ايش الحل في صوت مراية الفورتشنر..؟؟؟

أخوي الكريم WZ1420

أشكرك على توضيحك وإن شاء الله أجربها

الله يعطيك العافية على مجهودك

وليت الشركة تنظر في موضوعها

ياجماعة الخير إفهمو الصوت من الربل اللي يكون الزايد الي يركب على بدي الغمارة



يوم كان معي الإنترا حطيت حبل صغير بين الباب والربله وراح الصوت نهائي وفيه واحد من خوياي حطنا له الإسفنج الي يجي على شكل شطرطون يوجد عن ساكو يجي للنوافذ البيوت عرضه تقريباً 1 سم



:c0214::c0214::c0214:

فيه حل ...

تخرق الربله حقت البيبان وتدخل فيها لي مكيف صحراوي <<< معروفه الحركه لحل التنسيم

الحل عندي لاكن صعب إني أشرحة لك لاكن احاول ،،
المشكلة في الربل الموجود في الباب
طريقة إزالة الصوت هي كتالي:
تفتح باب السيارة يوجد في الباب ربل يكبس على بدي غمارة السيارة
إذا فتحت الباب ضع أي حاجة بين الباب والربل



حتى يكبس الربل على البدي مظبوط





آمل إني وضحت المعلومة والمشكلة هذي في أكثر السيارات حصلت معي في هونداي إلنترا 2002 وكذلك سوناتا 2006 و فرشنر 2006 ، 2009
كذلك آمل من الإدارة وضع الموضوع في الأقسام الأخرى لتعم الفائدة
وإعذرونا على الكتابة باللغة العامية

وانا كان معي هايلك ونفس المشكة:blue:

مثل ماتفضل ولد وايل صارت لي نفس المشكلة ,,, وحسيت ان الصوت جاي من المرايه الي يسار وطلع مصدر الصوت من ربلة باب الراكب .

يبين انها مشكلة في انسيابية الغطى او تركيبة المرايات

جرب احد الحلول :
1- استبدالها بنوعية اكثر انسيابيه حتى لو كانت لسيارة ثانيه وتركيبها سهل اعتقد وربما تكون مكلفة نسبياً

2- تركيب غطى اضافي كالتي يستخدمونها بالزينة وتأتي لأغلب السيارات ابحث في محلات الزينه
ربما تنحل المشكله بكسر دفع الهواء المسبب للصوت

3- حشو الفراغات بقطعه واحده من الاسفنج مثلا في حال عدم توافر مواد اخرى ( تفك المرايه وتحط الاسفنجه وتسكر عليها )


هذا والله يوفقك





من باب السلامة اولاً

لاينصح بسفط المرايتين اثناء القياده وذلك تفادياً لامور لايحمد عقباها

الصوت هذا ماهو من المرايات ابدا

الصوت من الربل لكن ماهو ربل القزاز الامامي مثل ماقال ابو فهد


لو كان من الربل الامامي كان سمعت تصفير فقط

هذا واضح انه تنسيم
الصوت هذا من ربل قزازة السواق



كل ماعليك وانا اخوك انك تنسم القزازة بلمسه خفيفه وراح يروح الصوت


اخيرا الفرق بين التنسيم والتصفير

التنسيم دخول الهواء داخل كبينة السياره واذا تبي تعرف انه تنسيم نسم اي دريشه عندك او افتح الفتحه اذا راح معناته تنسيم

اما التصفير فهو هواء يحتك اما بربل مرتخي او بالمرايه او التمثال او اي شي خارج الكبينه

ولو نسمت الدرايش او فتحت الفتحه ماراح يروح الصوت ابدا

شباب هذي المشكله اذكرها من 2003 كان معي كامري وكاله وكانت منتشره بالكامري على كل المديلات الي بعدها 004 005 06
والهايلكسات الجديده اغلب التايوتا

واتوقع انها من الجلد وليست المرايات

واستغرب من تويوتا عدم تعديل هذا الخطاء المصنعي من ذالك الحين مع ان شكل حله مايكلفهم شي والله اعلم!!

و الله الصوت اللي بفديو ابو هذال يجيب القلق

اللي يعينكم على ها الازعاج

طيب إذا كان عيب مصنعي,, ماعدلوها في الموديلات الجديدة..؟؟

أحد معاه فورتشنر 2009 أو 2010 يخبرنا عن هذي المشكلة

ولو فعلا عدلوها.. راح اطالب الشركة بمرايتين جديدة

انا إذا سفطت المرايتين راح الصوت

ابو خليل الصوت هذا طلع علي كذا مره في الهايلكس و فعلا مزعج و اول مره طلع علي كنت امشي 160 و كان مخيف بشكل :a1120(82):





طيب ابو فهد ليش اذا صفطو المرايات يخف بشكل كبير :confused1:

و معقولة كل الهايلكسات و الفورتشنرات بنفس العيب في الزجاج الامامي :a120(115):

و هذا هو الصوت :a1120(82):

[YOUTUBE]R7wTAp70f8Y[/YOUTUBE]

أخوي حياك الله

ما أتوقع ان الصوت من المرايا الجانبية - صحيح انك تحس انه من المرايا الجانبية لكن الأصح هو انه من الزجاج الأمامي يكون فيه ارتخاء بالربل
وحلها الله يسلمك انك تبدل ربل الزجاج الأمامي الخارجي وهو المسبب الفعلي للصوت ومشكلة الصوت انك تحس انه من المرايا وهو من الزجاج الأمامي

تنسيم بصوت عالي ومتقطع ويظهر في مقابلة الهواء = تنسيم الزجاج الأمامي فقط

تحياتي لك

أنا معي فورتشنر منذ أكثر من أربع سنين، والحمد لله لا صوت ولا شيء. وش هو الصوت، صفير هواء أم ارتجاج؟