كراون فكتوريا VS كابريس

نسيت اقولك لقطع الغيار عندك الفلتر حق القير بـ 120 على ماعتقد والفحمات بـ370 وفلتر الزيت بـ20 ريال وفلتر الهواء بـ 90 ريال هذا الى قد شريتها لسيارتي تحياتي لك
والسياره بدوون تحيز لشفروليت والله حلوه ومريحه وتستاهل من يشتريها ..وقبل امس كنت جاي من الرياض لسدير طبعا الكفرات تاريخها قديم المهم امشي تقريبا 170 وفيه هايلكس ابسقط عليه زدت السرعه شوي يعني وصلت 180 وانصلخ الكفر صلخ والحمدلله ماصار اي شي وتم السيطره على السياره ومن بعدها كبر بعيني الكابريس من جد الصراحه وبالتوفيق لك ..

^^^^^^^^^^^^^^^^^^^^الكابرس فيها شاشة نفيقيشن

اتفق معك جملة وتفصيلا :)
فل كاااامل .. جلد و فتحة بـ 121 الف تقريبا ,, < هالكلام قبل شهرين ,, مدري الحين :bigggrin:
رساوة وثبات وراحة غير طبيعيه ,, لولا رغبتي بالجيب .. كان شريت افالون ,,
عيبها الوحيد ما فيها شاشة نفيقيشن ,, و لا اظن انها عائق لك ..
لان السيارات اللي حاطها في بالك ما فيها هالميزة ,,
نصيييحة رحه شفه ,,

حبيت انبه للراحه بين الفكتوريا والكابريس الفكتوريا من 2002 وتحت ارييح من الكابريس بجميع انواعها (2000وفوق طبعا)لكن من 2003 وفوق قارنها مع كابرس 2007 وفوق وشوف الفرق مافيه فرق بينهم والتجربه خير برهان لكن من 2006 وتحت صح مطب مو مريح زي الـ 2007 وسعر الكابريس 2009 LTZ بفتحه بدون جلد 8سلندر بـ115الف ياصاحب الموضوع

^
^
^
بالضبط هذا الي صاير لاخوي ...

بتفتح لك عضوية بالصناعيى وبتزيد خبرتك بالخرابات لو شريت كابرس خخخخخخخ

بعدين انت ماشاء اله بتتزوج مالك ومال الخرابات ووجع الراس ....واسعار القطع الغاليه .؟ بتكد على عائلة ولا سياره

انا استخدم ماركيز والحمد لله بدون اي خرابات ... ومريح جدآ وراسية


انصحك بالماركيز ... افخم من الفكتوريآ ومطبه آلين ....

عمومآ ماركيز وفكتوريآ آخوآن .. لاكن انا آفضل الماركيز عن الفكتوريآ لان شكلة متغير اكثر من الفكتوريا وفيه اشياء موب موجوده بالفكتوريا

مر اقرب وكالة الحاج حسين وخل الموظف يوريك الفرق بين الماركيز والفكتوريآ ...

والله اخوي اذا تبي موتر يكد لك وللزمن وشكل وراحه وقطع رخيصه وكلن يصلحه (ان خرب) خذ فكتوريا

بس سؤال ليش ما تاخذ ماركيز شكل جديد وحلو وفخم ونفس الفكتوريا بالظبط

وبالتوفيق

بصراحهــ اخوي لو بالنسبة لي اخذت الكابريس بدون تردد لانها سيارة شبابيه وعزمها رائع

ولكـــن ..!

بالنسبة لشخص عنده عائلة اكيد الكراون افضل ومن عدة نواحي

اولا قطع الغيار ارخص وعمليه ..اقل خرابات من الكابريس بكثير

وفرق السعر كبير والمواصفات متقاربهــ ..

وبالتوفيق اخووي ..

شكل + رساوة + مكينة +موصفات = كابرس ولا يناقشك فيها احد(استرالي)
لكن بالخربات تطلع روحك الا الحلات النادرة
ولاهي مريحه ولا شافة الراحة والوسع للراكب الخلفي فقط ومن حضرته الراكب الخلفي
عشان اخذلي سيت ضيق كنه كرسي اخر طالب ب ٦/ب :tongue:

جودة + راحة:xyxthumbs: + قطع غيار رخيصه = فكتوريا بلاشك امريكي
موصفات ما فيه ما فيها زود بالرساوه





انت اللي تختار الآن

نصيحتي يالاخو فكتوريا

لان الفكتوريا اكثر سياره موجوده بالسعوديه تقريبا من ناحيه السايدان

وسعرها اوكيه

وقطع غيارها احسن من الكابرس

الكابرس ايام زمان بس الحين مايطول سنه او 7اشهر

الا ويداوم على تعطل الكهرباء مثل ما قال الاخ : ل ر ع

ومعرف على الخطوط ما تنوخذ غير الفكتوريا


وبالتوفيق

اذا اخذت ايا سياره قلنااا


بالتوفيق

نصيحة لوجه الله دامك داخل على زواج خذ لك افالون وريح راسك...

من ناحية الاعتماديه والصبر والراحه مع الخطوط وسهولة الصيانه وتوفر القطع بالسعر المناسب

الفورد بدون شك

اذا تبي فخامه ومكينه قويه وتصميم متجدد

الكابريس بدون شك

حياك الله اخاً وصديقاً بمنتدى السيارات اخووي ابوعابد

وبالنسبة لي انا انصحك بالفكتوريا لانها ارخص قطع
واكثر تحملا وخراباتها معروووووفة
وسعرها عند البيع اكثر من الكابرس
والكابرس ماعاد هذاك الكابرس الي نخبرة
لكن ترى قطع الكابرس هل يومين غوووويلية شووووي
بس وانا اخوووووووك مثل ماقال اخوووي جذاب
استأجر الموترين وجربها وانت راح تشوووووف الي يناسبك
ولا تنسى الاستخاااااااارة
والله يكتب لك الي فيه الخير

مع تحياتي لك اخوووووك ابونورة الشهري

السلام عليكم ورحمه الله وبركاته

انصحك ان تمر على العيسى اسعارهم اقل من هالاسعار الى مذكورة
وطبعآ الاسعار الى انت ذاكرها مو اسعار الجميع الى اعرفه الجميع كابرس ال اس جنوط 87000 الف كامل الرسوم والاتي زد كابرس با 10999 والاسعار كل شهر تتغير للمعلوميه فقط

واما من ناحيه انصحك والله انا جرب الفورد والكابرس كلها سواء سنه وطلبات بالهبل اذا تبي تحافظ وتهتم كلها والله سيارات ماتندم بس الفورد يفصل على 170 والكابرس يعطيك بالخط

انصحك بالفكتوريا ..

تسلم لي يالغالي الظاهر إني راح الكابريس بس عندك معلومة عن سعر كابريس LTZ V8