يا شباب الحقوني بموت حر

الله يعطيكم العافيه ما قصرتو بس انا رحت احد الورش في الخبر يقول عندك الكهرباء مقطوعه يعني احد الأسلاك مقطوعه يقول يبغالي اشيكلك على الظفيره كامله بس ما ادري متردد

ركب كمبريسر جديد فيه نوعين خذ الاصلي الي علية ضمان من التوكيلات
وغير بلف معه ونظف البلف الخلفي او غيرة

مكان الفلتر اعتقد تحت الطبلون تحت الغطاء الاسود

لازم تغير البلف الي قدام حق المكيف
يجي بلف خلفي وبلف امامي بس لازم تعبي فريون واذا الي غير الكمبرسر ماركب جديد هذا مايعرف شي
قيمت ناسيها اما 16 ريال او فوق المية ناسي

وشوف الفلتر حق الثلاجة تحت الطبلون ممكن متسكر من الوسخ
اما اذا اسبوع ولاعاد يبرد هذا تنسيم في المكيف

أنا أؤيد كلام الأخ m7zon بس لازم تحدد بعد شنو المشكلة يعني هل أن المكيف ما يبرد بسبب إن الكمبريسر مو شغال...

إذا كان جذي يعني من الكمبريسر لأنه إذا فاضي ومافيه فريون ما يشتغل وعليك بالبحث عن مكان التهريب في هذي الحالة وإللي ممكن يكون في الكمبريسر نفسه أو في التوصيلات.

أما إذا كان معبى فريون بس ما يبرد إحتمال يكون من الفلتر طبعاً فلتر الفريون إللى مثل الغرشة أو كأنه طفاية حريق صغيرة ةهذا موجود بجوار المكينة يعني حوليها بعض السيارات يكون قريب من الرديتر أو الكندنسر وبعضها يكون قريب من الماسورة الداخلة إلى غرفة القيادة، ويحتاج إلى تبديل وتنظيف مواسير المكيف وممراته بما فيها الثلاجة وتغيير الفلتر الداخلي إن كان نوع السيارة يحتوي عليه.

بالنسبة للكمبريسر ما يتغير إلا في حالة كان فيه تهريب كبير أو انه أنتهى يعني يبرد والسيارة ماشية وحال وقفت على الإشارة أو في الزحمة ما يبرد وتموت حر، وإذا صار معك هالشي غيره من غير تردد.

إذا ما كان في خلل في هذه المسائل يعني المكيف سليم والخلل كهربائي قد يكون فيوز أو سلك ضارب،،، في شغلة مثل الفيوز تكون موجودة تحت الداشبورد أو التابلو أو الطبلون مدري شتقولون عنه المهم صاحبي صادفته نفس المشكلة وغيرها وضبطت معه،،

عموماً لا تحاتي السيارة ما فيها خلل كبير بس إنت محتاج لمهندس شاطر وعارف شغله وخلك من الورش مال لهندود لأن هذيلة بس ما تعبي فريون أو تغير بربيش وتمشي أما تصليح فإنسى لأنه عمره ما شاف مكيف إلا عندنا في الخليج شلون يصير مختص فيه ههههههه

مالك الا تفحص التهريب بالليزر يالغالي يمكن التهريب من الثلاجه من احد الخراطيش فيها شق دقيق جدا لايمكن ان تراه بالعين المجرده طريقه فحص الصابون بدائيه


والليزر يستخدم في حاله العجز عن كشف التسريب وايضا ثرموستات الثلاجه نوعيه الفريون انت تحتاج مركز متخصص 100% مثل مركز البلبيسي في مكه جده والرياض صحيح غالي لاكن عنده حلول جذريه مع ضمان الشغل


لكن حاول بالفحص الليزر وشوف واذا شفت انك يائس توجه لمركز البلبيسي والشكوى لله
والله يحمينا من نار جهنم

السياره جمس وانا اخوك حتى الوكاله رحت لها
لكن مايقبلون سياره قديمه موديلها 96

الله يكون في عونك بس وش سيارتك انت وانصحك انك توديها الوكاله افضل يشوفون وش المشكله