منتدى تقييم السيارات

شكرا اخي ML55 مع ان السيارتين عندنا بالبيت الا اني ماحبهم ( الصراحة راحة ) لكن طبعا التيوتا له عشاقه وله حضوره مثل النيسان له عشاقه وخاصة اهل البر واهل الطيور ماياخذون الا نيسان القديم موديلات 97 وتحت طبعا هذا من اللي اشوفه بصفه يوميه بسبب عملي فاعتقد انهم اثنينهم ممتازين ولكل واحد استخداماته ... تيوتا قوي وفخم شكليا ... نيسان اقوى بالبر وفخم كذلك

المهم ماطول عليكم ( سواها قصه ) عليكم باليوكن وبسسسسسسسس....

بحفظ الله :)