يعني الفرق بين الدف لوك والتراكشون كنترول ان الاول يقوم بتوزيع القوة بين الكفرات الخلفيه او الاماميه فقط بالتساوي , والتراكشون يقوم بتوزيعها على الاربع بالتساوي , هل كلامي صحيح , واذا كان صحيح , هل لهالدرجه تفرق اذا وزعت القوة بين كفرين او بين اربع كفرات ..
الشكر موصول مقدما ..
بعد اذن الاخوان ...
التراكشن كنترول و قفل الدفرنس آليتين مختلفتين تماما . قفل الدفرنس يشتغل على الدفرنس( يعني الآليه تكون داخل الدفرنس) والتراكشن يشتغل على الكفر(الآليه تكون على الهوبات)
وقفل الدفرنس كالاتي:
- قفل دفرنس خلفي وهذا يوزع القوه بالتساوي بين الكفرين الخلفيين يعني يلفو بنفس السرعه بغض النظر عن ان واحد فيهم متعلق ام لا .
- قفل الدفرنس الوسطي وهذا يكون بين الدفرنس الامامي والخلفي و يوزع القوه بالتساوي بحيث تكون 50% للخلف ومثلها للامام ..
- قفل الدفرنس الامامي .. يعمل نفس عمل القفل الخلفي بس على الدفرنس الامامي.
التراكشن كنترول .. ماله علاقه بالدفرنس .. هو يشتغل على الكفرات عن طريق الفرامل مستخدما نظام ال (ABS) و عمله ان اي كفر يدور اسرع من الكفرات الباقيه لفقد الاحتكاك بالطريق او لاي سبب يوقفه لثواني او اجزاء من الثانيه وفيه حساسات على كل كفر من الكفرات الاربع.
اذا التراكشن كنترول يوقف الكفر الي يدور بسرعه بغض النظر عن موقع هذا الكفر (اي واحد من الاربع كفرات.. وفي الحالات المتطرفه ممكن يوقف كفرين او حتى ثلاث كفرات .. ويبقى كفر واحد فقط يدور) .. وقفل الدفرنس يوزع سرعة الدوران بين الكفرين (في حالة القفل الخلفي او القفل الامامي) او بين الدفرنسين (في حالة قفل الدفرنس الوسطي).
انا من وجهة نظري ان الافضل وجود النظامين مع بعض في سيارات الاداء الشاق في البر لانهن يكملن عمل بعض .. وكل نظام له استخداماته و اماكن الحاجه اليه.
هذا حسب فهمي ... والله وحده اعلم
