(عيب الكوري في اعادة البيع ) لو سمحت ادخل لحظة

بغض النظر عن السعر ونزوله انا مستحيل اشتري سياره ما فيها من الزين شعره وسعرها مبالغ فيه عشان فكره يمكن ابيعها وما يطيح من قيمتها شي

يا اخي الواحد مو مجبور اجل خل نشتري دداسن وبلاش سيارات دلع ؟؟؟؟

يا ناس الواحد يشتري راحته ويدلع عمره بهالكم الف اللي مجمعه او جالس خمس سنوات يقسط فيهم

نلاحظ في الفتره الاخيره الكوري بدى يمسك سعره كثير مقارنه بالخمس سنوات الفائته واصبح فيه تقارب كبير بينه وبين الياباني بل تفوق على بعض الياباني مثل الميتسو والمازدا في مسأله السعر واصبح قريب من التويوتا

لاكن هذا مو المهم المهم ان الواحد يشتري سياره مريحه وثابته وعمليه تريحه من الاعطال لذا انا نظرتي دائما اذا بغيت اشتري
السعر مقابل الاداء وليس مقابل اعادة البيع فانا اشتري راحتي مو اشتري مثلا على سبيل المثال لا الحصر كامري سياره حلوه مرغوبه من الشعب وسعرها فيها لاكن يعيبها ان صداماتها تهربد بسرعه البرق في المويلات الجديده وتنقيص الزيت وايضا ردائه المواد الداخليه وسوء العزل وهذا يعدم ام السياره لاكن الناس لا تزال متمسكه لانها تمسك سعرها يعني اذا انت من النوع اللي بيبع خلال اول سنتين لا تتعدى الكامري واحرم نفسك من الراحه لانك بتعوضها قيمه بعد البيع افضل بقليل من الكوري والمريح
اما اذا بتكرهفا خمس سنوات فأشتر راحتك

انا شخصيا من النوع اللي يبدل سيارته كثير ولا تطل معه السياره وجربت انواع كثيره منها

الماركيز اكثز من 6 موديلات والفكتوريا مرتين واللينكولن LS الرياضي والكاديلاك CTS واليوكون والهايلوكس والداتسون والكرسيدا بعد والامبالا والتاون كار والجاكوار واللكزس وثلاث سيارات اوبيروس
ولا رسيت بالاخير الا على الاوبيروس لانها تعطيني فخامه قريبه من الكاديلاك والجاكوار وتتفوق عليهم بقله الاعطال والسعر لذا لا تزال الثلاث سيارات الاوبيروس لدي الا يوم كتابت هذا الرد

خلاصه الكلام ان مسأله السعر عند البيع هذي حجه واهيه يتمسك بها البعض والربحان من هالبعبعه حول السعر هو الشريطيه بس
والا انت يالمستخدم مهضوم حقك الا من رحمه ربي

ادري طولت بس من حر ما فيني من هالموضوع واسف للاطاله