كيفكم يا احلى اعضاء ؟
ان شاء الله تمام ..
كل سنه و السعوديه بخير .. بمناسبه اليوم الوطني ..
تم و بعون الله شراء سياره ميتسوبيشي لانسر اي اكس جي تي " Mitsubishi Lancer EX GT "
فـ حبيت اعمل تقرير عن السياره و اعطيكم خلفيه عن احد افضل و اروع سيارات ميتسوبيشي اللتي قل ما نراها بشوارع مملكتنا الحبيبه ..
و كذلك اعطيك رأيي و انطباعي عنها كـ مجرب لأحد سيارات ميتسوبيشي ..
الى الان وبحمد الله تم تخطي حاجز الـ 1000 كيلومتر و بأذن الله راح يكون فيه زياره للوكاله يوم السبت ..
بسم الله نبدأ ,,,
مواصفات السياره :
فتحه سقف - مكينه 2000 CC لكن ماشاء الله تقل 3000 CC " طرحت كامري 2006 2400 CC" - جناح خلفي - جنط 18 بوصه حسب ما كتب بالكاتالوج - ريموت التحكم عن بعد - قير مانوماتيك - نظام فورمولا 1 بالتعشيق - قير CVT مثل الالتيما - نظام ABS مانع للانغلاق - 11 ايرباق - حسب كلام الموظف انها 12 سماعه مع مضخم - انوار هالوجينيه وليست زينون - كشافات ضباب - زوائد اماميه و خلفيه و جانبيه ايضا مما يضفي لها شكل اكثر جرأه ..
السلبيات و الايجابيات :
السلبيات : المطب قوي نوعا ما مقارنه بأستخدامي بالفورد فيكتوريا - اذا مشيت على اسفلت قديم شوي يطلع صوت كفرات مزعج جداً و هذي ضريبه الجنط 18 عشان الكفر رياضي - على سرعه 140 تسمع صوت هواء بسيط - صوت المنبه " البوري " مضحك نوعا ما ..
الايجابيات : السياره شكلها وحححش بكل ما تعنيه الكلمه - انوارها قويه جدا ماشاء الله - فتحه السقف ما تنسم هواء ابد ولا تهرب الماء - الشمعات الاماميه و السطبات الخلفيه مكحله بالاسود وذلك يعطيها شكل رياضي و عصري ..
قوه السياره :
حجم المكينه 1998 CC بالضبط
تأتي بقدره 155 حصان عند 6000 دوره بالدقيقه ..
و عزم دوران بقدره 199 نيوتن عند 4250 دوره بالدقيقه
تسارع السياره من 0 - 100 بـ 9.6 ثواني
و نأتي الآن الى صور للسياره ..
صوره تبين واجهه السياره الاماميه .. و يتضح معنا الزوائد السفليه التي اضفت شكل رياضي بحت ..
صوره تبين حجم الجنط الذي يقال ان حجمه 18 بوصه " عجزت اصدقها "
هذي من تعديلي :bigggrin::bigggrin: .. تم الرش باللون الاحمر عشان تصير سبورت اكثر و اكثر ..
صوره توضح شكل السياره الجانبي و طولها المميز ..
و هذي لقطه من الخلف ..
صوره توضح دهان الفرامل الخلفيه .. - الجلنط -
الرجاء عدم الرد
