السلام عليكم
احب اول شي اشكر الجميع في هذا المنتدى الرائع ومن زمان انا متابع المنتدى بس هذه اول مشاركة لي.
ادخل بالموضوع مباشرة قبل فترة استوردت سوناتا 2007 ستة سلندر من امريكا وصلت السيارة وبصراحة السيارة حلوة بس في شغلة مدوختني وهي من اشغل السيارة فيه صوت مزعج يختفي تماما بعد ثواني قليلة ومن اطفي السيارة واشغلها مباشرة الصوت مايظهر بس اذا اتركها طافية اكثر من 10 دقايق واشغل يظهر الصوت. بعد سوال بعض الميكانيكية هنا في بغداد كالو هذا عادي راح يختفي مع الوقت نتيجة لترك السيارة بدون تشغيل خلال فترة الشحن. بس بعد شهرين الصوت نفسه وماختفى شي.
المهم من البداية اني سويت بحث بالنت وماكنت مقتنع بكلام الميكانيكية ولكيت انه السبب هو ضاغطة زنجيل التايمن كيس وانه لازم تتبدل وهذ اللنك مال اعلان الشركة في امريكاhttp://jerrystout.us/sonata/tsb/timing%20chain%20tensioner.pdf
المهم البارحة كنت بسوق بغداد وسالت ولكيت الضاغطة وكان سعرها 50 دولار واشتريتها بعدين من رجعت للبيت اكتشفت انه هناك ضاغطتين مو واحدة لازم اشتري الثانية لان لازم تتبدل والشغلة الثانية مالكيت واحد ينصحني بفيتر(ميكانيكي) مضبوط علمود يبدلي الضاغطات.
ارجو من جميع الاخوان اذا اكو واحد صارت عنده هذه المشكلة بالسيارة وشنو الي سواه هل بدل الضاغطة لو تركها واذا واحد في العراق يكدر ينصحني بفيتر مضبوط ويعرف بالسيارات الحديثة واذا مصلح نفس مشكلة سيارتي يكون بعد احسن.
واحب اشكر الجميع مقدما واذا كان فيه احد عند معلومة ميبخل بيها علينا.
