لا حول و لا قوة إلا بالله
اللهم أني صائم
يا أخي دام انك انك مقتنع بسيارتك (( فالمفروض )) كلام الناس ما يهمك فيها
و لا انت شعليك الناس حبوا تويوتا و لا كرهوها ؟؟
انا متابع للمنتدى ومتابع لردود العالم ولمقالاتهم ومستغرب الى متى هذه الغشاوة على عيون الناس
هونداي موجوده من عام1980وسيارتها موجوده
والله لو من عام1980هناك شيبة شايب في القيصرية في الحسا ولا في البطحة في الرياض يصنع
سياكل اليوم وبعد مرور30سنه من الخبره عليه انه بيكون صنع احسن سيكل في العالم
يعني إذا الناس جهلة بحبهم لتويوتا انت بردك هذا اثبت ان الجهل ليس حكرا على احد
هونداي صار لها 30 سنة على كلامك
تدري تويوتا صار لها كم ؟؟
من عام 1936
يعني 73 سنة
على الأقل تويوتا من عرفناها و هي سيارات إعتمادية لا غبار عليها
لكن انت قول لي اول ما طلعت الهونداي شلون كانت ؟؟
ظلم شديد واكل مال الناس بالباطل تحت غطاء ومسمى ياباني وياليته مصنع في اليابن هذا الشي
الي يقهر مصنع في تايلند ولا ماليزيا ولا الصين ولا اندونسيا وملصق عليه استكر ياباني
يا أخي هم ما ضربوا أحد على ايده و قالوا له تعال اشتر غصبا عليك
غير هذا قبل ما تشتري تكون عارف السيارة مصنعة وين قبل ما تشتريها
تدري ويش اللي قاهر الناس في تويوتا
ان الكل وده يشتريها لكن حارقته اسعارها النار :)
نجي على نقطتين يتم استدراج اغلب الناس الى فخ الياباني منها
اولا الجوده والمتانه .... والله في وجهت نظري ان سياره مصنعه في بلد زي كوريا دوله صناعية راسها براس اليابان اشرف الف مره من سياره مصنعه في تيالند بلد التونه ولا اندونيسيا بلد الساتيه والساتوه ولا في ماليزيا ذلك البلد السياحي الجميل بالاضافه لا ننسا ان السياره على رجلك وعلى طريقة استخدامك فأذا كرفتها وبهذلتها بهذلتك واذا احترمتها وصنتها صانتك
من يقول
أبسط مثال عمومي اثنينهم عندهم كوابرس
موديل 91
و اثنينهم من المحافظين على السيارة
شرايك واحد منهم ليومك السيارة معاه
و الثاني ما بقت علة ما ضربتها لين ما باعها سكراب
لكن تويوتا
في العائلة تقريبا حوالي 15 سيارة تويوتا و ليومك ما سمعت عن وحدة فيها مشكلة
هذا غير الأصدقاء و المعارف
مثال ثاني
جرب الإلكترونيات الكورية
و جرب الإلكترونيات اليابانية المصنعة في الصين
عندي ديفيدي بلاير سوني مصنع في الصين
صار له سنتين و شغال من أحلى ما يكون
البيت هذا يمكن ثالث ديفيدي بلاير يبدلونه
صناعة كورية 2 ال جي و آخر واحد بدلوه كان سامسونج
طيب في تويوتا اقرب شي للازيرا هي الاوريون جراندي الكامري قيمتها98000الف ريال
لو بعد ثلاث سنين حبيت تبيعها تقريبا بتجيبلك60000الف ريال لا وبتبطي عظم لين تحصل احد يدفعلك كاش60الف ريال وياخذها من كم خسارتك يا عزيزي
اجل خسارة الكوري ارحم وسرعت بيعه اكبر
و الله ما ادري عن الوضع عندكم في السعودية بس في البحرين
تجيب 6000 و انت تضحك بعد
و ما تقعد عندك بعد ما تعلن عنها غير يوم
و هالشيء ما فيه وجهة نظر بعد
معروف عالميا ان تويوتا من اعلى السيارات قيمة عند البيع
ليش ؟؟
لأن اللي يشتريها عارف انه حط فلوسه في شي يسوى
كلمات مكبوته في صدري وكان لابد لي من ان اقولها لوجه الله تعالي
لا تاخذون علي تراني اكتب هذا المقال وانا صايم ودايخ
هههههههههههههه
وكل عام وانتم بخير
اخوكم ابو علي
:ch19:
يا عزيزي لو كل واحد بيطلع اللي في قلبه كان المنتدى انقلب ساحة حرب
انا بعد في قلبي كلام كثير و ودي يطلع
لكن ادري ان هالشيء راح يشعلل الوضع
و عشان ناس عزيزين علي هنا ساكت
و كل عام و انتوا بخير و سعادة
