خاب ظني فيك يا OPIRUS بعد ما خطبتك

حياكم الله اخوتي و اشكر لكم مروركم

بالنسبة لليجاسي فهي شبابية كثيييييير و أنا اميل للسيارات العائلية

اما بخصوص حركتي لأني والله حسيت بغبنه يعني السيارة مصروفة لنا كعملاء للتجربة

و حضرته ماخذها للبيت !!!!

و بخصوص المقاعد مثل ما علق اخي أبو عبدالعزيز بأن السيارة التي تحتوي على تكييف للمقاعد مقاعدها اقسى من التي لا تحتوي على تكييف مقاعد

و المقاعد المخمل ايضاً أكثر ليونة و راحة

سيالرة حلوة خوي بس المواصفات عندنا في ليبيا مو مثلكم

لأنك قلت أن المقاعد ليست مريحة !! عجيب انا املك وحدة موديل 2007 والسيارة قمة الراحة والصراحة أنسجمت معاها

انا قرأت موضوعك.. واتمنى لك التوفيق في اختيارك..
انت اضحكتني وعجبتني حركتك اللي سويتها علشان السيارة التجريبية..
المقلب اللي اكلوه منك طريييف جدااا :smilie16:
علشان المرة الجاية يحسبوا حسابك وما يبعدوا السيارات التجريبية عن العملاء بشكل عام..
تحياتي لك..
:xyxwave:

أخوي نصيحة اذا كانت تريد العزل والراحة

خذ لك

ليجاسي 2010

شف أبو أسد مسوي موضوع عنها

وشكرا

انا عارف قصدك من المقارنه ومثل ما وضحت فوق لا تقارن كوري او ياباني بألماني في العزل لو مديلها 85 مو 2002 لان وبكل حياديه هو اهل هالصنعه وهو ما يميز سيارات الالمان ولا مجال لتفوق الاسيوي عليهم لاكن انت شف الاوبيروس وشف السيارات اللي في فئتها وتقارب لها بالقيمه فهنا يظهر تفوق الاوبيروس يعني لمى نقول هادئه مو قصدنا انه اهدي سياره بالعالم لا القصد انها اهدى سياره عائليه سيدان كبيره تحصلها بسعر اقل من الـ 100الف ولا البي ام الفئه الخامسه والمرسيدس إي كلاس كلهم من نفس الفئه ومنافسين للاوبيروس وافضل من الاوبيروس في كل شي عدى شغلتين بس السعر والصيانه

خلاصه الحديث لان شكلي طولت
اذا تبغى اهدى سياره سيدان وذات جوده ورساوه ممتازه وبسعر ما يتعدى 100 الف ما فيه الا اوبيروس والافالون تقاربها هدوء وعزل لاكن اقل جوده في الخامات الداخليه بقليل وليس بفرق يذكر لاكن الفرق في السعر حوالي 30 الف وأقل مواصفات وبضمان عادي 60 الف او ثلاث سنوات يعني اذا انك متخوف من كلمه كوري وما عندك ثقه فيها
الخيار البديل بدفع تقريباً 30 الف زياده هو الافالون (كلامي من قناعه شخصيه وتجربه للسيارتين ) وهو رأيي الشخصي والاذواق تختلف


ودمت بود

الفل اوبن سبيشل تزيد عن الفل بـ

1- تكييف المقاعد. 2- زر لتشغيل السيارة. 3- فتح السيارة بزر أو مثل ما يقولون بالبصمة






صادق عزيزي احنا عيبنا انا ما نحب نتعب انفسنا بالمطالبة بحقوقنا

و اشكرك على النصيحة و ممكن اغير خياري الى نفس السيارة لكن بدرجة اقل اما (فل) أو (نص فل)

أو ممكن اتحول للألماني أو الأمريكي

ههههههههههه

الحال من بعضه لكن أنا سيارتي 6 سلندر 3.2 يعني ذا دعست السيارة تفز من الازفلت

و يقولون خراباتها أقل من الـ 4 سلندر و الحرارة الحمدلله في الوضع الطبيعي.

أما بخصوص المقارنة فلم تكن مقارنة كاملة لأن سيارتي 2002 و هذي 2009

كان فقط مقاربة العزل بين الاوبيوس و الاوميغا

لأن مثل ما قلت الجودة الداخلية للأوبل افضل من الأوبيروس و لكن الأوبل كمحركات سيئة وطلابة

الله يكتب لك الخير إن شاء الله
والله يا شراء السيارة أصبح أمر متعب جدًا

سؤال إن تكرمت

ما الفرق بين الفل سبشل والفل ؟

اخوي معليش انا امتلكت اوبل وامتلك اوبيروس حاليا الاوبل سياره المانيه وكانت رخيصه بوقتها

واحترمها كثير وفعلا مراتبها الين من الاوبيروس والعزل افضل بقليل لاكن مراتب الاوبيروس كتصميم اريح في السفر للظهر وهذا الاهم والمطب افضل

لا تقارن هدؤء الاوبل بالاوبيروس بل قارن الجوده والمواصفات رغم ان جوده الاوبل في الداخل عاليه جداً عكس الخارج

سوال خارج عن الموضوع
الاوبل كيف استمرت معك 8 سنوات ؟؟؟؟؟؟

انا طلعت ريحتي وهبلت فيني خرابات كل شهر مبلغ وقدره ومديلها 2003 هذا غير عزمها النايم اللس السيكل يقوم عليها اتكلم عن الاربعه سلندر طبعا والا السته طياره
والحراره وما ادراك مالحراره صرت اهلوس بها للحين

حياكم الله اخوتي

و (البنت) اقصد السيارة ما شريتها

لكن ما زالت هناك فرصة لأني اتوقع ان الزجاج كان مفتوح او منسم شوي

أخي أبو عبدالعزيز حياك الله كنت ناطر طلتك هنا و تعليقك

و مثل ما قلت انا من قبل (( الفل اوبشن )) مقاعدها لينة اكثر من (( فل اوبشن سبشل))

و أنا احترم كل آراء الأخوة في السيارة لكن تبقى قناعات

و بالنسبة للأوبل عزلها حالياً من وجهة نظري مثل ما حصلته بالأوبيروس

مع العلم ان سيارتي لها تقريباً 8 سنوات يعني الجلد خلاص منتهية صلاحيتها

اشكر لكم المرور

حياكم الله يا أخوان

الحمد لله أنك جربتها
ولا تاخذها إلا عن اقتناع انت وبقية الأخوان علشان تتمتعون فيها بدون متاعب

بخصوص المقاعد [COLOR=red]كلمة حق :[/COLOR]
أنا فعلا توجهت لفرع الأحساء اليوم ولاحظت فعلا أن الفل سبيشل كراسية أقسى من الفل أوبشنز العادية...........
أعتقد السبب هو نظام تبريد الكراسي
على العموم أنا ركبتها برضوا بالرياض بس قبل فتره ليست قصيره وأذكرها كانت لينه ومريحه مثل الفل أوبشنز العادية .......!!!
عموما الكراسي مو قاسية بس مو مثل الفل أوبشنز بالليونه :ch19:

[COLOR=darkred]أما بخصوص العزل [/COLOR]فهذي والله من جد غريبه
وخصوص أنت أخوي عندك من قبل أوبل والأوبل أعرفه مو اللي مره عزلها[COLOR=darkgreen] << [/COLOR]عند ولد عمي وسافرت وركبتها كثير

تحياتي لكم
أبو عبدالعزيز

ترى هي بنت ناس ... يعني ميهب لعبه حدد موقفك ولا فصخوا الخطبه والغوا كل شئ خخخخخخخخخخخخخخخخخ:smilie16:



فعلاً العزل الصوتي وراحة المقاعد تظل مسأله نسبيه تختلف
من شخص لاخر مثل حكاية صرفية البنزين << بيدخل في متاهه جديده:smilie16:

مشكووووور على الموضوع اخوي واتمنى لك التوفيق في اختيار السياره المناسبه
لك باذنه تعالى

والله انك صادق... شويه كتنك ساب واحد من اهله.... انا مره كتبت في احد المنتديات عن الكزس
المنسمه ( فيها صوت تنسيم بعد 120 ) ومع ان المشكله معروفه وكل المنتديات العالميه تعرفها
وتكتب عنها ويدورون حل لها من عام 2007 ..... الا ربعنا .. سبوني وحذفو موضوعي وما بقى الا يكفروني:smilie16:

زين وين المشكله اخوي الرجال يقول رايه الخاص في السياره ومن حقه وانا من المقتنعين برايه وكثيرغيري لهم نفس الراي..

اهنيك على اسلوبك الرائع ,,

والله يتمم لك على خير ان شاء الله ,,

بالنسبة للراحه ..فهذه عادة السيارات اليابانيه والكوريه .غير مريحه في المقاعد


الراحه هي في الأمريكي وليس كله.

عموما الأوبيروس سيارة ناجحه وأفضلها على كثير من المنافسين .