شباب انا عندي يوكن 2001 دينالي امريكي ابي اسوي له كم شغله
الاولى اني ابي اخليه نظام سعودي عشان النور والله فشلني لما امر يم سياره في طريق ضيق الرجال يحترمني ويطفي النور وانا ماعرف لانه النور مش ممكن يطفي اختياري
الثانيه اني قريت في النت انو لازم ابرمج الكمبيوتر عشان التكيف يتعدل وياي لاني اذا رفعت الريس يصير تمام عشان كذا ابي ورشه تخلي الريس يرتفع مع تشغيل المكيف
السياره مالها ولاريموت حسبي على اللي باعني اياها
عاطيني ريموت فورد
وانا بقيت اركب قال لي الكهربائي لازم تسوي برمجه عشان تفصل الريموت الاصلي اول
بعد عندي حساسات الكربون اللمبه حقتهم شغاله
عندي لميه الاي بي اس شغاله فحصت قالوا لي ماطور الاي بي اس
بس الغريب انو احيانا تطفي اللمبه ويشتغل الاي بي اس تمام واحيانا مطبه خفيفه تولع اللمبه من جديد وتعطله يعني الشغله مزاج مره يضبط ومره يخرب
عندي مصيبه مهمه جدا تطلع عندي صوت حنه قويه تحت بين كرسي السايق والراكب تحت قالوا الدبل وربي شلته من ساسه انا مابي دبل
بس المصيبه ظلت الحنه هذي تطلع عند سرعه 120 لمده ثواني بس وتروح
سالت ميكانيكي قال لي غير القير لانه حق دبل وانت الحين بدون دبل معقوله اغير القير وهو تمام
لاتقول عمود ولا شيال ولا ترصيص لانها مو رجه هي حنه
عندي مشكله ماخلصت استنوني
عندي تنسيم في الباب يعني العزل لوع كبدي ماحد قال لي غير جلد الباب بس انا لقافه مني قلت اغيرهم ماظل غيرهم رغم اني وديتها لكذا سمكري
رحت اسال عن الجلد مالقيت الا في الجميح تصدقوووون قال لي ب600 ريال بس لباب السايق
مصيبه وربي اخوكم توه منتقل من كورولا 2002 الى يوكن وكرهني الامريكي بس وسيع ماراح ابيعه
عندي بعد مشكله اخيره ماعليه مصختها وياكم بس تحملوني عندي صوت في الديكور مع المطبات ايش الحل وياه والسياره تلف يمين اكثر من يسار علما ان السياره تعرضت لحادث وتاثر الشاصي بس تم تصليحه تمام والسياره ماتحرف لايمين ولا يسار
المهم شباب طولت عليكم اللي عنده حل او اي اقتراح او يعرف ورشه بالاحساء تبرمج لايقصر يرحم والديه
