السلام عليكم ورحمة الله وبركاته
من وعيت على هالدنيا وأنا أسوق سيدان ، ماعمري سقت جيب ، سيارتي أفالون 2002 فل أوبشن جلد ، ومبسوط فيها ، بس ياخي داخل مزاجي الجيب وأبي أسوق جيب بأي وسيلة كانت ، خصوصا ً وإن لي ذكريات مؤلمة عشتها في الأفالون ، عشان كذا ودي اغيرها
حست وأنا أدور لي جيب مناسب بمعظم كل الوكالات ... ومالقيت أنسب من البايلوت ، كسيارة عملية ، ويشهد الله إني جربتها والسيارة سواقتها جدا ً ممتعة.
أبي ألاقي جواب للأسئلة التالية :
أ) هل إختياري للبايلوت موفق ؟
ب) هل فعلا ً إن سيارات الجيب عرضة للإنقلاب ؟ هالنقطة تأرقني كثير ، أنا واحد كثير اللعب بالجوال وأحوس وأنا أسوق، بس الحادسة السادسة شغالة ، لكن كثير من الاحيان يطلع علي واحد غلط وأضطر أرج السيارة رجة مو طبيعية ، اخاف أنقلب بالجيب لو رجيته رجة غير طبيعية !!! شرايكم ؟
ج) لما سقت البايلوت ، كانت أول مرة أسوق جيب ، حسيت إنه رفيع وكانت عندي رهبة بصراحة وأنا على الخط !! ياترى هل راح أتعود عليه ، وإلا فيه إحتمالية يطيح في جبدي وأندم إني بعت الأفالون ؟!!!
ح) 140 ألف ، ماتشوفون إنها واجد ؟ خصوصا ً إنه مافيه نافيقيشن !! هل تشوفون إنه حرام أبيع الأفالون 2002 وأشتري بايلوت ؟ ياجماعة والله خاطري في جيب ... بموووووت :smilie20:
د) لو جيب ببيع البايلوت بعدين ، هل يجيب لي سعر ؟
ز) يقول لي هندي بالوكالة ، إن كانت أسعار قطع الغيار دبل تويوتا ، اما الآن فصارت اغلى من تويوتا فقط بـ 35% هل هذا صحيح ؟؟
ي) سؤال أخير مهم جدا ًُ جدا ً ، هل أشتريها نظام تأجير أو نظام أقساط ؟ وهل يفضل التأجير عن طريق البنك او الوكالة ؟؟؟؟؟؟؟؟؟؟؟ بقسطها على سنتين ، وبدفع دفعة أولى 40 ألف.
مــلاحظة : لاتقولون لي باثفايندر ، ولا برادو !! أرجوكم ، تراهم مو داخلين مزاجي بالمرة ، خصوصا ً الباث ، لو تلاحظون من ورا الكراسي ضييييقة مرة مايمديه الواحد يمدد رجوله !!
طبعا ً أنا إخترت البايلوت لأسباب يمكن تكون غير مقنعة لكم :
1) جيب حجمه مناسب ، مع إني شخص طويل القامة ، لكن ماقدرت أمدد رجولي مثل ما أمددها بالأفالون مع إني رجعت الكرسي للخلف آخر حد !!!
2) ياباني عملي ، خصوصا ً إني شخص مهمل ، والامريكي ماراح يدوم معاي !
3) إسمه فخم !! بايلوت ... دش قلبي والله !!!
فيه ملاحظة : أنا موعاجبني شكله من الداخل أبدا ً ،خصوصا ً القير ، تقول قير هيونداي !! بس أنا مغرم بالموتر ، والحب زي مايقولون أعمى ... ما أدري وش هالشعور الغريب ! أنا أحب الشكل الرسمي وأكره الشكل الشبابي ! عشان كذا بعدت عن الهمر مثلا ً !
غير كذا .. سعره أقدر أوفره !
أنا أدور على سيارة جيب بحجم الماونتنيير والبايلوت ، بحيث تكون جلد وفيها كاميرا ونافيقيشن ... بس للأسف البايلوت مافيها نافيقيشن !!
للأسف جيب الماونتنيير خربووووه ، شكله من الداخل أبدا ً مو عاجبني ، تصدقون إن 2007 من الداخل أفخم من 2009 !! .... إنصدمت لما شفت مكيف فرارات !!! تقول دتسن قديم !!
أتمنى ألاقي تفاعل في موضوعي ... وكـــــــل سنة وإنتو طيبين !!
أحب البايلوت ... لكن للحين ماني لاقي تشجيع :c0038:
