طلب مساعده من أهل الخبره في السيارات وخصوصا الفورد أكسبلورر

الله يفرج همك أخوي درايف ولايهون أخوي الخائف من الله
الله يوفقكم وجزاكم الله خير على تجاوبكم

بالنسبة للصيانة بالوكاله انا حاط هالشي ببالي بس خفت انهم غالين لكن كلامك اقنعني
وبروح لهم ان شاء الله بأفرب وقت

جربت طفيت المكيف وتو المشكله لازالت لدرجة اني اعشق واحطه بالدي D
ولاتمشي السياره الا اذا دعست على دواة البنزين !!
عشان كذا اشيك على الجلنط الهاند بيرك يمكن مانزلته
والله انها شغله تخوف الصراحه الله يستر :(
وبالنسب لزيت القير والفلتر لا والله ما اخفيك السياره مالها الا شهرين معاي
لكن ان شاء الله ابغيرها بالوكاله وهذي من الاشياء اللي كاتبها اذا رحت للوكاله

تصدق والله اني كنت ابغير البطارية بس قلت اغيرها ويمكن مهيب هي العله
لكن الوكاله تحدد اذا رحت لهم
واذا كان كذا عيب مصنعي الله يعين نفسيتي على دقة السلف :(

مافهمتك أخوي معليش يعني اقولهم ابي تفحصون على النقاط اللي ذكرتها مع الإصلاح
ولا قصدك اقول شيكوا بس على المشاكل هذي
انا عارف الوكالات على خبري مع تويوتا اذا فحص بس يقصونك
لكن تقول ابي اصلح كذا ولا عندي مشكله صلحوها وابي تشوفون اذافي مشاكل
علموني وانا اشوف اصلح او لا حلو كذا بس اذا كان كذا او كذا الفحص بحقه مشكله

اها طمنتني لكن هل التروس او الدفرنس للدبل يمكن تتشحم او تتزيت عشان الاصوات هذي ماتطلع؟؟

الله ينورك يااخوي ويوفقك وين ماجهت حقك علي

وبالنسبة للحساسات ايضا وارد حدوث مشكله بها وان شاء الله بروح الوكاله واشوف

جزاكم الله خير اخواني والله يجزاكم عنا خير

يمكن حساسات سوي كشف كمبيوتر

انصحك تسوي صيانة في الوكالة لان اسعارهم معقولة بخصوص تحديد الاعطال واصلاحها

لكن عندي سؤال بخصوص القير
جرب تسوق بدون ما تشغل المكيف وشوف هل يتأثر الاداء وتحسها نشيطة بفارق كبير ولا نفس المشاكل؟
ومتى اخر مرة غيرت زيت وفلتر القير؟لان الوكالة يغيروا الزيت والفلتر كل 32 الف كيلو

السلف ذكر بعض الاخوة انهم واجهتهم مشاكل مثل حالتك وطلع عيب مصنعي من السلف
لكن ممكن نفس الشئ يصير اذا كانت البطارية ضعيفة........ اول شيك مع الوكالة واذا طلع السلف سليم فافحص بطارية....... السبب ان ذمة الوكالة افضل من ذمة بايعي البطاريات.. حتى لو البطارية جديدة يقولوا غيرها

ونصيحة اذا كنت من زمان ما فحصت فالافضل لك تروح تفحص وتقول لهم على المشاكل وراح يشيكوا عليها مجانا
ام لو كان التشييك لحاله فممكن ياخذوا عليك مبلغ يطلع اكبر من قيمة الفحص... بسبب نظام الساعة للفنيين

بالنسبة لصوت الطقطقة والاحتكاك اذا كنت مشغل الدبل فهذا شئ عادي
ايضا الصوت اللي يظهر بشكل طقة قوية اذا شغلت الدبل فهذا عادي بسبب قفل التروس مع بعض
كمان بسبب ان الدبل اوتو فتسمع صوت الطقة القوية احيانا عند حاجتها مثل اذا تبي تطمر من فوق رصيف او خلافه فطبيعي يطلع صوت الطقة بسبب عمل الدبل