تحيه طيبة للجميع ..... يااخوان ذهبت للجميح اليوم وشفت لوحة مكتوبة عليه "" لا تشتري سيارة اليوم انتظر الى 20 /12 يوم الاثنين"" .. وسالت الموظف بقول ما يدري ؟
أحد من الاعضاء عنده فكره عن المفاجئة والعروض المتوقعة
هي مجرد فبركة دعائية.
لأني رحت لفرعهم اللي بشارع الحج, وقالولي انهم مسوين خصومات على موديلات 2009 بمبالغ متفاوتة.
يعني بعض السيارات عليها خصم 4000ريال و بعضها 2000ريال و البعض 90ريال و عجبتني حكاية ال 90ريال..!! طبعاً هذا كلام الموظف نفسه.
لعب عالدقون، امس كنت عند العيسى، التاهو LT (هذي الفئة الموجودة بس من التاهو) بدون دبل 116 الف وشفروليه سوبربان ب126 الف، العرض المو طبيعي في نظري، سييرا دينالي ب165 الف، والعرض الأسخف كابرس LS (وهذا الموجود وكمان 6 سلندر) ب83 الف نزلو فيه 5 آلاف، كروز قير اوتو درايش اوتو ب58 الف و ب60 اذا تبيها جنوط وكشافات، ماليبو فل ب98 وبدون شاشة <<< استهبال.
أنا كنت في التوكيلات العالمية أمس في الأحساء ورأيت بعض من السيارات المعروضة بها أثار التلميع واضحة في بعض الزوايا والأركان في بعض السيارات صدقوني عاد ما أدري بها سمكرة أو شموخ الله أعلم لأنها مغبرة وعليها أشوبت كشرة.
الناس كانت تترقب هذا الإعلان ، وكانت تترقب خصومات أكبر وعروض أكبر ..لكن للأسف أن حجم الإعلان والمصاريف المدفوعة عليه لا تتناسب مع محتوى الإعلان ،
وحتما ً هذا سيسبب احباط في نفسيّات الكثير وخيبة أمل وردود فعل عكسية تجاه هذا الإعلان ... وأعتقد عدم تحقيق أي مردود نافع للشركة من هذه الطريقة الساذجة في الإعلان لأنها أثبتت أنها تستخف بالعقول الشرق أوسطية ، ونحنُ أرقى من أن يُستخف بنا .
برأي المتواضع ومن خبره ليست بالبسيطه مع الوكالات بالمملكه على اختلاف اشكالها ومجالات عملها افسر هذا التصرف بالتالي ...
احوشه ومستودعات دخلتها مياه السيول وسيارات طالتها الكارثه بشيء بسيط يمكن ازالته بالتلميع او بتغير كفرات مثلا" او هوبات ...الخ فمن الدهاء والمكر ان تباع بنفس اسعار الحج والعالم ياغافل لك الله تتسلف وتتدين وتقترض عشان تشتري وتكشخ بسيارات مخزنه على مدار سنه كامله لا واتغطست بالسيول .... و الله اعلم
