عرض وكيل كيا البحرين ..... هذه هي العروض

زي ما قال خوينا figer من جد طلعنا عن الموضوع بس لي اخر تعليق بعد اذن صاحب الموضوع على كلامك يالغالي abo sirag الوضع هناك وضع غير و حتى ما نطلع من الموضوع ترى ما عندهم موهافي و ما يستوردونها لانها غالية و تشرب بانزين :bigggrin: و ترى عندهم تفلل السيارة تقريبا ب400 ريال.

الماريندا عندهم اسمها "فانتا" و طعمها غير و كل شي غذائي او ملبوس عندهم من إنتاجهم بدون تخصيص ابدا و ما تحصل شيء مستورد ابدا و اذا حصلت شي حيكون غالي جدا و ما يشتريه إلا المتوحم عليه لان عندك بديل واحسن جودة و الملابس اصلا هي اكبر الصادرات عندهم و غازين اوروبا بالملابس و معروف عن موديلاتهم و الازياء عندهم و ما يحتاج.

اما بالنسبة لعملتهم فبالعكس كانت و ما زالت بالتراب و هي من العمل ذات قيمة متدنية لان اصلا كانت قبل عام 2005 ب6 اصفار يعني الدولار الواحد كان يساوي 1.700.000 ليرة تركيه بس بعدين بعام 2005 بعد ما اوروبا صارت تتمصخر عليهم و بعملتهم و يقلك انا اروح تركيا على شان اصير غني ملياردير و كانت الناس هناك إلي راتبها الف دولار تستلم رواتبها بالمليارات الليرة التركية و هي قيمتها طبعا الف دولار و بعدين طبعوا عملة جديده و شالوا الستة اصفار و صار الدولار الواحد يساوي 1.7 ليرة تركيه جديده بس هي بالاصل كقيمة ب6 اصفار فبالتالي الريال يساوي 240.000 ليره تركيه كقيمه و كورق 0.24 و ترى إقتصادهم ما هو قوي بس الشباب يتعافون و بسرعة و تركيا كان عندها ديون خارجيه بقيمة 120 مليار دولار من تراكم ديون الحرب العالمية بس من قبل كم سنة سددوا كل الديون الخارجية ولسا عندهم ديون داخليه و هذا كله بالعمل و الإجتهاد و ترى من جديد صارت تقريبا عملتهم ثابته و من قبل كانت تتذبذب تصحى اليوم تلاقي الدولار يساوي 1.5 و بكره تلاقيه 1.7 و اليوم إلي بعده تلاقيه ب1.1 و الاسعار كذلك كل يوم بسعر جديد حتى الخبز عندهم يختلف سعر من يوم ليوم كان.

الدوله هناك عايشة على الشعب و على القطاع الخاص و القطاع الخاص اغنى من الدولة و هو يسلف الدوله و الدولة تتدين منه بس عندنا بدول الخليج الشعب و القطاع الخاص عايش على الدولة و الدولة اغنى من الشعب و عندك اكثر الشعب و القطاع الخاص عايش على المناقصات الحكومية و القروض الحكومية و رواتب القطاع الحكومي و الدوله تسلف الشعب و لو الدوله فلست الشعب فلس و لو البترول خلص راح الدوله تفلس و بالتالي باي باي على الشعب و الدوله تكدح على شان الشعب بس عندهم مافي لا بترول ولا هم يحزنون و الشعب يكدح على شان الدولة و لو الدولة فلست هم يرجعوا يحيوها و يدينوها و على شان كذا تلاقي تركيا عندها ديون داخليه الشباب مسلفين الدوله !

تركيا ياسلام شي ثاني ، عيشة عمر و ياريت نتعلم ولو بعض الاشياء منهم ماهو نازلين بس نستورد منهم المسلسلات الدرامية و الاشياء القذرة إلى مالها فائدة و الخرابيط و هذا إلي فالحين فيه نحن بس إما نستورد منهم كل مفيد لاء خل عندك.

و خلينا مع مهند و نور و مين يعرف متى حيزورنا مهند للبحرين على شان نروح نستقبله بالمطار و نتصور معاه و حنا راكبين سيارة كيا موهافي و من جد العروض الحقيقية هي عند وكيل كيا بالبحرين و ليست العروض الوهمية عندنا هنا عند الجبر (حتى ما نطلع من الموضوع :tongue:).

لا تطور لا خرابيط بس مستهلكين ،
خلينا نشتري سيارة و ننام عند المطار يمكن يشفق علينا مهند بابا او ماما نور !:xyxwave:

صح كلام عمك و إحترامي الشديد له بس ماهو كل السيارات.

مصانع السيارات اكثرها في مدينة ادنا و ازمير و كوجالي و قليل منها في استانبول.

الباصات الصغيره (الميكروباص) زي فورد و الباصات الكبيره و الشاحنات زي المرسيدي و المان و الرينو صناعتهم و عندهم اكثر الباصات و الشاحنات المستخدمه صناعتهم بس السيارات الصغيره عندك الفيات (التوفاش) إلي زيها (النصر) في مصر صناعتهم و عندك الهونداي زي الاكسنت و I20 صناعتهم و الرينو برضو صناعتهم و كانو يصنعوا الكوريلا و اليارس بس مازال عندهم مصنع للتويوتا (تويوتا سا) بس يجمعوا بعض القطع و الشباب معتمدين على انفسهم و على الاقل احسن مننا نحن شعب مستهلك بس و هم على الاقل شعب إنتاجي صادراتهم 80% و وارداتهم 20% إما نحن كعرب صادراتنا 20% و وارداتنا 80%.

شعب يصنع دبابات و باصات و طيارات و سفن و نحن نصنع حليب السعودية المصنع اصلا من بودرة حليب مستورده مخلوطه مع المويه و يكتب عليه صناعة سعودية.

يا زين الصناعه بس !

بالمناسبة الكوريلا عندهم كانت تصنيعهم بس وقفوها عام 2007 و ما مشت معاهم.

ازين قبل شهر فبراير 2009 كانت ب100 الف ريال تقريبا مع الضرائب يالغالي. بس بسبب الازمة الإقتصادية و كدعم للسيارات شالت الدولة الضريبة 18% و صارت السيارات تنباع بدون ضريبة.

و بالمناسبة الحين صارت ب80 الف ريال تقريبا و مسوين عليها خصم :bigggrin: بعد.
http://www.toyotasa.com.tr/turkey-local/fiyatlistesi2.aspx

ترى خوينا جميل اشترى حصة الوكالة التركية و يقلك ممكن بكره بعد مايستلم الوكالة في تركيا راح يسوي خصومات هائلة و يلعب لعبته إلي لعبها هنا ايام زمان و يركبلهم اكسسوارت صينية و رقصني يا قدع.