اشكر صاحب الموضوع على طرحه، والشكر موصول لصاحب السياره (يعطيه خيرها ويكفيه شرها يا رب، ما شاء الله تبارك الله) والشباب اللي افادونا ولو بالشيء اليسير
إن شاء الله ناوي اشتري السياره، بس عندي استفسارات اتمنى احد يفيدني فيها
ليميتد اوول وييل درايف اللي دفع مستمر للكفرات الاربع (ما ادري ترجمه صح ولا من تأليفي)
وش تفرق عن الفرونت ويل (دفع امامي) يعني من ناحية المميزات والعيوب، [COLOR=darkgreen]مع العلم اني شخص ما تهمني السرعه ابداً ولا المقاومات (الله يبعد كل مسلم عنها يا رب)،[/COLOR]
انا ودي باوول وويل علشان موضوع الرساوه فقط، هل بتكون مشاكلها اكثر من الفرونت ويل (هذا مجرد تساؤال وان شاء الله ما يجي منها مشاكل) [COLOR=navy]مع العلم سيارتي الآن كرايسلر 300 M دفع امامي[/COLOR]
اتمنى احد يفيدني بالجواب يعني اذا اباخذ فرونت ليش، وفي ايش يفيدني، ونفس الشي للأوول ويل
افادني احد الاصحاب بالنسبه للأوول ويل انه بتصير قومة السياره اثقل من الفرونت، هل هذا صحيح
صراحه العيب اللي لاحظته انه لا يوجد تجربة قيادة حتى للجاديين في الشراء، وهذا صراحه مخوفني، لأنك بتاخذ سياره ما جربت قيادتها
وشكراً
آسف على الاطاله
