بسم الله الرحمن الرحيم
سلام عليكم كيف حالكم اخواني انا والله تعبت من سيارتي وهي صني 2004 طبعا كل دقه بتعليمة انا شريت السيارة عن طريق عمي من شخص ساكن بجده وانا بالجنوب .. وطبعا انا قلت عمي ذيبان ويعرف ..لكن للأسف طلعت السيارة مجنونة ...
تفاصيل عن السيارة ..
السيارة مصدومة وجه
السيارة مقلوبه
الكهرب حقها تعبان وتوصيل الأسلاك اي كلام وبدون شطرطون
الرديتر مافيه
البنزين صفر
الفرش الأرضي ممزق
الشنطة ماتتسكر الا بعد تعب وعده محاولات
حبل الشنطة مقطوع
تسمع تكات لمن تعشق
لمن تقوم السيارة تقول (طـــق)
المهم .. كل هذا صلحته وندمت اني شريت السيارة بالواسائط وتعلمت درس لن انساه ووجدت انكار وجحود .. ولكن الله يعوضنا خير
... بعد هذا كله مشت السيارة زي العسل .. لمدة شهر كامل بدون اي شئ
وفجأة الدودة بدأت تقطر زيت يوميا ومالقيت في جميع الصناعية دودة بديلة رحت الوكالة ابي الدودة بعد التعب والتدوير وجدتها الوكالة فعلا ولكن تفاجأت ان السعر مو طبيعي ب 4000 ريال اربعة الاف ريال لدودة سياارة خردة ..
قلت لا والله ماشريتها .. رحت للتشليح ولقيت الدودة وشريتها ب 1000 الف ريال ..
مومشكله هذا وحليناه .. مشت معي السيارة وفجأة ظهر عيب جديد .. عذبني .. وربي هذا العيب اللي خلاني اكره نيسان واكره الصني واكره السيارات الجديدة اللي ماتشتغل الا بكمبيوتر
__________________________________________________________
هذا الكلام اللي فات بس كلام عابر : مشكلتي هي عندما ظهر لي العيب الجديد وهو الدلكو
وعليق الدعسه ..
رحت للكهرابيئين قالو لي بس غير الدلكو ويمشي وضعك اوكيه قلت طيب .. فريت ام الصناعية وعدة صناعيات وكلمت ناس خارج الجنوب .. ولكن للأسف لم اجد هذه القطعه الا عند الوكالة (الحمراني) قلت مو مشكله بكم قالو لي ب 3000 الاف ريال بعد الخصم .. قعدت اضحك بجنون
رحت وتركتهم رحت للتشليح ادور القطعه وفعلا لقيتها بس مارضوا يعطوني اياها كذا قالو لازم مع المكينه ب 8000 ثمانية الاف .. حاولت مع الرجال وحاولت الاين عطاني اياها ب 1000 الف ريال لحالها .. قلت الحمد لله وركبته وبعد يومين الا والمشكله رجعت .. والى يومكم وانا اطفي واشغل اكثر من 20 مرة عشان تضبط الدعسه .. وكل شوي وانا اعاني والمشكله انها تقطع فجأة بدون سابق انذار وتمشي معي تمام وفجأة تقطع
______________________________________________________________
حاولت ابيع السيارة الا انها ناشبه بحلقي نزلتهاالمعارض الا وكل شوي نفس المشكله ترجع حقت الدلكو ويروحن العالم ...
_____________________________________________________________
ابي اعرف اللحين المشكله من الدلكو او من البخاخات او من ايش .. وتروني لمن الف الطارة والسيارة شغاله وواقفه في محلها يرتفع امبير الدعسه شوي .. فهل للدركسون علاقه بالدلكو
؟؟؟؟؟ جاوبوني تكفون ابي اصلح هالخراب وابيع السيارة ... تكفون انا تعبت نفسيا منها
