السلام عليكم ورحمة الله وبركاته ..
اخواني عندي مشكله في الدفرنس الامامي ( ناتيفا ) ميتسوبيشي .
طبعا اللي قال لي انه مشكله في الدفرنس اكثر من فني .. يقصدون الكارونه .
المشكله بدت معي بعد استعمال للدبل بمسافه 40 كم تقريبا .
المشكله كالتالي:
اول ماتمشي السياره تسمع صوت زي صوت التصفير خفيف ويزود مع السرعه . زي احتكاك الحديد مع بعض.
وفيه صوت مايوضح معي الا بعد ماتوصل السرعه 40 تقريبا . صوت زي الونه تروح وتجي لين توصل السرعه 80 تقريبا او اقل .
( و ن و ن و ن ون ون ون ون ون ونونونونونون )
واكثر مايوضح اذا صرت في طلعه يصير الصوت واضح .
طبعا اذا وصل السرعه من الميه وحولها مايطلع الصوت الا مع الدعسه .. اذا بتشد عزم الموتر شوي . صوت الونه نفسه بس بشكل سريع مررررررررررره . بصراحه الصوت مزعج مره . والمشكله انه مهو مستمر . يعني اول ما اشيل رجلي عن الدعسه تكرمون يروح الصوت ..
القير تراه توماتيك . السياره توني شاريها . وبديت اتحسف اني شاريها .
الله يعطيكم العافيه ويرحم والديكم عن النار.
