متى تكون اللوحة مميزة تباع بالملايين ؟؟ ( صورة ) .!

.
.
.
صراحة بعد هذه اللوحة على الكيا !!!
اشوف ان ميزان وتقييم المرور خايس!!!

وراعي الكيا هذا اتوقع انه اخذها من زمااان ايام كانت هـ ا م 001
قبل ماتتغير حافظ عليها !! وشال الاصفار !!

ولا اتحدى اذا في ذا الوقت يقدر ياخذها كذا سلام سلام

الارقام الاحادية 1 .. 2 ... الى 9 !!!
اول ماكانت مطلوبة بذيك الرغبة ايام اللوحات القديمة !!
وكان كل واحد يدور 999 او 888 او 777 او 666 أو ارقام طرازات السيارات 745 او 500 او 460 والارقام المطلوبة 100 و 200 و300 وهكذا !!

لكن الان بعد اللوحات الجديدة وازالة الاصفار ,,, وانتقال العدوى الى البحث عن اللوحات بالارقام الفردية ,,, اصبحت الحمى مشتعله في هذا النوع !!

واكثر من استفاد من هذا من كانت ارقام لوحاته فردية قديمة ,, غيّرها وحافظ عليها وعرضها للبيع !! بالسعرالفلاني :ch19:

ههههههههههههههههه

احمد لله على نعمة العقل والله المجنون يشتري لوحة باكثر من 100 الف >>ترا حتى 100 الف مبالغ فيها

لكن وش نسوي انا لو اخذ بنتلي مايهمني اللوحة اهم شي لوحة تركب واذا وقفك المرور

يقول الاستمارة وتعطيه المشكلة لو احصل أأأ 1 او 11 او 111 او 1111

ماتهزني لانه احسه مجنون اذا ماطلعت ليه وبس ولو دفع مبلغ وقدره

عاد فيها مسخرة يعني نسبة كثيرة من الفقراء ليش مافي تبرع ليهم بسكن ومال

ما اقول الى ..::’,.الشكوى لله.,’::..

اصــــــــحاب العــــقول فـي راحــة

صدق من قال: رزق الهبل على المجانين

أشكركم جميعاً على المرور ..

بالفعل أمر المرور غريب ..

يعني هـ ا م 1 مالها قيمة ..

ولوحة أ هـ م 1 تسوى مبلغ وقدره ..

بالفعل أمر عجيب .. وكلها في النهاية لوحة !

^^^

صدقت

والمشكله ماله الا يركبها على سياره ارخص منها

لو المبالغ هذي تروح لجمعيات خيره بعد المزاد كان قلنا جزاه الله خير

اما يضيعها للمرور وليتهم يضبطون النظام

ما شاء الله
انت شوف ماشاء الله عقولنا المتحضرة جدا والمتطورة عشان لوحة من حديد تنباع ب 6 ملاين ريال والله عقول خفيفة اختبار من رب العالمين وبعديها احنا نأتي ونتسأل ليش ربنا ساخطن
اشترينا الدنيا بالاخره
عقول خفيفة وغبية لكل واحد يشتري لوحة ب6 ملاين ريال لا حتى لو ب100 الف ريال
اغلى لوحة في العالم هي في الامرات والكل يعرفها نباعت ب45 مليون درهم
ويفتخر كمان عقل خفيف

الواسطة لها دور بالطبع,,

لكن اللوحات المميزة غالباً تنحجز من قبل المرور,,

و أذكر إن جيران ولد عمي كانت لوحة سيارتهم أرقامها 745 و الحروف ما أذكرها لكنها حلوه زي ص ق ر أو كلمة حلوة ثانية :)

وعلى كلامه أكثر من مرة يجيهم راعي بي ام يبي اللوحة :bigggrin:

و اذا تبي الكلام الصدق,,

مرة خالي عرض على الوالد لوحة ورفضها الوالد,,

اللوحة نفسها شفتها على روز رايز + لامبورغيني (شكله موحدها) وكل الصور كانت في أوربا,,

في الأخير الدعوة مزاجات الظاهر :bigggrin:

المرور عندهم مقاييس معينه مثل الاتصالات سابقا مع الارقام المميزه

حسب تكرار الحرف او الرقم


اللوحه هذي لو انها ا هـ م 1 كان سعرها بالعلالي

انا عجبتني لوحه ا ح ن 1 وهي موجوده على فراري او بورش


مره شفت لوحة ن ع ق 6666 على مرسيدس :a1120(121):

لو مو قديم كان قلت خبل شاريها بالملايين