أخي العزيز
أول شيئ إسأل الله التوفيق ثم الإستخاره.......
ثاني شي : انا اشتريت ماركيز بعد 4 أشهر وأنا ألفلف في المعارض والصالات بشكل يومي.
إللي بأنصحك فيه :
1-لا تاخذ إلا ماركيز لارج ( طويل )
2-رح لمعارض الشفا ولف على كل الصالات لأنها بشارع واحد.
3-توجه لمستودعات السيارات قبل ما تنعرض في الصالات وراح تلقى حوشين للفليج واحد منها على الشارع العام بالشفا وواحد داخل المعارض في الجهه الجنوبيه من برحة السيارات بالشفاء وباب المعرض يفتح شمال وراح تلقى مكتوب عليه الفليج.
4-حاول تروح الصباح وتصيدلك سياره من اللي باقي بالتريلات وتوهم ينزلونها قبل تدخل الصاله.
5-استفسر عن السياره عن طريق رقم الهيكل وأرسله لموقع كار فاكس.
6-لاحظت عندهم سيارات يكون عليها ميداليه بلاستيك شفافه على شكل رقم 1 بالإنجليزي ومكتوب عليها hertz هذي أنتبه منها سيارات شركة التأجير المعروفه هيرتز وهذا في كل الصالات مو في الفليج لوحده.
7-الضمان ترى مو من الصاله هذا ضمان شركه ممكن ما تاخذه وتنزل قيمة السياره 1500 ريال لأنها قيمة الضمان(أنا ما أخذت ضمان والحمد لله 100%).
8-إفحص السياره عند ساسكو ب200 ريال فحص كمبيوتر كامل ولا تفحص الا عندهم لانهم افضل ناس في الفحص وهم بآخر شارع المعارض وأسأل ويدلونك.
9-إذا تبي ريموت أو ما لقيت الرقم السري للباب أو تبي تبرمج مفتاح ثاني راسلني عالخاص وأدلك وين وبأرخص الأسعار وأنتبه من اللي يقولك يطلع الرقم السري من الباب ( يعني يفك الباب من داخل ويطلع لك الرقم) وأي شي تحتاجه للبرمجه أنا ادلك مثل الراديو و البرمجه سعودي وغيره.
10-لا تنسى خلهم يعطونك جنط عريض من المعرض عشان سبير الأمريكي يكون كفر صغير والجنط يكون أسود وتراه مجانآ(لا ياخذ عليك قيمة الجنط) وإحتفض بالجنط الصغير لا تعطيهم.
أسأل الله لك التوفيق.
أرجو الدعاء لي ولأهلي ولوالدتي بالشفاء
