مكسيما 2010 فل اوبشن

انتو تره وايد مقللين من حق السياره و انتو اصلا لا شفتوها و لا ركبتوها
و لا حتى عندكم اخبار صحيحه عنها انا مادري انتو ليش تتكلمون و انتو مو مجربينها؟؟
انا صحيح مستغرب من سعرها .. بس مايندرى السياره شنو فيها من مواصفات شنو
مافيها انتو وايد تتكلمون و تصغرون من قيمه السياره بدون اي تجربه او معرفه
و صحيح الي قاله اخونا قبل شوي لو كانت هي انفنتي جان قلتو 160 الف اشوي عليها
و من قال ان المكسيما ماتستحق الاحترام انا اشوفها تستحق اكثر من الالتيما

و هاي اضافتي و شكرا

السلام عليكم



فكروا فيها منطقياً


هي ما هي من فئه الأوريون حلو ....؟

الأوريون بشاشه ملفقه بقيمه 110.000 ألف ريال

يعني الحين باقي علينا 16 ألف ريال

1/ جنط 19 (( كم راح يكون سعره ))

2/ 9 سماعات بوز وفيها 2 أووفر (( كم راح يكون سعرها ))

3/ مراتب جلد نيسان (( كم راح يكون سعرها ))

4/ كاميرا خلفيه (( كم راح يكون سعرها ))

5/ توب ترونيك بالمقود (( كم بيكون سعرها ))

6/ التبريد والتسخين (( كم بيكون سعرها ))

7/ فرق 22 حصان تقريباً (( كم بيكون سعرها ))

8/ قير سي ي تي (( كم بيكون سعره ))

9 / داخليه انفينتي (( كم بيكون سعرها مع التخشيب ))

10/ مساند رأس نشيطه (( .......))

11/ أفضل 10 محركات في العالم لأعوام مديده

12/ نظام تنبيه الاطارات

13/ طارة دركسون عليها خياطه مع القير عليه أيضاً خياطه

14/ شكل جديد وموديل جديد 2010

15/ وغير شاشه باللمس وغيره وغيره


ولك ان تحسب


تحيه طيبه

انزين وقوتها ما تفرق عن التيما

التيما قوتها 280 والمكسيما 290

عشرة احصنه ويش بتسوي ؟ المكسيما اثقل من الالتيما بواجد

الالتيما حتى لو كانت قوتها 260 حصان بعد بتشق المكسيما لانها اخف

ولا ويقولون لك المكسيما سيدان سبورت اربع ابواب ؟ يا سلام ؟ امحق سبورت اذا قوتها 290 حصان

السلام عليكم



لالالالالالالا ابدا لا تستحق

خذ لك مستعمل ابرك لك

من اللي يسوق السيارة ؟ السائق ولا الراكب ؟ :bigggrin:



تبيه يشتغل و السيارة تمشي ؟؟ طيب اذا صدمت يصير الغلط على مين ؟؟ على الـ DVD ؟؟ :bigggrin:
في كل السيارات الـ DVD ما يشتغل على الشاشة الأمامية الا اذا كانت السيارة واقفة ، لكن في بعض السيارات الأوروبية يشتغل الـ DVD للراكب فقط و السيارة تمشي



نظام بوز السمعي بـ 9 سماعات ، و نظام خارق ما شاء الله بعد تجربته :xyxthumbs:



الفل كامل ما فيها بوصلة في المرآة الوسطى ، بوصلتها في نفس شاشة الملاحة

مرور الكرام
من قال ان السيارة مو متوفرة للتجارب ؟؟ السيارة الحين موجودة في فرع الحمراء و فرع الشفا إلى يوم السبت ، طبعا أنا اتكلم عن مدينة الرياض

طبعا الـ 70 سيارة هي دفعتين من أصل دفعات جاية للوكيل ، فيه دفعة على الطريق جاية

اما ان السيارة تستاهل أو ما تستاهل ، تستاهل 126 ألف على مواصفاتها اللي فيها ، لو تحط السيارة باسم انفنيتي ما راح تنزل قيمتها عن 160 ألف

المواصفات بدون ترتيب

المواصفات من الداخل

مراتب جلد
مرتبة السائق هي التي فيها نظام التبريد والتسخين فقط (والراكب ليش )
وسادة الظهر للسائق أليه فقط
مقعد السائق 8 حركات
مقعد الراكب بـ 4 حركات
المرأة الوسطى تعتيم آلي والمرأة اليسرى للسائق فقط تعتيم آلي ( طيب والراكب ؟؟)
تخشيب امامي وخلفي
نظام الملاحه جي بي اس + دي في دي على فكرة الدي في دي ما يشتغل إلا لين توقف السياره (وش هالسخافه )
بوصلة في المرأة الوسطى
مقعد رياضي للسائق فقط
ذاكرة حفظ المقعد
ستاره خلفية آليه
نظام 6 سي دي
تبترونك بالمقود
8 سماعات

الخارجية

الجنط 19 انش
جناح
كاميرا خلفية
انوار زينون
كشافات ضباب

وشكرا

ما أدري وكيل نيسان متى يصحى من سباته العميق ...

الناس وين وهو وين ..

يعني السيارة لنا أكثر من 10 سنوات نستنى الشكل الجديد ..

وآخرتها كذا !! 70 سيارة جايب بس ؟!

لا حملة أعلانية زي الناس ..

ولا تسويق زي الناس ..

ولا قيادة تجريبية ..

يعني نفس سالفة الألتيما لما نزلت تسمع بشي أسمه 6 سرندل فل كامل وما تشوفه ..

وزي الــ GT_R ما عاد شفنا عنها شي ..

أما الماكسيما سيارة تستحق الإحترام ..

وما أدري هل السعر مناسب أم لا ..

ياليت ذكرت لنا المواصفات لنستطيع التحديد ..

وبالتوفيق ..