تقرير عن ال XF :xyxthumbs:
امتلك هذه السياره و بصراحه سياره في غايه الروعه و الجمال. و الحمدلله لا اعاني من اية مشاكل لأن السياره بعدها جديده و صار لها 5 اشهر . بس انا مرتاح منها نفسيا لأن ضمانها 5 سنوات او 250000 كلم و صيانه مجانيه و تشمل كل شي عدا الاطارات لين ال 75000 كلم و الحمدلله الوكيل عندنا في الامارات زين لأنه السياره تاخذ يوم الى يومين في الصيانه الدوريه . بس طلع عندي صوت بالسفايف و هذا طبيعي و معظم السيارات الاوروبيه فيها هذا الصوت و علشان جي انا ما منزعج منه :wink:
النوع اللي عندي هو XF SV8 سوبر شارج طبعا و انا انصحك بشراء هذا النوع لأنه ادائه اقوى بكثير من محرك ال 300 حصان و بفرق سعر بسيط
و ابرز الفروقات اللي تميز ال SV8 هي:
1- المحرك عليه سوبر شارج بيعطيك اداء اكثر من ما تتوقع
2- الرنجات 20 انش تغير شكل السياره بالكامل و بتعطيها طابع رياضي
3- الفرامل بريمبو ب 4 كبسات بتعطيك اداء عالي في الفرمله
4- نظام الديناميك مود بيتحكم في العزم في حالة الانطلاق من وضع الثبات
بالنسبه لسستم الصوت في السياره و اللي هو B&W موجود في جميع الموديلات و بصراحه سستم صوت جميل و يزيد من راحه ركوب السياره و بالذات على السرعات العاليه :xyxthumbs:
سعر السياره عندنا ب 283000 مع التأمين و الصيانه و الحين اتوقع نزل لأن ال 5 لتر و ال XFR وصلوا عندنا :smile:
من يومين انا كنت بالوكاله و ساير خصيصا لمشاهده XFR و ال 5 لتر العاديه و اشوف الفرق و طلعت ابرز الفروقات هي:
ال 5 لتر العاديه سعرها 290000 درهم و الفرق سقفها شامواه ( الكانترا ) و غيروا تصميم المرايا الجانبيه لأن السابقه كانت تصدر صوت الريح و بشكل طفيف بعد سرعه ال 120 كلم بس نظام الصوت B&W يغطي عليه
اما ال XFR فيها فرق من جميع الجوانب الداخليه و الخارجيه و حتى الشامواه و الالومنيوم اللي فيها غير بصراحه تستحق سعر ال 390000 درهم بس المشكله انه فوق الميزانيه :xyxwave:
بصراحه انصحك بشراء السياره :xyxthumbs:
استخير و اتوكل على الله و الله بوفقك
