جننتني الماركيز وطفرتني... شوفو لي حل معها ... ليش تطفى دايم ؟

افحص مدى سلامة حساس الكام وحساس الكرانك ,
وتوصيلاتهما الكهربائيه لربما بالتوصيلات تماس كهربائي.

افحص مدى سلامة جهاز الحمايه للسياره لدى ورشه
مختصه بتركيب اجهزة الحمايه للسيارات .

والله اعلم .

نفس مشكلتي ولي نفس موضوعك بهالقسم له فترة طويلة .. الحل اللي ضبط سيارتي وحتى صوتها تغير وديتها للملحم وسوولها اعادة برمجة لكمبيوتر السيارة مو اللي افصل اصابع البطارية ورجعها لا اعادة برمجة نفس اللي يركبون برمجة خاصة بس يركبون برمجة السيارة الاصلية ومو مكلفة ناسية والله بس بحدود 250 300 حولها يعني الزبدة ودها ورشة متخصصة فورد وقلهم ابي برمجة كمبيوتر السيارة وانشالله تضبط لاني مثلك غيرت بواجي كويلات حساس الهواء وحساس الريس صفاية بنزين وطرمبة وتنظيف بخاخات وما في فايدة وعجزت وطفشت وخليتها على حالها شهوور لين وديتها الملحم سوولي هالحركة وضبطت اموري ..

يا أبو معاذ أنا شريت ماركيز 99 و كانت تطفي في اللفات القوية ( يـوتـيـرن ) المهم طلعت المشكلة من حساس الهواء ( بلف هواء ) غيرته و الحمدلله راحت المشكلة .
نصيحة : أول شئ دور لك على ميكانيكي أو كهربائي أمين لانه أغلبهم تكون المشكلة تافهة و يكبرها على حسابك .
ثاني : شئ أفحصها بالكمبيوتر و للتأكد من سلامة كهربة السيارة و الحساسات
ثالث : أخيراً أقراء عليه ما تيسر من القران يمكن صابها عين ... ما تدري .. الله يعين الجميع

شيك على الكويلات وشيك على الثلاجة السودة إللي يجي فيها فلتر الهواء يمكن تكون مكسورة وغير الفلتر ،،، بعدين والخطوة الثانية شيك على الثروتل إللي تركب فيه الثلاجة السودة مالت فلتر الهواء ونظفها بمنظف خاص وشيك بعدين أنا صارت معى ونظفته خفت المشكلة وبعدين غيرته وضبط ولله الحمد لا حسد.
وما أعتقد إن طرمبة البنزين أو الفلتر له علاقة،، شكله في عندك تهريب يسبب إنخفاض ضغط هواء المكينة ويخليها تطفي،،

لا تنسى تشيك على حساس الهواء في أكثر من واحد

تحن و بعض الاحيان تشتغل و بعض الاحيان تتاخر و بعض الاحيان تطفى

يعني تشتغل بس في بعض الاحيان بالموت

تطفى واذا رجعت تشغلها تشتغل؟

هذي من الحساسات او ان الريس مرتخي عندك مرة

أخي مشيك على اصبع البطارية ...

ما فاد

اخوي يمكن تكون مشكله سهله انا قد صارلي في الموتر طفيه ووديته للفحص كمبيوتر

وقام يخربط علي وزي كذا المهم اني رحت للكهربائي على شان اصلح لمبة السقف

وكانت السياه شغاله ثم طفت وهو جواها وقالي وش سالفهتا

قلتله والله اني مدري بس دايم تطفى قالي افتح الكبوت فناضر اصبع البطاريه مرتخي مره

فقالي المشكله من الاصبع مرتخي فشده لي ولله الحمد لم الحين ما طفت

شيك على اصبع البطاريه لعله يكون منها

تحياتي .

الفيش هذا وين القاه ؟

كلامك فيه نوع من الصحة ... فدائما في اللفات و الداوار او المطبات تطفى

في السابق كنت اذا مشيت يعني سلكت السيارة ما تطفى الا اذا وقفت الان لا ، تطفى دائما ..

طيب وش الحل

و اذا كانت المشكلة كمبيوتر كيف تحل ؟

معلومة يمكن تفيدك
اي جهد في السيارة يطلع من غير المكينة يبدأ الكمبيوتر يسوي معادلة لهذا الجهد مع المكينة عشان السيارة تكون في وضع جيد ولا يزيد الجهد على المكينة وتطفي
مثلا مع الدوار او لما تلف تستخدم علبة الدركسون وهذا عمل يلزم له من الكمبيوتر رفع الريس شوي عشان يتعادل مع جهد المكينة
لما تشغل المكيف نفس الكلام
وهكذا
اتمنى لو وجدت رابط بين المشكلة وكلامي قد تصل للحل

تأكد من اسلاك الكهرب
وان كنت مركب زنن فكه
وانصحك تشوف البواجي هل هي تمام
تشوف الفيوزات

واخر كلامي سلامي

مثل ماقال اخوي الفيلسوف
شيك على الفيش الزر الاحمر داخل الشنطه اكيد المشكله فيه لازم يكون مظغوط على طول
واذا كان صالح ومافيه شي اجل السياره مظروبه عين والله اعلم

والله ثم والله زي حالت خويي بفورد 98 وباعها وهي كذا

تطفي مع المطبات صح .؟؟؟ غالبا يعني

شيك على الفيش الي راكب فيوق الشنطة تبع طرمبة البنزين دايمن يعطل ومع المطبات بيخلي الطرمبة تفصل صارت معاي قبل كذا وانشالله تكون منها

الطرمبه و الصفاية غيرتها ما فيه فايده