أي استفسار عن لاندروفر أو رنج روفر تفضلو

السلام عليكم اخوي ابغاك تعطيني تفاصيل عن الرانج سبورت

تسلم هذا واجبي تجاه اعضاء المنتدى

تسلم اخوي على سرعة الرد .

ممكن ليش لا بس يشتري الاسطابات ويسويلها برمجة في الشركة
وكانه الرنج 2010 ومحد يدري

السلام عليكم بخصوص الاسئلة ربيعي عنده رنج اسبورت 2007 ...
هو امغير الاسطابات الامامية و الخلفية و امخليها 2009 .. ممكن يغيرها الى 2010 .. و لا لا .

شكرا على الردود
لاكن رنج روفر او رنج روفر سبورت او lr2 الي ماعنده دراهم لايشتريه
قيمة الصدام الامامي حق السبورت 9500 ريال لايش ماينكرس
والخلفي 7000 ريال
وبعدين يطيح نصف سعره عند البيع هذا بس عشان الشباب يحبونه
طيب ليش ماتاخذ ,
FJ, RX , X5 ,X6 كلها 4×4

هلا والله اخوي..

الغالي تأكد من عنوان الموضوع..

استفسار عن لاندروفر أو [COLOR=Red]رنج روفر تفضلو[/COLOR]..

بالنسبة للاند روفر LR2 ما عندي اي علم عنها وعن عيوبها..

لكن الـرنج روفر HSE و الـ VOGE ما عليهم كلام أبدآ من خلال تجربة شخصيه لأكثر من 4 سنوات لموديلات 2006 و 2009.. صـحيح بان سعر قطع الغيار والصيانة غالية جدآ لكن الموتر يستحق بـجد.. وصيانته ما تفرق بشيئ أبدآ عن الـبورش والـBMW AMG ..

ما عـندي عـلم عن الـرنج سـبورت لأني ما جربته لكنه موتر محبوب جدآ من الشباب والكل يتمنى امتلاكه..

هلا كم قيمة الرنجروفر

شباب الرجال اشترى لاند روفر مو رنج روفرفيه فرررررررررررق كبير بينها
الاند روفرlr2.... سياره الشباب حول 14000 ريال
الرنج روفر... سياره vip حول 350000 ريال
يعني الراجل حدد سياره معينه ماتكلم على الرنج روفر على قول اخونا الي مايعرف الصقر يشويه?( تاكد من السياره ياغالي )

اخوي السيارة ما عليها كلام ... بس المشكله اولا ..
سعرها اللي يطيح بعد شراءها بسنه .. تاخذها 250 الف و يوم اتبيعها السنه اللي بعدها اتجيبلك 150 او 180 الف ....

و مشكلتها ايضا انه صيانتها الشهرية و قيمة الادوات الاستهلاكية للسيارة الغالية و اللي انا اشوفها مبالغ فيها بشكل كبير جدا ..

و شكرا على الموضوع اخوي الكريم .

لا فهمت غلط السيارة فيها عيوب تصنيع
والسيارة اخذتها بضمان
مثلا خط الانتاج حق الــLR2 مثلا 50000 سيارة ماتكون في سيارة بها
عيب أكيد شي طبيعي أي شركة زي الكامري في كم واحد يشكي منها
وزي الأكادية في مشاكل بس اللاند الي معي مو رنج
المفروض يطوني بديله تظهر به أكثر من 5 عيوب يعني السيارة
ماتصلح حتى لو بلاش ماتصلح لازم تتغير


والصراحة راحة
السيارة تمام بس جاتها عين وشوية عيوب

الله يكون في عوني

الـسلام عليكم ورحمة الله وبركاته..

اخوي من خلال ملاحظتي على مواضيعك السابقه تبين لـي الـتالي..

والله مادري شو مشكلتك بالضبط لكني اتوقع بانك اشتريت لك رنج بدون ضمان وطاح بجبدك يعني توهقت على سعر الصيانه..

والله ثـم والله الـرنج سيارة مالها مـثيل و ألي ما يعرف الـصقر يـشويه..

لو الشخص يحافظ على سيارته ما بتطلع بها اعطال لكن الي ما يحافظ عليها ويعاملها معاملة كرز او هايلكس خل يستحمل الصيانة والقطع الغالية..

الـرنج موتر لو اوصفه لباكر ما بخلص موتر هيبه وفخامه وقوة في الجبال والوديان وثبات غير طبيعي في عـلى الـطرق..

لو كنت تشتكي من الـلاندر روفر اتمنى بأنك تراجع وكيل المبيعات الي عـندك وأتمنى بأنك ما تشوه سمعة الـسيارة عند الاعضاء..

سعيد راعي اللاند روفر & راعي الشكاوي

شوف المعروف عن الرنج عندنا في دبي ... دفع بيزات حق الفشخره الا السيارة ما تستاهل هذا المبلغ اللي يندفع لها ...
يعني الصراحة واحد في الدوام عنده كل ما وداه الوكاله قالوله على 5 آلاف و فوق ...
صار يبدل اويل ( زيت ) و الفلتر في محطة ايبكو و طاف حق الصيانه ...

و المعروف انه موب مال سرعه و لا يحزنون بس حق شارع جميرا و ما اتركب مخفي .. حق الكشخه يعني ... و لا تنسى قيمة الصيانه و غيرها ... و مثل ما قالوا الشباب ... قطعها نااااااااااااااااااااااااااااااااااااااااار

شباب كلمت صاحب الموضوع الله يكون في عونه
السعيد من اتعظ بغيره

حبايبي كيفكم
صاحب الموضوع عارض شكوته في كذا منتدى وحاط رقم جواله وعارض السياره للبيع اذاماخانتني الذاكره بــ90000ريال
المهم اذا عندك فلوس كثيره وتفهم في علم البخشيش .. وعندك علاقه قويه خذه
والى اشرد منها شردك من الموت
السياره بصراحه جباره 100% بس يعيبها الوكاله الحراميه قال ايه قال سيف
تحياتي

بالفعل والله محتار قبلك

والله احترنا .. واحد يقول كويسه والثني يقول لا ....

طيب نشتري ولا لا ؟

السلام عليكم انا عندي lr3موديل 2007 و ماشالله عليه تمام التمام في البر و الطرق السريعه ما خليت مكان ما رحت فيه و صراحة سيارة تعتمد عليها و الحمدلله صيانتها اول باول ولا اشتكيت من شي ... وهذا رائي لاني مجربها في كل الظروف . و أفضلها على أكقر السيارات صراحة . وشكرا للجميع ...