السبت 6 يونيو 2026
عاجل

وش رايك؟ كامري ولا سوبارو ولا أكورد ؟

ارشيف الاستفسارات
11 رد 2,311 مشاهدة 10 مشارك الأقدم أولاً
ا
ابووهيب86 @user_111895 · 09-06-2009
أسعد الله ايامكم جميعآ
اخوي بيشتري سياره ومحتار بين هالثلاث سيارات
ياريت تفيدونا بآرآكم وعساني ما انحرم فزعتكم.....
طبعآ الرجال ما ينام الليل من الحيره وياريت من ذوي الخبره بهالانواع من ناحية القطع وجودة التصنيع والعمر الافتراضي وصيانة الوكيل ودمتم...
ا
ابووهيب86 @user_111895 صاحب الموضوع · 22-06-2009
تم شراء أوريون في النهايه ولكم جزيل الشكر حبايبي
ع
عاشق كورد @user_157986 · 12-06-2009
والله ياخويانصحك بالكورد وبراحه
S
SLOH @user_151764 · 12-06-2009
اكوورد افضلهن

الليجاسي وكيلها زفت × زفت.

الكامري صناعتها زفت × زفت.

الاكورد وكيلها متوسط يعني مو زفت مره وصناعه يابانيه

توكل على الله وخذ الاكورد

والف مبروك على السياره الي راح تشريها سواءً اكورد او غيرها

ولا تنسى الاستخااااااااااااااااااااااااااره.

موفق
P
PORTAGE$ @user_148508 · 10-06-2009
صحيح التيما خوش سيارة بس من الثلاث الي انت ذاكرهم الاكورد الاول
واليجاسي الثاني
الكامري الثالث
س
سفاري 999 @user_156821 · 10-06-2009
انا اقول لويفكر باالالتيما تراها ممتازة من ناحية السعر والمواصفات
a
abu saad @user_45072 · 10-06-2009
اذا فيها الاكورد افضل واحسن من بين السيارات اللي اختار

اما غير السيارات هذاي فعنده الالتيما أو الاوريون

والله يكتب اللي فيه الخيرة
ل
لحظه صمت @user_145978 · 09-06-2009
يا الغالي كلامي نفس كلام الاخوان

بس حبيت اضيف حاجه

لو اخوك واحد يقعد على الموتر خله يفكر باليجاسي

لان سعره يطيح بدون مقدمات


وبالتوفيق
ا
ابووهيب86 @user_111895 صاحب الموضوع · 09-06-2009
مشكورين جميعآ على المجهود الكبير اللي وضحتوه لي وبالتفصيل وأسأل الله ان يحفظنا وأياكم من كل شر وأن يديم على سياراتنا وسياراتكم البعد عن الصناعيه من غير شر واكرر شكري لكم جميعآ
d
darkness star @user_101263 · 09-06-2009
و الله ياخوي انا اشوف انه افضل شي لاخوك انه يستأجر السيارات او انه يطلب تجربة من الشركة والسيارة اللي يرتاحلها و تعجبه يشتريها
لانه كل واحد راح يقللك السيارة الفلانية افضل

عموما بالنسبة لقطع الغيار فأرخصهم الكامري طبعا ثم الليجاسي ثم الاكورد

جودة التصنيع فمن صالح الاكورد والليجاسي ( ماشاء الله عليهم جودة عالية جدا ) اما الكامري فللاسف جودتها مشي حالك

العمر الافتراضي اتوقع انه ثلاثتهم تخدم ولا تقول شي بس اللهم المحافظة على الصيانة

و الصيانة اتوقع انه عبداللطيف عنده افضل صيانة اما الاكورد والله ماعندي فكرة و الليجاسي صيانتهم جيدة جدا و احلى شي فيهم انه وقت ماتجيهم يستقبلوك بدون موعد


انا انصحه اما بالاكورد او الليجاسي صراحة سيارتين ماعليهم كلام رغم اني اميل لليجاسي لكن برضه الاكورد رائعة و الله يوفقه في اللي يختاره
L
Legacy ksa @user_134980 · 09-06-2009

أخوي بعطيك على حسب علمي والاعضاء الباقين ان شاء الله مايقصرون ويـآكـ

أول شي من ناحيه قطع الغيار الارخص "كامري" يليه "السوبارو" والاغلى "الاكورد"

جودهـ التصنيع "الكامري" على حسب الدفعه الجديد استراليه

أما "السوبارو" فهي ياباني اصلي من الصدام للصدام

و"الاكورد" اتوقع بعد نفس الشي ياباني من الصدام للصدام

طبعا ماحددت انت تبغى ايش من السوبارو بس إذا كانت ليجاسي 2009 أو 2008

فأتوقع هي الاقوى اداء بين هالسيارتين

ونظام الدفع الرباعي المتميز بالسوبارو عامه

الكامري عمليه وقطع غيارها رخيصه وتلقاها بكل مكان

الاكورد فخامه وشكل رائع بس قطع الغيار يكسر الظهر

السوبارو شكل رياضي ورائع وقطع الغيار مقبول


اما من ناحيه المميزات الاخرى لكل سياره مميزات وعيوب

مابي اتكلم عن الكامري والاكورد لاني ماعرف فيهم اشياء كثيرهـ

بس السوبارو وخاصه الليجاسي اقدر اتكلم فيها

ولاختصار الوقت هذا اقتباس لردي في أحد المواضيع اللي يطلب فيها استشاره لاصحاب السوبارو




م
ماجد ksa
[CENTER]بما إني من مستخدمينها بتكلم عنها على حسب استعمالي لهـآ..

من ناحيه الثبات والرساوهـ .. ماراح اتكلم عنها لآنها يكفي إنها دفع رباعي .. يعني رساوه لابعد الحدود..

القوه والعزم.. فيها قوه وعزم ماشاء الله جدا روعه وخااااااااااصه الـh6 غني عن التعريف

الامان والحمايه.. بعد حمايه الله .. الامان فيها عاااااااالي جدا ماشاء الله تبارك الرحمن .. حتى اني اذكر كنت ماشي بطريق الملك فهد على سرعه 160-180 وفجأه لف علي واحد كان ماشي تقريبا 120 .. أنا بس دعست فرامل واشتغل نظام الحمايه مع قوه الدعسه حتى صوت الفحطه ماطلع هدت السياره الى 120 ولله الحمد فكنا الله من شر الحوادث

المقاعد فيها رااااااااااااحه ماشاء الله تبارك الرحمن ماودك تنزل منها :smilie16:

النظام الصوتي .. راااااااائع جدا ..

الشكل الخارجي ماعليه كلام .. واكيد يرجع لذوق الشخص

بالنسبه لي عاجبني الشكل الخارجي


اما الشكل الداخلي جنان ولا عليه كلام .. وبالنسبه لكلام الناس والمقاعد الخلفيه ضيقه

بالنسبه لي لا اعاني منها ابداااااااااااااااااااااااا

مع ان اخوياي ماشاء الله كل واحد كبر الباب ولا قالوآ شي ابد بالعكس يمدحونها ولله الحمد

وبالنسبه لقطع الغيار أنا أشوفها رائعه جدا .. يابانيه اصليه

بعطيك مثال سعر الفحمات الاماميه بـ217 ريال

والباقي تقدر تشوفه من الوكاله نفسهـآ

وطبعا نصيحه مني اذا الماديه عندك تمام اشتري h6 أنا معي h4 صراحه مرتاح فيها ولله الحمد

بس لو ماديتي تسمح بالـh6 كان مافكرت الا فيها .. بس كلن يمد رجوله على قد لحالفه

صراحه في مميزات بالـh6 مو موجوده بالـh4

مثل مانع الانزلاق .. بالـh4 مشبوك تلقائي .. أما بالـh6 يتيح لك خاصيه انك تفكه او تشبكه بزر جمب الطارهـ

بتعب وانا اقولك مميزات الـh6

ان شاء الله اكون وفيت وكفيت بالرد

والله يكتب اللي فيه الخير ان شاء الله ولاتنسى تستخير ^^

-----------------------------------------------------------------------

ملآحظه " المقصود بالـh4 والـh6 هي عدد السلندرات .. 4 & 6 سلندر "






بالتوفيق خيو :xyxthumbs:



[/CENTER]
أ
أبـوأسـد @user_15810 · 09-06-2009
بخصوص السيارات الثلاث

طالما ذكرت الكامري فيبدو أن أخوك يبغى 4 سلندر فأنا بحكم من البقية الليجاسي والأكورد أنهم بيكونون 4 سلندر وراح أقول أنهم كلهم موديل 2009

من ناحية القطع:
الكامري أرخص
ثم الليجاسي
ثم الأكورد

من ناحية جودة التصنيع:
الليجاسي والأكورد أجود مع أني أشوف أن جودة تصنيع الخامات في الليجاسي داخليا أفضل من الأكورد
ثم الكامري

العمر الأفتراضي:
ما أقدر أفتيك لكن كلهم عمرهم الأفتراضي طويل
ملاحظة الليجاسي والأكورد هي الي فقط تصنيع ياباني 100% بينما الكامري تجميع أسترالي.

صيانة الوكيل:
الأفضل الكامري لأنتشار مراكز الصيانة
ثم الأكورد
ثم الليجاسي

الأمان:
الأكثر أمان الليجاسي
وما اقدر أفتيك بين الأكورد والكامري مين الأكثر آمان

الرساوة والثبات:
الليجاسي الأرسى
ثم الأكورد
ثم الكامري

سعر السيارة عند الشراء (جديدة فل كامل):
الأغلى الأكورد الفل كامل
ثم الليجاسي B-SPORT
ثم الكامري SE

سعر السيارة عند أعادة البيع:
الكامري تجيب أعلى سعر
ثم الأكورد
ثم الليجاسي

الأفضل مواصفات:
تقريبا الليجاسي أن كنت تتكلم عن فئة B-SPORT
ثم الأكورد
ثم الكامري

الأوسع:
منب متأكد مرة لكن أعتقد أن الكامري أوسع بقليل من الأكورد وقد يكون العكس
والأقل أتساع الليجاسي

الأقوى في العزم:
حقيقة جربت الموديلات السابقة من الكامري وبعضهم يقول تراها نفس العزم وبصراحة ضعيفة وقد تكون الأكورد أضعف منها
لكن الأقوى بنسبة لي أعتقد وما أقدر أكد لك الليجاسي 2.5 لتر فهي الأكبر محرك بينهم وتقريبا الأقوى

حقيقة لو أنا الي بشتري السيارة لحصرت خياراتي بين الليجاسي والأكورد وراح أميل أكثر لليجاسي

أنصحه يجرب السيارات

فالليجاسي يحصل تجربتها بالرياض فرع التحلية أما الأكورد في مركز الرئيسي في خريص والكامري ما ضنيت تلقى تجربة وأن ما لقيت يمدحون محلات الأيجار

ولا تنسى الأستخارة
سجّل دخول للرد...