زنون الوكاله 1400 ريال ؟ ليه هي لكزس

السلام عليكم

شباب اليوم رحت وكالة المجدوعي بالدمام

اسال عن زنون الانترا بقسم الصيانه

المهم قالي الموظف سعره 1400 ريال

لو هي لكزس اتوقع تتعدى المبلغ هذا بسعر بسيط

المهم سألته قلتله الزنون برا يلغي الضمان ؟

قالي شوف الزنون برا مايلغي الضمان الا في حاله وحده

اذا كان الزنون موحق السياره ومرهم ترهيم

يعني فيه تقصص اسلاك واسلاك مكشوفه هذا يلغي الضمان على الكهرباء بالكامل
(الظفيره)

يعني فرضا ركبت وسلك مجروح من الاسلاك وضرب مع سلك ثاني على طول الظفيره بتحترق وحنا بكذا مانتحملها بالضمان ..

قلتله طيب لو مافيه ترهيم هو جاي للسياره ... قالي ايه هذا مافيه مشاكل ان شاء الله

وقلتله ولو ركبت كت اوت لها

قالي شوف اي تجريح في الاسلاك يلغي الضمان على طوووول

على العموم انا ناوي ان شاء الله اركب نوعيه ممتازه صناعتها كوريه وانا مجربه من قبل على سيارات واحد من الشباب ماشاء الله ينور لين بعيد ولونه حلووو

بس بحط المحولات داخل الصاجات الى تحت الرفارف عشان مايخربون شكل الكبوت من الداخل

فهل لو حطيتهم داخل الصاجات يخربون مع المويه ؟ او تجيهم مويه بصفه ثانيه

تحياتي لكم ...