مقارنة بين الدينالي وجيب لكزس

لا مب اغلى صالون

اخوي اذا تبي نصيحتي ان كان المبلغ المادي اللي عندك يسمح لك انك تشتري به لكزس (يعني قادر على شراءه )
لاتقارن اللكزس بالدينالي ولابالارمادا ولابالسكاليد ولاغيره مافيه مقارنه
اللكزس افضل انا اقولك ليش اللكزس افضل من الدينالي لان الدينالي في كذا عيب ولاتوجد هذي العيوب في الكزس والصراحة من دون مجاملة اليوكن من الداخل والخارج في اماكن من السيارة تحس انها رديئة الصناعة مثل الطبلون والدعامية الخلفية والامامية وبعدين الكزس فيها مواصفات ماتحصلها في مواتر ثانية مثل الرادار و ....... و....

هلا اخوى....معليش اللكزس يتقارن مع الاسكاليد مع احترامي الشديد للدنالي....وثاني شئ... سعر اللكزس صراحة مبالغ فيه...يعني سيارة ب 340 الف... وشكله تقريبا نفس ال VXR.... ومكينته 380 حصان على هذا الحجم الهائل.....اللي يشفع للكزس هو تفوقه من ناحية المواصفات قليلا... لكن الايسكاليد متفوق عليه من ناحية تصميم السيارة الخارجي..اللي ما يتقارن ابدا باللكزس... << راى وراى اغلب الناس....لكن وش المواصفات اللي بدفع فيها 60 الف ريال زيادة على مبلغ الايسكاليد.... ويعطيك العافية..عارف اني طلعت برا الموضوع شوى...

جوف اخوي اذا عندك سعر اللكزس خذ اللكزس

الكزس هيبه و فخامه .. لكن فيه نقطه

اذا كنت تبى تاخذ موتر و تحب سواقته فصراحه انا انصحك بالجمس

لا تاخذ جمس عادي << لأنه يكون مثل التاهو فل اوبشين

اما اذا دينالي صدقني سواقه الجمس دينالي رهيبه

و انا انصحك اذا بيكد الموتر عندك سنين و دهور و عقب بتبيعه خذ لكزس

لأنه ييب سعر .. اما الدينالي امريكي فما ييب لك سعر

استخير الغالي .. و هذا راي فقط

مقارنه غريبه ,, درجه تختلف عن درجه

لو عندي مبلغ اللكزس وقادر على صيانته الدوريه بيسر بدون مايتعبني من ناحية الحاله الماديه


كان شريته وكنسلت على الدينالي


اللكزس جوده تفوق الدينالي

فخامه عاليه , عزل ممتاز ,, لكن سعره مرتفع حبتين


الدينالي يفوق بالمحرك من ناحية القوه وتوفر جنط عشرين

والدواسات الكهربائيه


الدينالي فخم لكن ليس فخامة اللكزس

يعني حول انفنتي كيو أكس 56 والينكولن نيفاقتور


وبخصوص بعض الاخوان يقولون أنه مايفرق عن اٍس أل تي وهوا الاقرب للمواصفات للدينالي


يفرق في تسخين وتبريد الدركسون على مااعتقد , والعزل الصوتي وحساسات المطر

ومواصفات قد نسيتها أو أجهلها


وتطعيمات الخشب , والنيكل الخارجيه من ناحية الاكسسوارات والفرق بينهم فوق الـ25 الف تقريباً

ووشو الفرق بين الكزس والاند كروزر VX-R مافي فرق كبير وعلى الرانج رووفر انه ينزل سعره انا اشتري سياره علشان ابيعها والحمدلله جودة الرانج مافيها كلام يكفي انه بريطاني مو يباني

يابو اسامه بقولك شي مهم انت شف السياره الشعبيه والمنتشره اكثر

عندك حنا في السعوديه وبعض دول الخليج يحبون الجموس ليش

لانه من يوم انولدنا وحنا نشوفها فصارت جزء من تاريخنا ونحبها


عكس بعض الدول العربيه مثلا عندك في سوريا او مصر يختلف

فالسوريين مايحبون الجموس وتلقاهم يحبون تويوتا ولكزس اكثر

لانها منتشره عندهم فهذي ثقافات يالغالي

بدال ماتاخذ لكزس خذلك رانج روفر سبورت موتر ولا احلى ( مركب شيوخ )

الدينالي افضل من اللكزس


مكينه جباره وفخامه غير طبيعيه

واللي يقول اللكزس يتقارن بالاسكاليد اقول له استريح

كيف يتقارن تويوتا لكزس بالكدلك مركب الشيوخ والملوك

لا مجال للمقارنه بين هالامريكي وبين جيب اللكزس اللي متشبع تقنيات وجوده عاليه لا يصل لها الامريكي ابدا

معليش ياخوي بس موضوعك غريب جدا

مقارنه بين سيارتين فرق السعر بينهم 100 الف وفرق السمعه والعلامه

اسمح لي

الدينالي وش فيه زود غير محركه مايفرق ابدا عن اليوكن العادي او التاهو هو هو نفسه اللهم المحرك فقط

ومع ذلك الفرق بينهم 40 الف بين اليوكن والتاهو الفل كامل وبين الدينالي

سعر جيب اللكزس عند ابو جميل 305 للفل كامل رادار وثلاث كميرات وغيرها من المواصفات

بس ماضحكت كثر ماضحكت على اللي يقول خذ رنج بـ 280 الف بعد شهر تصير قيمته 120 الف غير هذا كله في هالشهر 13 يوم بالوكاله خرابات

مافيه سياره تستحق سعرها بالسوق بالوقت الحالي ومع ذلك العالم شابين على سيارات تويوتا ولكزس وكانه هي الوحيده اللي ماستستحق هالسعر والغريب انه كثير من السيارات اغلى من سيارت تويوتا في نفس الفئه واقل مواصفات

شوية منطق يارقاله

اخوي المقارنه غلط

يعني اللكزس ما يقارن بالدينالي يقارن بالاسكاليد

ومع ذلك يتفوق اللكزس حتى لو بتقارنه مع الرنج

طبعا بغض النظر عن السعر

جزاكم الله خير الجميع
واشكركم على التفاعل مع الاستشارة وان دل على شي انما يدل على طيب اصلكم يا الغالين
رغم ان هاذي اول مشاركة لكنكم ما قصرتوا الله يبارك فيكم.

هلا وغلا اخوي

بالنسبه للمقارنه

انا افضل اللكزس

سياقته انعم من اليوكون

واهم شي رفسة الجير ما تبين في الياباني
مثل الامريكي
لانه بس ترفع رجلك عن الدوسه يرجع الجير للغيار الي قبله
يرفس رفسه
تضحك عليه
اما اللكزس
ماراح تشعر بالتبديله

هم مشي اللكزس على الرمل بالبر كأنك على القار
أما اليوكون يطقطق
السعر باللكزس اعلى
لو عندي شريته
لكن

الخيار الثاني
هو كاديلاك سكاليد
وخل عنك اليوكون

سلام

ولا تنسى ان جير الكاديلاك
نفس اليوكون
دمت بود

هلا والله بالغالي ....

انا صراحه موب عجبني الدينالي
بس بحكم الفلوس .. خذ دينالي ..

ولو تأخذ لكزس 334 او 345 هذا موب فل اوبشن

رافعينه مرره
والصراحه تبي الكشخه والرزه خذلك

......كاديلاك جيب

كل المواصفت فيه وب..290 فل

وشكله احلى من الدينالي واللكزس

اللكزس كنه كروزر


والله اعرف واحد مغير لمباته
حاطهم لمات لكزس الخلفيه

والناس يحسبونه كروزر

انصحك كاديلاك

اما اذا عاجبك الدينالي
خذه وتوفك

وشكرا...

شوف ياغالي..انا معي دينالي..ولو خيروني بينه وبين اللكزس راح اختار اللكزس..رغم ان الشكل لك عليه..بس خلينا واقعيين..باللهي عليك اللكزس يستاهل هال380 الف..يعني اوكي سيارة جبارة وسمعتها زي البفته..لكن برضو السعر مررة توو ماتش..ياخي زيدها شوي وخذلك رنج احسن..ويمكن يطلع اقل..بعد..اذا تبي رأيي الدينالي..على الأقل السعر شوي نازل..بحكم الفخامه يعني..ولو انه برضو سعره غالي..بس اهون من اللكزس..

وخذها من اخوك نصيحه..لاترركز عالسعر دام انه اقل من 220 الف..لأنو هاذي الأسعار في هاليومين...


استخر والخيره في ما اختاره الله..




"ملاحظه: اللكلام فوق خالي من ادنى تعصب.."



f i n e