مشاكل بسيارتي الجديده

السلام عليكم ورحمة الله وبركاته

اخواني سياراتي النترا 2009 توها جديده يعني مو معقوله هل المشاكل بسياره جديده

1- المكيف في الضهر كأن مو مشغله ولو اطفيه احسن حتى لما اوقف يصير حار ولما امشي يالله يبدى يبرد

انا خبري مشكلة السياره اذا وقفت يحتر المكيف في السيارات القديمه بس مو الجديده


2- عندي الصدام الخلفي ضاهر عليه ماده بيضاء خفيفه ويوم عن يوم تزود قالو لي الوكاله هاذي يبغالها تلميع جيبها لنا تشييك ال10 الاف


3- عندي الابواب الي على اليمين جهت الراكب من تفتح الباب وتطلع وتسكره يقفل من نفسه وهاذي صارت كثير وبصراحه سببت لي احراج مع اقاربي كل مافتح الباب وسكره يغلق

4- عند فتح باب الراكب الي على اليمين يطلع صوت القفل المركزي (تك) وهذا عقدني اكثر بالسياره

5- المرايات تهتز هزهزه غير طبيعيه من اخذتها منهم مثل ماتعرفون انتو المارايات حقتها تجي لونها اسود وانا طلبت صبغها فهم فكوه الضاهر يوم رجعوها ماركبو زين

والله اني مرايتي حقت السواق انفكت علي مرتين مره عند المغسله ومرا وانا واقف عند اشاره

وزين فيه سلك مسك المرايه ولا كان سلم لي على المرايه


اخواني وش تنصحوني فيه اروح الوكاله واقلبها الوكاله على راسهم

ولا اوديها واكلمهم تكفون سووها والله ياخوان الي يشتغلون في المجدوعي قسم الصيانه

السورين والمصاريه ... السعودين والله انهم كفو

لاكن السورين والمصاريه تجي تكلمه يكلمك من فوق خشمه ويسلك لك ولما تجي تستلم السياره تلقاها مثل ماهي

مدير الورشه حقت هونداي ... اكلمه على الصدام يقولي ايه خلاص جيبها لن تشييك ال10 الاف ويمشي عني ويخليني

بالله عليكم هذا تعامل

اخواني ارائكم هل اقلب الوكاله على راسهم ... ولا اشوف لي واسطه عشان يضبطون لي السياره

اخواني رجاء من كل قلبي اذا شريت سياره من المجدوعي تأكد منها 100% قبل لاتاخذها

لان ماودي يسير معكم الي سار معاي ...