بس بصراحة الي تحت الـ 2007 مو قد كذا
بصراحه الموضوع حلو والسياره اقولك ياصاحب الموضوع ماعليها كلام وابد اختيارك موفق لان غالبيه الناس تحب تخرب سمعة اللومينا والكابريس بالذات اللومينا
والسبب للحين مافهمت الناس شلون تفكر الكل يتكلم ويقول فلان صارت معه المشكله وولد عمي جد ابوي طفت على لمبه مادري وشو والخرابيط اللي ما نخلص منه
الكلام يكتفى بملاك السياره ومن جرب اللومينا عن صدق مو تتكلم عن تجربه غيرك .
نرجع للشئ اللي يقولون انها استراليه اوك كلنا عارفين ومقتنعين بالكلام الحمدلله مكاين قويه وفخامه ورساوه وش نبي اكثر واللي يعرف يروح استراليا ويشوف.
اللي يقول ماحصلتها بالموقع ادخل موقع هولدن الرسمي وراح تحصلها بانواع واشكال كمان .
والشئ ليه نحكم على السياره واي سياره تحتاج مثلها عنايه يعني مو عنايه اني اكرجها لا اكرفها بس كرف ناس فاهمه لا تصير كل مشيك مقاومات وتفحيط ودعس وتفتخر فيها لانه راحت وسريعه وبعد ما يصير فيها خرابات تقول ماتسوى وحرام ادفع فيها ومن الكلام .
بخصوص مشكلته الرديتر اكثر الناس اتكلم عن الكابريس واللومينا بس الباقي مادري عنهم الرديتر يشيك عليه من العلبه اللي عند الشمعه اليسار وفيه اصلا مقياس يبين لك كم النقص مو تروح وتفتح الرديتر نفسه وتعفس الضغط وتقول خرب والسياره حراره وغيره .
الشئ الاخير معاك لومينا لا تهتم لكلام العذال اللي مااسطاع ان يملكها لاي سبب ويجلس يذم فيها وهو ما يعرفها .
عموما اشكرك اخوي لطرح هذا الموضوع لمحبوبتي اللومينا بكل انواعه من اقل فئه لاعلاها لا هنت اخوي وايميلك كان تبي اي سؤال عنها ارسلي خاص واعطيك اياه بحكم تجربتي.
والسموحه من الاعضاء لكلامي الكثير
تحياتي
