صحيح كلامك اخوي
بس فيه ناس فاهم غلط عن الZ71 يقولون انه رياضي ؟؟ بالله وش الرياضي فيه فراري على غفله تراه نفس التاهو العادي ونفس المكينة 5300 ونفس كل شي الا اللهم ان الواجهه الاماميه مصفحه من تحت والدبل معروف امريكا مالها في الدبل كل الوكالات الي عندنا اول ماتجي تطلب سياره يقولك بدبل ولا بدون يعني انهم هم يركبونلك الدبل مو زي اللاند يكون دبل من شد بلده
الدبل للياباني مع احترامي الامريكي ماينفع بالدبل انا معي سوبر بان LTZ 2010 قالي اخصائي المبيعات تبغا بدبل ولا بدون قلت ياخي وش رايك لو انك مكاني قال بدون دبل احسن اذا بدبل تخرب السياره فقلت خلاص بدون دبل لان بصراحه يا اخوان الجموس تجي من امريكا بدون دبل بس لان ثقافه الشعب السعودي يبغا دبل فيرسلون للوكالات قطع للدبل ومع احترامي ماهي مثل الدبل الياباني لان اليابانيين هم اهل الدبل وانا معي لاند كروزر موديل 86 وكل اللاندكروزرات القديمه بدبل وشف كيف قوه الدبل باسم الله ما شالله القوه لله
فمعليش الجموس خطوط وراحه ماهي حقت تطعيس الي وده يطعس ياخذله هايلكس ولا ربع
اما اني اشتري جمس واهايط واروح اطعس وفي الاخير على الورشه معليش
يا اخوان Z71 سياره عاديه لا اقل ولا اكثر والفخامه لل LTZ فيها كل المواصفات
وشكرا
هلا أخوي سليمان . كيف الحال إن شاء الله تمام
أول شي لك مني كل إحترام لكن أختلف معك بالرد أعلاه مجملاً لا بعضاً
أول شي مستحيل تجي سيارة بدون دبل والوكالة تركب فيها الدبل , لأن الأمور معقدة ولا تحسبه بالساهل
الشي الثاني التاهو z71 من فئة ( off road) لأنه مجهز بدفلك خلفي ومصفح من الأسفل والصدام مرتقع والجنوط والكفرات مناسبة للطرق الوعره وبدون دعاسات جانبية وأتوقع إن هذي التجهيزات الإضافية كفيلة بأن يكون مخصص للطرق الوعره .
أما سالفة إن الأمريكي دبله تعبان , أنا ولله الحمد سيارتي مع إنها بجنط 20 إلا إني كسرت خشوم سيارات لها باع بالدفع الرباعي ( بدون ذكر أسماء ) و تفوقي عليهم ليس لبراعة مني ولكن السيارة ما شاء الله تساعد , (مكينة جباره ودبل يحيه قلبك) وتطعيسي كثير يعين لا تحسبة شوي والحمد لله لحد الآن ما عرفت شي إسمه ورشة سيارتي متجاوزة 90 ألف
ما شاء الله ( اللهم لك الحمد ) .
أما سالفة المندوب اللي قالك لا تشتري بدبل لأنه بيخرب عليك , أنا أقول لك إن هذا المندوب بيصرف السيارات اللي عنده بدون دبل والدليل رح آخر السنه ودور على دبل بالمواصفات اللي تبغاها ,,, بالنادر إنك تحصل مطلوبك بينما اللي بدون دبل ( طب وتخير)
أتمنى تتقبل ما طرحته بصدر رحب , أدام الله المودة بيننا
