[COLOR=Blue]أولا لو بتخيرني باختار اللكزس اذا كان الفارق في السعر بسيط,,
ولكن:
شوف بكلمك بالمنطق:
الشباب في مثل عمرك أول أهمية له رزة الموتر وفخامته,
الفلوس ماهمته لأن غالباً هو مايدفع الفلوس, غالباً الوالد أو الوالدة الله يحفظهم للجميع,,
لاحظ معي التالي:
أنت على كلامك عمرك 15 سنة يعني أقل من العمر القانوني بسنتين,,
لنفرض انك شريت السيارة وعمرك 16 أو 17
الخوف هنا هو من طيش الشباب اللي نادراً مايسلم منه الشاب,,
وان سلم من شر نفسه ماسلم من شر غيره و اسأل مجرب,,
فإذا تبي نصيحة من القلب للقلب,,
في مثل هالعمر خذلك أكورد ولا كابرس ولا موتر حليو بحيث سعره مايتجاوز 80-90 ألف,,
منها موتر حلو ورزة في نفس الوقت + حافظت على فلوسك أو فلوس أبوك و تكون على الاقل ساعدته في توفير فلوسه حتى لو افترضنا انه قادر عليها وتقدر تعتبرها بر فيه وصدقني ربي بيباركلك في نفسك ووقتك وحياتك بدون ماتحس,,
نقطة أخيرة::
كاتب الكلام أعلاه عمره لم يتجاوز 22 سنة
كان مخير -عندما كان عمره 18 سنة- بين أفالون فل كامل في وقتها و مرسيدس E240 وكلهم موديل السنة,,
لكني فكرت بواقعية واستشرت الوالد وشريت الموتر اللي تشوفه في بياناتي,,
وحطيت على الاقل حول 50-70 ألف في جيبي عشان المهر و المصاريف الطارئة لاسمح الله,,
وأعيد و أكرر,,
اذا بتشتري موتر اشتره,,
لكن حافظ عليه من السرعة و طيش الشباب,,
والله يكتب لك التوفيق وين ماكنت ويحفظك بحفظه,,
[/COLOR]
