أسعار المكسيما الجديدة

سلا مـــــــــــــــــــات ويــــــــــــــــــــــــــــــــــــــــــــــــــــــن :mad1:

ياشباب ترى البانوراما...... نزلت بالكويت...

والعهدة على ذمة الرواي "الوكالة"

العجب من ردود بعض الاخوان لما يقولو إن السياره لاتستحق سعرها
أخذها على جيلها القديم , وحصرها في منافسيها القدام ( والبعض يقارنها بـ أس يو في .!!!! )
الأن السياره أرتقت بمواصفاتها وجودتها , وأرتقت إلى طبقة أعلى في المقارنة
أنا من أحد مالكي سيارة أفالون ليميتد 2008 وأخذتها بـ 119 ألف من غيرالاستماره
والأن سعرها 124 ألف ريال تقريباً ..! وأرى إن سعرها مبالغ فيها
لو رجعنا إلى موديل 2005 , وهو الجيل الجديد من الافالون الحاليه
وكانت بسعر 112 الف ريال تقريباً
ولا يوجد فرق بينها وبين الافالون لموديل 2008 والتي أظهرت عليه تحسينات
منها لون التخشيب الداخلي وإضافة خط الالمنيوم مع تطعيمات الخشب
وتغيير في واجهة السياره من صدام وشبك وأنوار , ومقابض الابواب مطعمه بالنيكل
والانوار الخلفيه أصبح لونها أغمق , وجعلو 6 غيارات بدل من 5 غيارات
نستطيع القول بإن الست غيارات محسوبه في زيادة السياره بسعر بسيط
أما باقي تعتبر تغيير في الاكسسوارات , لكن لا يجعل السياره تقفز من 112 الف
إلى 124 الف ريال سعودي ,
و السبب يعود في التضخم الاقتصادي
وأستغلال التجار في رفع الاسعار من 10 بالمية إلى 20 بالمية
بالمختصر المفيد
قيمة الماكسيما في الوقت الحالي من أستغلال تجار
طبيعي جداً
ولو كانت بسعر 130 ألف ريال كنت سوف أقول إن السعر أكثر من ممتاز
السيارة غطت على الافالون من مواصفات وسعر منافس حقيقةً

و أرجو من الشباب إن نبتعد عن التعصب وعدم الاتهام وإن نرتقي في حوارنا
والاخذ الامور بمنطقية وعقلانية
من أجل سمو هذا المنتدى الرائع حقيقةً

تحيتي للجميع

الاكورد فل كامل 93 الف سعرها غالي مره اخذ سيكويا ستاندر 125 الف اطلق من المكسيما

عندي احساس ان هالموضوع راح يجيب دُرفة مثله مثل غيرة :bigggrin:

هاذا سعرها حتى في بلادها امريكا سعر الاستاندرد ب 31 الف دولار حولوها بالريال تطلع ب 103 الاف وما حولها اما الفل انا معترض عليه من ناحية بس السقف بانوراما ليش مايجينا بالخليج يقولون الفل راح تنزل بفتحة سقف فقط والمفروض انها تنزل بفتحتين وبانوراما الاسعار مو من الوكلاء واحمدوا الله انهم ما رفعو السعر فوق لاحد يقارنها بسيارات ثانية مو من نفس فئتها انا اقول قارنوها بالانفنتي واللكزس سيارة منافسة لسيارات الفخمة المكسيما انفنتي بشعار نيسان وبدل ما ادفع 170 الف على G37 المكسيما تقريبا بنفس المواصفات باقل من السعر هذا اتمنى انكم فهمتوا وجهة نظري والمواصفات اللي بالفئات اللي عندنا نفس الموجودة بأمريكا ما عدا سقف البانوراما عيب السياحي الوحيد انه بدون حساسات وعيب الفئات اللي تجي بشاشة ان التكييف فيها يدوي بينما بدون شاشة التكييف الكتروني انا اقول ان شاء الله تكون مثل الالتيما في الاعتمادية مع ذالك هذي سيارة من السيارات اللي تنزل في السوق وسعرها مبالغ فيه على العموم انا حبيت السيارة وكرهتها\ عاد كيف .....ما ادري

عين العقل وعين الصواب
يشوف الناس غلطانين وهو الصح ولازم يمشون الناس على رايه واذا اعترض احد قال انت تضلل الناس
وعني انا اشوف سعرها اكثر من ممتاز لان مواصفاتها قريب من مواصفات الانفنتي ونفس الفخامه وهذا رايي انا وانشالله اني اشتريها الاسبوع الجاي بـ 135 الف وراضي الحمدلله بانها تستاهل كل ريال احطه فيها
تقبلوا تحياتي ..

لا مو غلطان
بس هل النقاش على سعر السياره لازم ينحصر من ناحية السلب؟؟
انت قلت ماتستاهل سعرها وهذا رأيك ومن حقك تناقش فيه وتبديه ولكن انا اشوف سعرها ممتاز لكن ليش مو من حقي اني ابديه واقول انه ممتاز؟؟ يعني انت لك الحق تتكلم وتناقش فيه وانا ليس لي الحق؟؟

وعلى العموم احب ألفت الى عدم استخدام الالفاظ والكلمات الجارحه لأننا ناس محترمين ولازم كل واحد يتكلم مع الاخر او عن الاخر بإحترام

ليش هالالفاظ مثل اتهامك لنا اننا نضلل الناس؟؟ ليش هالالفاظ شركة ابوه؟؟ وين الاحترام في التحدث عن الغير؟؟

وبماذا ضللنا الناس اذا قلنا رأينا ووجدنا السعر ممتاز؟؟ أليس من حقنا ان نقول رأينا مثلكم؟؟
هل تعرف ماذا يعني تظليل الناس؟؟ يعني خداعهم والتحايل عليهم والنصب عليهم!!! ليش هالكلام

انا عرفت حق السياره ومستواها وقلت رأيي بالسعر ولا زلت عليه فلك ان توافقني او تعارضني وماحد اجبرك على شي فماذى جرى؟؟ جيت لك وقلت لك روح اشريها علشان ضللتك؟؟ ولا ذكرت لك ماهو ليس فيها علشان ظللتك؟؟

السلام عليكم
كيف حالكم........... طيبين ان شاء الله
انا ما رح اتكلم عن الاسعار و الفئات و المقارنات هذي علشان ما نتشعب كثير بالموضوع مثل المواضيع السابقه
لكن اللي حاب اعلق عليه انه فيه بعض الاخوه هداهم الله يدافع عن السياره و عن سعرها و كأن شركة نيسان شركة ابوه
و يقعد يكتب من المواصفات و يسوي مقارنات مدري ايش!!!! بس عشان يثبت ان السياره تستحق سعرها
يا اخي اذا كان عاجبك سعر السياره روح اشتريها انت مو لازم تظلل الناس و تجبرهم انهم يشترونها بهذ السعر,,,,,,,,,, لان الاخوان من حقهم انهم يناقشون سعر السياره ولا انا غلطان؟؟؟؟؟؟

أقول لوحاطينها بعلامة إنفنتي كان شريتوها ب180000 ولا قلتو شي

:a1120(121)::a1120(121)::a1120(121):

والله انا اشوف التجهيزات مو هي اللي تخلي السياره تطلع لفئه اعلى منها والدليل على ذلك شوف اللومينا والكابريس نفس التجهيزات لكن الكابريس تعتبر فئه اعلى من اللومينا وكل هذا يعود لزيادة الحجم وكذلك المساحه الداخليه وايضا شوف الاوريون فيها مواصفات اكثر من الاوريون ومع ذلك الاوريون فئه اقل من الافالون

ولاحظوا نفس الشي في الاوبيروس الاسبيشل شوف انواع التجهيزات موجوده فيها وتبريد وتدفئه ومواصفات خرافيه فيها وعلى ذكر بعض الاعضاء يقولون الماكسيما سيارة رجال الاعمال في اليابان ههههههههه نفس الشي بالنسبه للاوبيروس الاسبيشل يعتبرونها من سيارات رجال الاعمال في كوريا ومع ذلك لا تعتبر هذه السياره من فئة الافالون بل تعتبر من فئة السيارات المتوسطة الحجم مثل الازيرا والاوريون والهوندا اكورد والالتيما الست سلندر واللومينا

والله استغرب من اللي حاطها بفئة الافالون بس لانها اعلى منها في السعر اذا كان سعرها غالي وتجهيزاتها اعلى فهذا خطأ تسويقي ويجيب ان يعيدوا النظر في ارتفاع اسعارها لان المستهلك اصبح واعي ولديه الخيارات الكثيره في فئتها وهذا لا يعني انها من نفس الفئه على اساس زيادة التجهيزات لان موجود عندنا الاوبيروس الاسبيشل تكاد تكون بنفس الفخامه والتجهيزات للماكسيما ولكن لا تصنف من فئة الافالون يليت نكون واقعيين اكثر مع تحياتي وشكرا

8
8
8

اخي الكريم الماكسيما نزلت من يوم الاربعاء الفائت في الوكالة وللحين راح حبتين بس بسبب السعر المبالغ فيه نوعاً ما

لكن انا اقولك العلم الصحيح نفس الوكالة اعطوني علم بأن السيارة راح ينزل سعرها الى حدود التسعين او اقل بقليل لفئة السياحية بعد عدة اشهر وليس الان, مما يعني نزول الفئة الثاني الى حدود المئة ويلحق بها الثالثة الى حدود 120

ولكم ياسادتي الكرام عبرة في اللومينا اوالموستنج اول مانزلت بأسعار يشيب لها الراس ولكن بعد فترة وجيزة تلقى نزل من سعرها ما لا يقل عن 20000

وكلامي عن اطلع وزيارة متتالية للوكالات السيارات

السيارة ما نزلت بالوكالة ولا بدأ البيع فيها ، وشلون بتشوفها بالشوارع :bigggrin: ، لا و لفيت الرياض كله بعد :bigggrin: شر البلية ما يضحك

الإخوان اللي يقولون غالية ، اسألكم بالله كم تبون يصير سعرها ؟؟ يا ليت كل واحد يقول سعرها المناسب

الماكسيما فئتها أعلى من الألتيما و من الأكورد و من الأوريون حتى ، اللي يبي سيارة رخيصة و سعرها معقول ياخذ الألتيما ، اللي عنده استطاعة أو فلوس زيادة و يبي يتميز ياخذ الماكسيما

الماكسيما من 2000 إلى 2009 لا تقارن على مستوى المواصفات بالماكسيما الجديدة ، يعني كل هالفروقات بين الجيلين و تبون الماكسيما الجديدة تنزل بسعر 100 ألف ريال للفل كامل زي ما كانت القديمة ؟؟ طبعا مستحيل

لفيت الرياض كله ملقيت ولا في شارع منها

الناس غلابه وعلى قدهم شلون يشتري ستاندر بـ 100 وين عايشين يناس ارحموا من في الارض يرحمكم من في السماء

أتوقع والله أعلم أن السياره ماراح يكون لها وجود على الساحه بسبب سعرها المبالغ فيه

اوافقك الرأي 100%

لا وازيد قيرها مو cvt عادي زي الألتيما والسوبارو لا cvt-s طبعآ للفول اوبشن أفضل اداء واستجابته اسرع وبدل شفت خلف الدركسون وجودة المواد الصناعية أفضل من الألتيما ..
والجنوط 19 انش ويكفيك الشكل الخارجي الخلاب ..

ياخي انا استغرب من الي يقول موديلها 98 كانت 71 الف يعني بعقل تبها للحين 71 ياخي السيارات تتطور وتكبر وتتغير ..

يعني انا اذكر قلت لواحد سعرها قال وليه ياخي الكامري ماصار هذا سعرها ؟؟!!:a1120(121):

وين ووين هي أفضل من الألتيما الفول اوبشن وهي استاندر من حيث المواصفات وقوة المكينة والشكل الخارجي والحجم وقس على كذا وهي اصلآ ماتقارن بلألتيما ولا الأوريون ولا الأكورد هي فئة اعلى افهمو الحاجه هذي والي يرفهعا مواصفاتها وهي تقارن بلأفلون ولكزس es الحين الأفلون كم الفول اوبشن 125 الف احد تكلم وهي بلمواصفات تعتبر صفر مقابل المكسيما وفرق المكسيما عنها تقريبآ 5 الأف الا تستحق ..:c0214:

لا تصيرون بس معارضين :c0038: وعايشين على زمان اول كل شي تغير ,, ياخي عند الكورد 120 الف بلله على ايش عشان فتحات الباب نيكل :mad1: احد عارض ولو تقارنها بلألتيما افضل منها مواصفات وقوة ميكانيكية واداء فما بالك في المكسيما .. على العموم اتمنى تغيير الفكرة القديمة

ولكم خالص الشكر ..

السياره لاتقارن بالاوريون أو الاكورد
ولا أحد يحكم على إنها تستاهل السعر أو لا , قبل إن يقارنها بمنافسيها بالسوق
ويشوف التجهيزات الموجوده بالمركبه
السياره تقارن بالافالون , مع إن الماكسيما متفوقه في المواصفات وأفخم من الافالون
تتفوق على الافالون في المحرك , وفي شاشة الملاحة المتوفره بخدماتها
سواء ستالايات أو مشغل دي في دي
وأيضاً متفوقه في تحكم المقود بشكل كهربائي في أربع إتجاهات مع حفظ الذاكر مع المقاعد وأيضاً والمرايا الخارجيه تحفظ في الذاكره مع التحكم فيها
أيضاً وجود مخرج الآي يو أكس والبلوتوث ومشغل الام بي ثري وتحكم مستقل للركاب
الخلفيين في التكييف و المسجل
هذا اللي أعرفه من مواصفات تتفوق فيها الماكسيما على الافالون وإن كان يوجد غيرها ..!
يعني سعرها ممتاز ولو رأينا هذه المواصفات على الافالون لـ وصلت 145 ألف ريال :bigggrin:
معدا المساحه الداخليه فهي من صالح الافالون ..!
يعني سعره المفروض لا يتعدى 130 الف ريال كاسعر منافس


..!

والله شوف فيه سيارات افضل منها واقل سعرا منها ... الله لايرزق الوكالة وصدقوني راح تتكدس عندهم وواذا مشت راح يمشي الاستاندر