موضوع روعة صراحة :) و ماشاء الله على الاعضاء اغلبهم يحطون اوراق ,, طيب اذا ماعندك ورقة او قلم وش بتسوي :) هههه
المووهم ,, انا كان فيني النوم بشكل غير طبيعي وطلعت من المدرسة ودقشت لاندكروزر جديد موديل السنة المووهم مانحشت ولا شيء وقفت السيارة على جمب ورجعت للاند ,, كان سواق موقف السيارة غلط بس قدر الله وما شاء فعل . المووهم كلمت السواق قلتله كم رقم الكفيل اكلمة قالي الكفيل في القاهرة قلت طيب اكبر عيالة << سنة علشان فهمت السواق .
كلمت عبدالعزيز الي هو اكبر العيال .. وقلته الاضرار الي صارت في اللاند وكانت طعج وتقشر بوية بسيطة جدا. توقعت انه بيتنازل لأنه كان توه قايم من النوم . قالي انتظر اجيك الحين . انا استغربت قلتله ياخوي ترى طعجة ولا بـ50 ريال تصليحه . عاد انا كتبت رقم لوحتي ورقم جوالي وكنت بكتب رقم اثباتي من الحماس :) . الموهم ودي اختي للبيت ورجعت لموقع الدقشة . وانتظر الولد ,, تأخر ويووم جاء سوى من الحبة قبة ويقول البوية تقشعت قلتله انا قايلك طيب . قالي لازم نجم يجي ويقدر الحادث وو...الخ المووهم انا قعدت معه في سيارته وسواليف وهو من عايلة كبيرة ,, والا وسألته تبي اعطيك 50 وتفكنا من الانتظار قالي لا ,, انا ابي نجم مدري التأمين حقت يثمني ادقشة بصدام جديد ويعوضوني 500 ريال بدال الـ 50 حقتك . انا انقده على حركة الاستغلالية وانتهازية و فلسفوجية القهرية :) . ويوم جا نجم قال قيم التصليح في ورش .. يعني في الاخير ماله غير الـ 50 ريال :) و حنا كنا منتظرين من 9 الصباح تقريبا الى 1 الظهر ولا جاء التأمين وبعدين تلاقينا في مكان ثاني في اليل .
يوم قال موظف نجم مالك الا تقييمها عند ثلاث ورش والا انا اضحك عليه ضحك مسكين ,, والولد كان متعشم في الـ 500 :)
يستفاد من الموقف اذا الدقشة بتكلف حط رقمك وتحمل المسوؤلية حتى لو كان اسلوب تعبان .. اذا كان طعج حط رقمك واذا اسلوب تعبان اسحب عليه :)
:)
