لا هنتم شباب كيف استطيع الحفاظ على سيارتي السوناتا لأطول وقت ممكن ....اريد نصائحكم

والله نصائح ذهبيه بصراحه يالأطخم أعطيت عصاره وخبره سنينك كلها ماشاء الله عليك وحبيت أضيف تغيير الزيت كل 5000 كلم مع الفلتر :wink:

الصيانة الدورية
من تبديل الزيت 5000 كيلو
وتغيير الفلاتر
الحفاظ عليها من اشعة الشمس
وتشوف كل الخير

أخوي انا معاي سيارة 18 سنه وبعطيك عصارة خبرة

أول شي وأهم شي لاتوسوس فيها أهم شي يعني مو اي طقه أوصوت خفيف تركض لصيانه وتقعد تدور محل لاالخلل
السيارة لما تخرب يعني تخرب ويكون الخراب واضح ويطفشك
لانك لو وسوست مرة ومرة راح تمل وتهمل صيانتها مستقبلا
خلك مطنش وراح تتحمس لما تتعطل صدق السيارة وتحتاج صيانه وراح تصرف بطيب نفس

الشي الثاني وقف في مكان ظل مهما كان الشمس تعدم السيارة وبقوه وبالاخص من الداخل

الشي الثالث لاتسافر الا في الليل النهار يعدم السيارة وبالذات الحرارة وخاصه حرارة الارض والجو تنشف الجلود

الشي الرابع استخدم السيارة عادي لو 24 ساعه بس مو بعنف وخلك حنون على المكينة داخل البلد
لاتشد على المكينة بقوه بقوه وترجع ترخي هذا احد اسباب التبويش اما في الخط شد مثل ماتبي يعني لازم المكينة تكون مستقرة مو فوق تحت

الشي الاخير والختامي أبعد عن التظبيط والزينة ولاتلعب في التنجيد والديكور والشكل الخارجي ابداً
والله هذه دمار كل سيارة خلها شد بلد لانك لو لعبت فيها ماراح ترجع زي ماكانت
وممكن تضل السيارة فيها عيوب بسبب موضه او حركه مالها داعي

اعتقد هذا اهم شي

بالنسبة للأقمشة (السفايف)

أنا مآشي فيها 70 ألف , وما فيها إلا العافية

بس ناوي أغيرها قريب

لأن كل شي إلا السلامة , فهي أمر ضروري جداً

وإذا تبي تعرف وقت انتهائها , العادة انها تصدر صوت احتكاك

بالتوفيق

:)

شوف حبيب قلبي راح اعطيك خمسة نصائح

1- السيارة اذا استعملها اكثر من شخص انعدمت
2- انتبه لزيت السيارة وحاول تغيره كل 5000 كحد اقصى
3- لبس السيارة من داخل
4- حاول تخصص لها موقف يحميها من حرارة الشمس
5- لاتعدل ولا تعبث بالسيارة كثير