الكل منا أو الأغلبيه يعرف دورة التكييف
دائرة التكييف في السيارة تبدأ من الكمبريسور مروراً بالمكثف* ( اللي عند راديتر السيارة ) و بالمبخر ( اللي داخل السيارة وتسمى ثلاجة المكيف ) وانتهاءاً بالكمبريسور مره ثانيه
اللي يصير لما تكون انت ماشي بالسيارة ومنت مشغل الماكيف .. في هذي الحاله يكون الضغط داخل مواسير التبريد والمكثف والمبخر غير مرتفع ( أعلى من الضغط الجوي بقليل ) ..
لما يكون الـ RPM عالي وانت مسرع وتشغل المكيف فجأه رايح يدور الكمبريسور بسرعه عاليه تبعاً لسرعة دوران المحرك ..
هذا التسارع المفاجئ يسبب بناء للضغط بشكل سريع جداً مما قد يؤثر على الكمبريسور أو بقية أجزاء دائرة التكييف
لكن في حاله أخرى ..
لما تمشي والمكيف شغال يكون الضغط داخل دائرة التبيرد موزع ومرتفع مسبقاً .. اللي يصير انه الكمبريسور يفصل والسيارة ماشيه ( حتى لو ماشي بسرعة 200 !! ) ويرجع يشبك مره ثانيه بشكل طبيعي جداً ..
طيب ليش هنا ما يصير ضرر ؟؟
لأنه الضغط ما يمديه ينخفض بسرعه .. ياخذ وقت شوية عشان ينخفض ..
فلما الكمبريسور يفصل ويشبك .. يظل الضغط داخل الدائرة موزون
فما يكون هناك أي مشكله من الفصل والتشغيل
لكن المشكله لما يكون المكيف مطفي من فترة تزيد عن النصف ساعه تقريباً
واذا كنت مسرع
حط القير في N
و خليه شوي على ما تهدي المكينه و الRPM ينزل
شغل المكيف
و رجع القير
و امشي بالسلامه :D
منقول للفائدة
