دبل اليوكن والتاهو

مشكور اخوي

:c0038:

انا يا مؤيد تحسفت ان جمسي بدون دبل (مع انه ولله الحمد ما بعد غرز بي ولا فكر ماشاء الله :smile:)

الدبل الخفيف ماله لزمه انا معك لاني جربته و لاداء واحد تقريبا
لكن الثقيل عجيب بحد ذاته تستغرب من وين له هالقوة

اذا الواحد شاري سياره من الحجم الكبير فالدبل ضروري جدااا
ذكر لي احد الاخوان بانه تندم كثيرا عندما اشترى يوكون بدون دبل تقولون لماذا؟

ذكر في احد المرات بانه نزل بجانب الطريق ليلا وكانت الارض تغريز فجلس 3 ساعات يحاول لكن دون فائدة حتى اتى له اناس فاخرجوه فالدبل لليوكون والتاهو ضروري لو مره تحتاجه واللي يقول صيانه هذا غير صحيح فكثير من السيارات الامريكي اليوكون والتاهو ايام التسعينات الدبل شغال الى الان ولا فيه مشاكل

مع احترامي لك وتقديري


كلامك غير منطقي

انت يا الغالي تقول ان السيارات الامريكية يا الله تشيل نفسها

فاعتقد انه فيه اخطاء


يعني اعتقد ان السيارات مثل
جيب جراند شيروكي مثلا وهذا مثلا لا يحتاج الى توضيح من هو


ثانيا السيارات الباقية مثل اليوكون والتاهو هي ماركة مسجلة للأمريكي
ويكفي ان اللاند يجي منه امريكي الصناعة والدبل حقة امريكي يعني ما هو ياباني ولا شي


بعدين عندك السيارات السيدان ذات الدفع الرباعي المستمر موستنق
كامارو
وغيرها


تحياتي

.
.
.
انا التاهو حقنا بدون دبل ,,, والسبب انه مانستخدمه الدبل نهائيا !!

لسنا من اللي يسافر برا ,, ولا من اللي يروح بر وصحاري كثير !!

لذا ليش ادفع فرق 10.000 ريال ,, وانا في مدينة جدة واللي مافيها جبال او طلعات تستلزم دبل

غير كذا ,, السيارة اخذناها لاجل مساحتها مع الاهل ,,, وليس للدبل والطعوس ,,,

وصراحة دبل الامريكي ,,, بالقوة السيارة تشيل نفسها ,, يعني لو تبغى تتكلم عن الدبل ,, اذكر اللاند والباترول والياباني عموما ,,, ولا الامريكي بالدبل مجرد ثقل ع الفاضي ومصاريف زايدة ,, هذا رأيي الشخصي

اهلا فيك اخوي
بصراحة الدبل ماله لزوم عندنا في البحرين
اولا بتدفع عليه فلوس صيانة + فلوس زيادة + صرفية البنزين بتكون زيادة
بعدين وانا اخوك احنا في البحرين ابد خير شر مافي بر حق الطعوس وهالسوالف
كله صخر وارض الكورلا ولا حتى الموستنق المنخفضة تمشي فيه بدون مبالغة وتقدر تجي وتشوف وحياك الله

وبعدين ياخوي اللي يشتري سيارة عائلية جيب يعني مثلا احنا نبي سيارة مريحة
وبالنسبة للفانات مثل البريفيا وغيرها ما فيها راحة الجيوب وخصوصا الامريكي

كل ممشى السيارة بيكون على الطرق والسيارة 12 شهر بتكون داخل طرقات البحرين اللي لو جيت من شمالها لجنوبها ما تاخذ ساعة.... الله يحفظها من ديرة
بعدين اذا سافرنا فيها مثلا وين بنروح... الاردن او سوريا ... او السعودية ... الخ وكلها بتكون على الطرق لا ببنزل طين ولا شي

وترى في قاعدة تقول لا تشتري ما لا تحتاجه .... وهو تراه غير متوفر في البحرين إلا بطلب
فليش دوخة هالراس.......

تحياتي،،،

تراها وجهة نظر ... مرة كنا فى صلالة ... وكان عندى لاند كروزر ونسيبي عنده مرسيدس ودخلنا مكان خطر وانا طلعت وعلقت سيارة نسيبي على طرف منحدر عميق ( وادي زلق ) طبعا ابسط حركة خاطئة ممكن يروح فيها السائق مع السيارة:c0038: الحل الوحيد هو سحب المرسيدس بسيارتى لكروزر لكن مافى مجال للفشل لان الفشل معناه ان تنزلق المرسيدس الى الخلف وتسحب الكروزر معاه الى قاع الوادي ... وبعد تفكير قررنا سحبهاااا وثبتنا السيارتين بحبل واحكمنا التثبيت وركب كل واحد سيارته ونزلنا العوائل طبعا من السيارتين وكل واحد منا يردد الشهادة .. حقيقة كان موقف مرعب .. فاما ان اسحبها بسرعه خاطفه وننجح على التربة الزلقة واما ان ينفك الحبل وترجع المرسيدس الى الخلف وتسقط فى الوادى واما ان تسحبنى معها ... بس الحمد لله انه الكروزر وما يفشلك ابد ... شغلت الدبل وسحبتها سحبة خاطفة وانا ما قادر اطالع للخلف لكن الحمد لله انه الله ستر .. على الرغم من انه كل شي كان ضدنا .. المكان والرمل الرطب الزلق ... وهذا الكروزر سيارة البيت واول مره نستخدم فيه الدبل .... يعنى موقف مثل هذا اتصور انك ما ودك تدفع فلوس زيادة علشان تطلع منه الا تدفع الغالى والنفيس .... فوجهة نظري انه الدفع الرباعى او الجيب حلاته بالدبل وهيبته بالدبل ... اما انه يوقف يتفرج فى مواقف التحدى فها الشي مايليق بتاهو او يوكن ... مثال ان كنت فى طريق ولسبب ما اغلق هذا الطريق وشفت السيارات تطلع من يمين الطريق الا انته ما قادر واقف مع السيدان :c0214: ما بتحس بضيق

أبدا ما دخل مخي سيارة بكبرها مثل التاهو واليوكون والسيكويا وبدون دبل

الدبل مهم للسيارات الكبيرة والتي تعتبر من فئة الجيوب

يعني لو مارح تستعمله الا مره وحده في عمر السياره

يمكن يطلعك من ورطه كبيره

انا مع اللي ياخذ السياره بدبل

لكن في ناس ما تحتاجه وخصوصا في السعوديه مسافاتهم بعيده جدا
او البحرين ما فيها صحاري

أنا بالنسبة لي ليه أخذ دبل لأني ما راح أستفيد منه إلا زيادة فلوس على الفاضي

لأني لو أخذته ما راح يشتغل لين أبيعه لأن أخوي أخذ لاندكروزر 2005 وباعة

ولا قد شبك دبله إلا مره واحدة وهو يدفني في منحدر إزفلتي بس عشان كان في مطر

وسيارتي ما طلعت قعدت تتزحلق وكان فيه منحدر جنبي يعني لو ما دفني كان رحت فيها

وهذه المره ألي شبك فيها الدبل

اذا بدون دبل اخذ سوبربان
يوكن ولا تاهو بدون دبل
ماله لزوم

الدبل ممتاز لكن ماكل واحد يحتاجه وفيه ناس تتخوف منه ويقضلون اللي بدون دبل حتى لو تساوت القيمه لأنه اقل صيانه ومشاكل انا افضل الدبل طبعاً وخاصه اللي يطلعون للبر اكيد انهم يفضلونه