هل ما سمعنا عن الكامري صحيح

راح أعطيك تجربتي مع الكامري

السيارة تنقص مع الخطوط الطويلة داخل المدن ماتنقص لو تمشي إللي تمشي يعني مع

السرعة والمقصود بالسرعة من 140 وطالع لمدة ساعة راح تلاحظ النقص وكلما

اسرعت كلما نقصت اكثر يعني أنا اسافر بالشهر مره مسافة 280 كيلو ينقص 300

إلى 350 مل على حسب سرعتي ولا حظت بعد 100000 صارت تشرب الزيت شرب

يعني لازم تسافر معك علبة زيت أقل شي و إستفسرت من مكانيكيين قالوا السبب تبخير

بزيادة وهذا عيب مصنعي وسويت إستبيان لشريحة كبيرة من مستخدمي الكامري خاصة

من 2003 إلى 2006 أكثرهم تقريبآ 80 % يشتكون و الكثير منهم خطبت معاه بسبب

السفر لمسافة 1000 كيلو ومن ثم رجع يعني 2000 كيلو تخبط إذا ما أنتهبت لزيت براحة

وكذلك توصلت لمعلومة بأن القير العادي أكثر صرف لزيت من الاوتو ....................

كامري من 2003 إلى 2006 قير عـــــــــــــــادي إنحش عنها تصرف بقوة

أما القير الاوتو أخف منها بس لازم تنتبه لزيت باستمرار

كامري 2007 إلى 2009 قير عادي سمعت أنها تنقص ولكن بشكل نادر

والقير الاوتو حتى الان ماسمعت أحد يقول أنها تنقص بصراحة

بالنسبة لتوضيب على حسب كلام أحد المكانيكيين الخاصين بالتوضيب بأن المكينة

المنيوم وماتتحمل ضعيفة لذا تغيير المكينة أفضل ولكن نادر ما ينفع معها التوضيب

وبكل صراحة الكامري إذا حافظت عليها تصبر وما واجهني فيها أي مشكلة غير المكينة

طبعآ فيه عيوب مثل خف الوزن و الفرامل ضعيف ولكن تضل سيارة صبورة و مثل

مايقول المثل الشق أكبر من الرقعة إذا المكينة بهالشكل شفت الاستغناء عنها أفضل

وبعتها و مادام الكامري بهالشكل ماراح اركبها مره ثانية يوجد بديل أفضل بكثير

أتمنى أفدتك لو بالقليل

انا كان عندي كامري 2004 وبعته وصحيح هي تنقص زيت وبالنسبة للمكينة

راس المكينة المنيوم وهذا اذا انطق تغيره كامل

والبلوك حق البساتم وكذا يتوضب وينخرط عادي


انا ما فكيت المكينة الحمدلله بس المكينة تنقص زيت بسبب ضعف الشنابر

ما فيها مشكله الكامري خذ وانت مغمض بس اللي اشوفه اغلب حقين الكامري مهملين وبدون زعل واولهم اخوي معه2006محد يغير زيته الا انا يمشي عليه 10او12عاااااااااااااااااااااادي ابو الشباب ماهمه شي يدق سلف ويمشي

مساكم الله بالخير إخواني
المشكله ياإخوان باللي يقولون
أخوكم في الله معي كامري 2009 GLXفل كامل قير تماتيك ماشيه إلى الان 30.000 كم وما اشتكيت واقطع أسبوعيا 800 كم رايح جاي ولم ينقص شئ ابدا
واللي رغبني فيها زميلي معاه كامريGLX قير تماتيك 2007 قاطعه 120,000 كم حتى قطع بها من ظهران الجنوب إلى حائل مايقارب 1800 كم مايقارب 14 ساعه مشي متواصله ويوم وصل وقام من الغد وراح يعاير الزيت ما نقص
أعتقد أن الزيت ينقص في موديلات 2007-2009 بالقير العادي أما التماتيك أنا مجربها
خذها وأنت مغمض

اللي فهمتة من كلامكم ان لا يوجد قطع توضيب

يعني اقدر اجيب مكينة من التشليح واخذ منها القطع او ما فيه امل انها تتوضب ؟

معاي كامري 2008 ماشية 41 الف ولله الحمد ماشتكيت من نقص زيت ابداً

واخوي معاه 2004 وماعمره اشتكى من تنقيص الزيت

الوالد عنده كامري 2003 وخبطة المكينه والله مشت حول 766000 اكثر من نصف مليون +200الف زيادة ورحنا من الجنوب الى الغربية قالو لاتتوضب لانها المنيوم وهذا سبب الترشيح للزيت
المهم اخذنا مكينه جديد من الوكاله حول 16700 ريال
الحمدلله على كل شي
حصلنا تشليح 8000 ريال

مو معقولة من موديل 2007 وحتى الآن لم يتم تفادي الخلل !!

بانسبة للتوضيب مالها قطع توضيب فقط يعني لو كان لها قطع كان تتوضب عادي لكن كل العالم يشترون نص مكينة ب8500 وكالة او مكينة كاملة تشليح

عموما الصرفية ما راح تبدأ الا بعد ماتعدي السيارة ال200 الف

زيت الكامري يتبخر من الشكمان كما هو موضح في الكاتلوج يعني لازم تشيك اول باول
وبالنسبه للتوضيب هذي مشكله كل السيارات الجديدة المكاين المنيوم يعني لاطق راس الماكينه لازم جديد

الكامري تشرب الزيت شرب مو تنقص وبس

بالعربي انا موتري يشرب ثلاث علب بالضبط اذا مشيت على الزيت 5 الآف وصارت كذا

مرة اني صبيت الزيت اللي بالمكينة على طول في علبة زيت وحده سعة 1لتر

حاليا ازيد كل مامشيت الف تقريبا علبة

واحد من اخوياي معاه كامري 2005
صارت معه نفس الحركة وباع الموتر وجاب له 40 الف
بعد كد 3 سنين
والان طقله كامري 2010
وحاولت انصحه ياخذ سوناتا
لكن من جحر الى دحديره
لكن اللي بهرني في الكامري سعرها ماسك فقط لكن عن اداء انسى ويكفي انها صنفت من اخطر السيارات في العالم

ياشباب ___(أعذروني )___اللي يبي الموديلات اللي تصبر

يأخذله موديل 2002 بشرط قراندي وتجيك سته سلندر وراحه وونشاط وو الخ

بس فيها ميزه **الصبــــــــــــــــــــــــــــــــــــــــــــــــــــــــــــــــــــــــــــــــــــر**




أنا مجرب ماشاء الله صدق موووووووتر




تقبل مروري .

أخوكم


(راعي قراندي )

موضوع نقص الزيت سمعتها كثيييير لكن إلي أبتأكد منه هل صحيح إنها ما تتوضب لأني سمعتها من كم واحد صدق كذب الله أعلم

اي نعم مانيب قايل لك سامع ولا يقولون انا شخصيا عن تجربة الكوامري من 2003الى 2009 تنقص زيت موتر اسوء مافيه مكينته لو انه 8 سندر قلنا ماعليش لكن 4 سلندر ومكينه ضعيفة وتنقص اعتقد كارثة من تيويتا لكن خلاص شلناها من المخ معاد اشتريها ابد