:confused1::confused1:
السلام عليكم ورحمة الله وبركاته..
بدخل بالموضوع على طول انا عليمي بالسيارات واكثر ما اكره بهل الدنيا اني ادخل على الصناعية
ولاأفرق بين الكربيتر والبخاخ... فالمساعدة يالربع تكفون
سيارتي كورولا 2005 والحمدلله ما دخلتها ورشه من يوم خذيتها جديده قولوا ماشاء الله
من يوميين صار معاي تقطيع بشكل ملحوض بعد ما عبيت بنزين لكن يوم ما مسكت خط راح ثم بعد يومين رجع نفس التقطيع وبشكل ملحوظ وانا واقف وانا ماسك الخط (دوامي خارج الرياض 120 رايح ومثله راد)
الحين السيارة تقطع بشكل كبير ما ادري وديتها كم ورشه جنبي واختلف فيها العلماء واحد يقول بواجي واحد يقول بخاخ واحد يقول فلتر واحد طرمبة البنزين
وش الاحسن يالربع شورو علي اوديها الوكالة واريح راسي وانا عارف يبون يلجلدوني بالسعر ولا اخليها بالورش وياريت تنصحوني بورشة بشرق الرياض الروضة
<---< فيه كسل غريب سير الدركسون غيرته 4 مرات ورا بعض بفارق يمكن اسبوع واخر شي قالو لي بكرة السير مايله ولازم تتغير ولها الحين 3 سنوات ما غيرتها والدركسون يوم الف تقول لاف دركسون تريلا يالله يلف وش رايكم اغيره بعد
جزا الله خير كل من يشور علي ولو بكلمة وغفر الله له ولوالديه بهل عشر الاواخر دعوة صايم:xyxwave::xyxwave:
